Fredis Refunjol
Fredis Refunjol | ||
---|---|---|
![]() | ||
di tres Gobernador di Aruba | ||
Termino di oficina 1 di mei 2004–31 di december 2016 | ||
Antecesor | Olindo Koolman | |
Minister | ||
Termino di oficina 1989–1994 | ||
Termino di oficina 2001–2004 | ||
Miembro di Parlamento di Aruba | ||
Termino di oficina 1989–1994 | ||
Informacion personal | ||
Nacemento | 19 di desèmber 1950 Oranjestad | |
Informacion profecional | ||
Ofishi | politiko | |
[Edita Wikidata] · [Manual] |
Fredis José Refunjol (☆ 19 di december 1950 na Aruba) ta un ex-politico Arubano di partido MEP. E tabata e di tres gobernador di Aruba di prome di mei 2004 te 31 di december 2016. Anteriormente e tabata minister di 1989 te 1994 y di 2001 te 2004. El a sirbi tambe como miembro di parlamento di Aruba di 1986 te 1989 y di 1994 te 2001.
Bida
[editá | editá fuente]Fredis Refunjol a lanta den districto di Savaneta. Na 1968 e ta obtene su MULO-diploma y na 1970 su HAVO-diploma. Tres aña despues e ta gradua di Instituto Pedagogico Arubano (IPA) como maestro di scol. E ta cuminsa su carera profesional na Heilig Hart College na Savaneta y na 1981 ta bira cabesante di e scol.[1] Den e periodo aki Refunjol tabata activo como dirigente deportivo, entre otro di Aruba Volleyball Asociacion.
Na 1983 Refunjol ta uni na partido Movimiento Electoral di Pueblo (MEP). Entre 1984 y 1987 e ta asumi e funcion di vicepresidente di MEP y na 1988 ta wordo nombra secretario-general di e partido.[1] Na 1985 e ta debuta den e eleccion pa e prome parlamento despues di Aruba su status aparte y ta obtene 665 voto personal y un asiento den parlamento. Seguidamente e ta parece cinco biaha mas riba lista di MEP, halando un maximo di voto personal (1374 voto) na eleccion di 1998.
For di 1989 te 1994 Refunjol ta ocupa e puesto di minister di Bienestar, Enseñansa y Labor den gabinete Oduber I y II. El a sirbi como parlamentario di 1994 te cu 2001, añanan cu partido MEP a bay den oposicion. Den gabinete Oduber III el a keda nombra minister di Enseñansa y Asuntonan Administrativo, ademas di ta vice prome minister. Tambe Refunjol a fungi como informadordi gabinete Oduber I na 1989 y Oduber II na 1993, y como formado di gabinete Oduber III na 2001. Despues di su nombracion como sucesor di Olindo Koolman e ta asumi e posicion di gobernador di Aruba entrante prome di mei 2004. Conforme rekisitonan legal e ta retira di partido MEP y su puesto como minister. Su nominacion tabata unico, como esaki por a conta cu sosten unanime den parlamento di Aruba. Refunjol ta sirbi dos termino di seis aña como gobernador.
Na mei 2017 Refunjol, hunto cu e ex-politico hulandes Jan Franssen, ta ricibi e encargo di minister Plasterk pa investiga e problemanan den gobernacion na Sint Eustatius. Den nan rapport nan ta yega na e conclusion cu tin negligencia formal di e tareanan gobernamental, malmaneho financiero y ilegalidad. Nan conseho ta conduci na disolucion di e gobierno insular y nombramento di un "regeringscommissaris".
Entre 2018 y 2020 Refunjol tabata presidente di Fundacion Parke Nacional Arikok.
Refunjol ta casa y tin dos yiu muhe y un yiu homber.
Condecoracion
[editá | editá fuente]Hulanda - Caballero den Orden di Leon Hulandes (1995).[2]
Hulanda - Comendador den Orden di Oranje-Nassau (2016).[3]
Link externo
[editá | editá fuente]Fuente, nota i/òf referensia
|