Teschnigge vunde Brobagonda unn Moinungsmanibulazion
Dialegd: Schbaimarisch |
![](http://178.128.105.246/cars-http-upload.wikimedia.org/wikipedia/commons/thumb/b/b9/Anti-capitalism_color.gif/220px-Anti-capitalism_color.gif)
S'werren zahlraische Teschnigge vunde Brobagonda unn Moinungsmanibulazion, wu zum Baisbiel aus Erkendnisse vunde sozijal psischologische Wisseschafde, de kognidivi Psischologie, polidische Psischologie unnde Massepsischologie[1] herkummen. Oinische vunde Teschnigge, Taggdigge unn Schdradegije bauwen uff Deng'gfehla uff odda komma als redorische Gniff ogugge. Die Brobagondischde unn Moinungsmacha in zum Baischbiel Bolidig odda Werdschafd wollen fa die Masse vunde Laid fa ihrn Zwegg iwwazaischend riwwakummen. Awwa um Faggde unn Wohrhaid geds do'd'bai nedd.
Gmoinsomkaide
[Schaffe | Om Gwelltegschd schaffe]Teschnigge vunde Brobagonda unn Moinungsmonibulazion komma gud dodro erkenne, dasse on Gfiehl, Grundbdirfniss, „gmoinsome“ Werde unn Mythe vunde Gsellschafd abbelieren. Es werren die menschlische Inschdingd ogschbroche, awwa Faggde unn domid die Relided ausgeblend odda was bassd selegdiv rausgpiggd unn indabredierd wies bassd. Theme werren vaäfachd unnä razionale Analyse gibds nedd, Widaschbruch, Zwaifl odda Dialoch werd vahinnad. Ma baud gern es Freund-Faind-Schema uff unn hodde Oschbruch uff die alloinische unn allg'moin gildische Rischdischkaid.[2][3]
Definizione
[Schaffe | Om Gwelltegschd schaffe]Im Buch Propaganda and Persuasion vum Garth S. Jowett unnde Victoria O'Donnell definierense Brobagonda alsde absischdlische, sysdemadische Basuch, Wohrnehmunge zu forme, s’Deng’ge zu monibuliere uns Vahalde zu leng’ge, um so ä Reagzion zu krische, wu die Brobagondadischde hawwe wollen.[4] De Harold D. Laswell definierd des gnauwa uffde teschnische Aschbegd unn määnd, dass Brobagonda im waideschde Sinn die Teschnigg isch, um die Hondlunge vunde Laid dursch die Monibulation vun Vorschdellunge unn Daschdellunge. Des konn gschbroche, gschriwwe, bildlisch odda musikalisch bassiere.[5] Monibulazione kennen b’wussd odda uub’wussd, organisierd odda uuorganisierd, bolidisch odda gsellschafdlisch modivierd woi. Des kennen Schdaade sischdemadisch mache (Schdaadsbrobangonda), um die effendlisch Moinung zu monibuliere odda s’konnä „soziologisch Brobagonda“ soi.[6] where the unconscious desire to be manipulated and self manipulation leads the individual to adapt to the socially expected thoughts and behaviours (Jacques Ellul).[7] Do'd'bai werren die Laid d'yu g'brochd, sisch de gsellschafdlische Erwadunge o'zubasse. Effegdive Monibulazion isch nedd offesischdlisch, wails innen nedd-monibuladive Kondegschd oigäbedded isch.[6]
Oideelunge
[Schaffe | Om Gwelltegschd schaffe]De Henry T. Conserva hodd in soim Hondbuch vunde Brobagondateschnigge[8] 89 Teschnigge in siwwe Tibbe oigdehld.
- Logische Fehla (Kap. 1: Techniques of Faulty Logic)
- Ableng'gung unn Vamaidung (Kapt. 2: Techniques of Diversion and Evasion)
- Appell on die Gfiehl (Kapt. 3: Techniques that Appeal to the Emotions)
- Falsche Tadsache un Triggs (Kap. 4: Techniques that Involve Falsehoods and Trickery)
- Ausnudze vun menschlische Verhaldnstendenze (Kap. 5: Techniques that Play on Human Behavioral Tendencies)
- Schdiel (Kap. 6: Techniques of Style)
- Vanunfd unn gsunda Menschevaschdond (Kap. 7: Techniques of Reason and Common Sense).
