Península

Un península ta un término geográfiko pa un masa di tera ku ta rondoná pa gran parti pa awa i ku ta konektá ku tera firme na solamente un banda.^[1] Den sentido estrikto e ta un pida tera ku ta konektá na un otro masa di tera dor di un istmo, i pues no ta konstituí di un isla. E palabra península ta derivá for di latin paeninsula, for di paene ku ta ‘kasi’, i insula ku ta ‘isla’. E palabra a drenta idioma ingles den siglo 16.^[2]

Ta papia di un península si e istmo ta smal kompará ku e tamaño di e península. Ademas, e península mester ta chikitu kompará ku e masa di tera mas hanchu. Penínsulanan ta eksisti riba tur kontinente. E península mas grandi na mundu ta e Península di Arabia ku un área di 3.237.500 kilometer kuadrá.

Potretnan di satelite di algun península riba diferente kontinente.

Península di Florida

Península di Skandinavia

Península di Arabia

Península di Antártika

Península di Somalia

Península di Anatolia

Península Koreano

Península Italiano

Península di Guajira

Mira tambe e kategoria Peninsulas di Wikimedia Commons pa mas dato mediatiko tokante di e tema aki.