Logig unn Redorig
[Schaffe | Om Gwelltegschd schaffe]Oinische vunde Teschnigge komma als Fehlschliss oi'ordne, wonn Brobagondischde Agumend bnudzen, wu zwa psischologisch wirgen, awwa logisch falsch sinn.[9][10] Solsche Teschnigge werren a inde Theorie vunde Agumendazion als Schoiagumend oigschdufd.[11][12][13]
Inde Redorig unn Dialgdig werrense als Sophisme, Vafahre vunde Rabaulisdig unn eristische Schdradageme (vgl. Schopenhauers Eristische Dialektik) dagschdelld.[14]
A middem Braisch vunde Rhedorische Schdilmiddl baide schbrochlisch Gschdaldung vun (nedd) lidararische Tegschd (Reede) hodds Iwwaschmaidunge.
Teschnigge
[Schaffe | Om Gwelltegschd schaffe]Oinische vunde bkonnde Teschnigge sinn:[15][16][17][18]
- Aldanadive Fagde ischn naijare B'griff, wu midde Fake News vawond isch. De B'griff suggarierd, dass b'wussd vabraidede falsche Informazione a Fagde sinn.
- Argumentum ad captandum odda a „argumentum ad captandum vulgus“ bschraibd s'Oifonge vunde Laid oddam Volg iwwa die Laischdglaawischkaid vunde naive Laid unnade Zuhera odda Lesa middm fadeschoinische Agumend, wus Gfiehl unn nedde Vaschdond oschbresche dud.
- Argumentum ad hominem[19], wu persenlische Aigeschafde vunde Geschna gridisiertd werren, onschdadd uff die Agumend oizugeje. Ausde zum Baischbiel ogeblisch schelschde Aigeschafde vum Geschna soll die Falschhaid vunde dere Moinung folsche.[20]
- Argumentum ad nauseam[19] („bis zum Erbresche“) mänd die odauernde Widaholung vunde imma glaische Aussache, Bhaubdunge etc. gern a fapaggd inem efache unn oigängische Slogan odd Schlachword. Des werd so ofd gsachd, bisses die Laid glaawen odda zuminneschd kenna me widaschbrischd.[21][22]
- Argumentum ad populum b'haubd, dass ebbes rischdisch isch, wails a die Meenung vunem wischdische Deel vunde Effenschlischkaid isch.[23]
- Argumentum ad verecundiam ischn Audoridedsagumend, wubai ma sisch uff jemond bärufd, wu brominend im effendlsiche Lewe isch, bsondas a Wisseschafdla, umä Idee, Agumend, Ziel, Posidzion, Vorgejenswais etc. vorbildisch, gildisch, werdvoll etc. ausseje zu losse.[24][25]
- Demonisierung vum Faind schdellde Faind alsn beese, aggresive Ograifer midd zaschderarische Ziele hieschdellt, wu schun gaken Mensch mehr isch. Domid sollde Hass uffde Faind gschierd werre domiman efacha valedze, Vabindede krische unnde Faind moralisch zermirbe konn.
- DARVO määnd die Täda-Opfa-Umkehr. De Täda dud so, alsobem des Opfa kä onnari Wahl g'lossd hodd als em Opfa zu schade unn gibd dem Obfa die Schuld fa alles wassam og'due hodd.
- Fake News isch die Vabraidung vun falsche Meldunge um die effendlisch Mänung zu b'oiflusse oddas Vadrauwe inde Schdaad zu schwesche etc.
![](http://178.128.105.246/cars-http-upload.wikimedia.org/wikipedia/commons/thumb/6/65/Cognitive_bias_codex_en.svg/220px-Cognitive_bias_codex_en.svg.png)
- Deng'gfehla, wu die Laid hawwen, kennen monibulativ bnudzd werre. Mensche meeschen efache unn gladde Vorschdellung ohne Widdaschbrisch, Vorschdellunge unn hamoische Konzebd, wu alles zommebassd. Des komma bnudze, umse zu monibuliere.
- Newelkerz ischn Ablengungsmanewa.
- Personekuld bschdehd inde Iwwahehung von änna Änzlperson dursch die Glorifizierung vun dem wasse g'machd, gsachd unn g'dengd hodd. Dodursch isch ebbes nedd grad so bassierd, sondan de Vadienschd vun der Person. Ofd werd die Person als Genie dagschdelld, wu iwwamenschlisches g'laischd hodd unn onnare nedd hedden due kenne. Do'd'zu kummd dann ä Misdifizierung, wu die Person donn allwissend, uuschterblisch und allgeschewerdisch werd. Des zaischd sich donn effendlisch zum Baischbiel in Schdadue, Monumende, Porträs odda Schdroßenome.
- Rosinepigge, wude Richard Crossman, de britische schdellvadredenda Laida vunde Psychological Warfare Division (PWD) fa die Supreme Headquarters Allied Expeditionary Force (SHAEF) während dem Zwedde Weldgriesch gsachd hodd „In propaganda truth pays... It is a complete delusion to think of the brilliant propagandist as being a professional liar. The brilliant propagandist is the man who tells the truth, or that selection of the truth which is requisite for his purpose, and tells it in such a way that the recipient does not think he is receiving any propaganda... [...] The art of propaganda is not telling lies, but rather selecting the truth you require and giving it mixed up with some truths the audience wants to hear.“[26] (uff daidsch „Inde Brobagonda zahld sisch die Wohrhaid aus... ma daidsch sisch fellisch, womma sisch de brillionde Brobagondischd alsn professjonelle Lieschna deng’gd. De professjonelle Brobagondischd ischn Monn, wu die Wohrhaid sachd odda än Deel vunde Wohrhaid, wu vaem nidzlisch isch unn wua so sachd, dassde Zuhera nedd deng’gd, dasses Brobagonda isch... [...] Die Kunschd vunde Brobagonda Bschdehd nedd dorin zu liesche, sondan die Wohrhaid auszuwehle, wuman brauche konn unnse mit oinische Wohhaide zu mische, wus Publikum here will.“)
- Whataboutism (Unn was isch domid…?) ischä Varijond vum tu quoque. Des b'ruhd uffm Druchschluss, wuma vasuchd, dd Schdondpungd vum Geschna ins schleschde Lischd zu rigge, indem monen de Haischelai bschuldischd unn domid vun soim Agumend ablengd, anschdadds zu widdalesche.
Vawais
[Schaffe | Om Gwelltegschd schaffe]- ↑ Bussemer Thymian: Psychologie der Propaganda | APuZ. Abgerufen am 30. Juni 2019.
- ↑ Ellul, Jacques (1973). Propaganda: The Formation of Men's Attitudes, p. 39–40. Trans. Konrad Kellen & Jean Lerner. Vintage Books, New York. ISBN 978-0-394-71874-3.
- ↑ Nicholas J. O'Shaughnessy: Politics and Propaganda: Weapons of Mass Seduction. Manchester University Press, 2004, ISBN 9780719068539 (https://books.google.de/books?id=FTrgh74moswC&pg=PA4&dq=basic+form+of+propaganda+assertion+affirmation&hl=de&sa=X&ved=0ahUKEwiSyZzBmaPjAhXMK1AKHdDACIUQ6AEIKzAA#v=onepage&q=basic%20form%20of%20propaganda%20assertion%20affirmation&f=false).
- ↑ Garth Jowett, Victoria O'Donnell, Propaganda and Persuasion, SAGE, isbn 978-1-4129-0898-6, 2006
- ↑ Lasswell, Harold Dwight, Propaganda Technique in the World War, 1937, ISBN 0-262-62018-9, S. 214–222.
- ↑ 6,0 6,1 Stanley B. Cunningham, The Idea of Propaganda: A Reconstruction, Greenwood Publishing Group, isbn 9780275974459, 2002
- ↑ Thymian Bussemer, Propaganda: Konzepte und Theorien, Springer-Verlag, isbn 9783531161600, 2008
- ↑ Henry T. Conserva: Propaganda Techniques. AuthorHouse, 2003, ISBN 978-1-4107-0496-2 (https://books.google.com.ph/books?id=5ip9vVZ-H4sC&printsec=frontcover&dq=henry+t+conserva&hl=en&sa=X&ved=0ahUKEwi3odLfttnhAhVMfXAKHalcCRgQ6AEILjAB#v=onepage&q=henry%20t%20conserva&f=false).
- ↑ Ali Almossawi: An Illustrated Book of Bad Arguments. The Experiment, 2014, ISBN 978-1-61519-226-7 (https://books.google.com.ph/books?id=yOQhBAAAQBAJ&printsec=frontcover&dq=ad+nauseam+propaganda&hl=en&sa=X&ved=0ahUKEwi9r-SD6L3hAhUTQN4KHQzvB5k4FBDoAQhBMAQ#v=onepage&q&f=false).
- ↑ Bo Bennett: Logically Fallacious: The Ultimate Collection of Over 300 Logical Fallacies (Academic Edition). eBookIt.com, 2017, ISBN 978-1-4566-0737-1 (https://books.google.com.ph/books?id=WFvhN9lSm5gC&printsec=frontcover&dq=argumentum+ad+verecundiam&hl=en&sa=X&ved=0ahUKEwi6gJCy6b3hAhXGE4gKHSViCzMQ6AEILzAB#v=onepage&q=argumentum%20ad%20verecundiam&f=false).
- ↑ Paul Walter, Petra Wenzl: Kritisch denken – treffend argumentieren: Ein Übungsbuch. Springer-Verlag, 2015, ISBN 978-3-658-10554-9 (https://books.google.com.ph/books?id=c-1UCgAAQBAJ&pg=PA103&dq=scheinargumente&hl=de&sa=X&ved=0ahUKEwiJt8_KoJHjAhWQPXAKHZ4bB3QQ6AEINTAD#v=onepage&q=scheinargumente&f=false).
- ↑ Albert Mößmer: 64 Fehlschlüsse in Argumenten: Logische und rhetorische Irrwege erkennen und vermeiden. BookRix, 2016, ISBN 978-3-7396-3631-3 (https://books.google.com.ph/books?id=n8mMCwAAQBAJ&pg=PT198&dq=logik+und+propaganda+fehlschl%C3%BCsse&hl=de&sa=X&ved=0ahUKEwiPwNGyn5HjAhUXzmEKHSjUCUwQ6AEIKDAA#v=onepage&q=logik%20und%20propaganda%20fehlschl%C3%BCsse&f=false).
- ↑ Valentin Zsifkovits: Ethisch richtig denken und handeln. LIT Verlag Münster, 2005, ISBN 978-3-8258-8509-0 (https://books.google.com.ph/books?id=7JaTVWZiDS8C&pg=PA41&dq=propaganda+fehlschl%C3%BCsse&hl=de&sa=X&ved=0ahUKEwjUtpH_n5HjAhXBZt4KHZhaB0oQ6AEISzAH#v=onepage&q=propaganda%20fehlschl%C3%BCsse&f=false).
- ↑ Arthur Schopenhauer: Eristische Dialektik. Haffmans Verlag, 1995, ISBN 3-458-33358-4
- ↑ Robert Cole, ed. Encyclopedia of Propaganda (3 vol 1998)
- ↑ Jeff Koob: Ad Nauseam: How Advertising and Public Relations Changed Everything. iUniverse, 2015, ISBN 978-1-4917-5890-8 (https://books.google.com.ph/books?id=k8_BBwAAQBAJ&printsec=frontcover&dq=ad+nauseam&hl=en&sa=X&ved=0ahUKEwi8jcr-5b3hAhWtHqYKHXwYD7YQ6AEINjAD#v=onepage&q=ad%20nauseam&f=false).
- ↑ STEVE Dr ESOMBA: ADVERTISING AND THE SPREAD OF BUSINESS, DEMOCRACY AND KNOWLEDGE. Lulu.com, ISBN 978-1-4717-3443-4 (https://books.google.com.ph/books?id=TY_FBgAAQBAJ&pg=PA41&dq=ad+nauseam+propaganda&hl=en&sa=X&ved=0ahUKEwjbw7aH573hAhVbE4gKHckIDHUQ6AEIKTAA#v=onepage&q=ad%20nauseam%20propaganda&f=false).
- ↑ Alexandra Bleyer: Propaganda als Machtinstrument: Fakten, Fakes und Strategien. Eine Gebrauchsanleitung. BoD – Books on Demand, 2018, ISBN 978-3-7431-9071-9 (https://books.google.com.ph/books?id=2zupDgAAQBAJ&pg=PA162&dq=d%C3%A4monisierung+propagandatechnik&hl=en&sa=X&ved=0ahUKEwjD-tuc8b3hAhUDCqYKHV8sCKsQ6AEIMTAB#v=onepage&q=d%C3%A4monisierung%20propagandatechnik&f=false).
- ↑ 19,0 19,1 Charles Augustus Maude Fennell: The Stanford Dictionary of Anglicised Words and Phrases. University Press, 1892 (https://books.google.com.ph/books?id=8vRaAAAAMAAJ&pg=PA25&dq=ad+nauseam&hl=en&sa=X&ved=0ahUKEwjQpZvT5r3hAhXaM94KHU1jBns4ChDoAQg0MAM#v=onepage&q=ad%20nauseam&f=false).
- ↑ Douglas Walton: Ad Hominem Arguments. University of Alabama Press, 2009, ISBN 978-0-8173-5561-6, S. 1-10 (https://books.google.com.ph/books?id=48zCDAAAQBAJ&pg=PR14&dq=ad+hominem&hl=de&sa=X&ved=0ahUKEwjKoeOekofjAhUKMd4KHTocBjsQ6AEIKzAA#v=onepage&q=ad%20hominem&f=false).
- ↑ Jeff Koob: Ad Nauseam: How Advertising and Public Relations Changed Everything. iUniverse, 2015, ISBN 978-1-4917-5890-8 (https://books.google.com.ph/books?id=k8_BBwAAQBAJ&printsec=frontcover&dq=ad+nauseam&hl=en&sa=X&ved=0ahUKEwi8jcr-5b3hAhWtHqYKHXwYD7YQ6AEINjAD#v=onepage&q=ad%20nauseam&f=false).
- ↑ Na logisch! Die Ad-nauseam-Argumentation. Abgerufen am 7. Juli 2019.
- ↑ The laws of discursive thought: being a text-book of formal logic, S. xviii
- ↑ Douglas Walton: Appeal to Expert Opinion: Arguments from Authority. Penn State Press, 2010, ISBN 978-0-271-04194-0 (https://books.google.com.ph/books?id=6UxyS_4GXAkC&pg=PA52&dq=argumentum+ad+verecundiam&hl=en&sa=X&ved=0ahUKEwi6gJCy6b3hAhXGE4gKHSViCzMQ6AEIKTAA#v=onepage&q=argumentum%20ad%20verecundiam&f=false).
- ↑ Bo Bennett: Logically Fallacious: The Ultimate Collection of Over 300 Logical Fallacies (Academic Edition). eBookIt.com, 2017, ISBN 978-1-4566-0737-1 (https://books.google.com.ph/books?id=WFvhN9lSm5gC&printsec=frontcover&dq=argumentum+ad+verecundiam&hl=en&sa=X&ved=0ahUKEwi6gJCy6b3hAhXGE4gKHSViCzMQ6AEILzAB#v=onepage&q=argumentum%20ad%20verecundiam&f=false).
- ↑ Scot Macdonald, Propaganda and information warfare in the twenty-first century: altered images and deception operations, 2007, Taylor & Francis isbn 978-0-415-77145-0, 35 Seiten