Drobenachd
![](http://178.128.105.246/cars-http-upload.wikimedia.org/wikipedia/commons/thumb/3/3d/Oberrheingraben-NASA-250.jpg/220px-Oberrheingraben-NASA-250.jpg)
Als ä Drobenachd werd in Middleuropa ä Nachd bzaischned, bai derre die Demberadur nedd unner 20 Grad Celsius falle dudd. Gemesse werd des innem Wedderhaissche zwää Meder iwwerm Bode
Drobenäschd sinn selde in Daitschlond midd saim gemäßischde Klima. An de maischde Schdadsione vum Daitsche Wedderdienschd werd im Middl wennischa als ää Drobenachd im Johr regischdrierd. Veräänzeld werd an daitsche Wedderschdadsione zwää bis drai Drobenäschd regischdrierd. Rekordhalda is die Wedderschdadsion am Baliner Alexanderplatz midd dorschschniddlisch finf Drobenäschd im Johr. Bai große Schdädt is des kää Wunner, wail sisch jo die Schdädt tagsiwwer so schdarg uffhaize unn de Beddong unn Asphald nachds die Wärm an die Lufd abgewwe. Awwa aa die Rhoiewene is weejem milde Klima õõfällischa fer Drobenäschd. Es hot awwa aa schun auffällisch haiße Summa, wos mehr als 10 Drobenäschd gewwe hot. Zu nenne is de Rekordsumma 2003, wo Hidzerekorde gebroche worre sinn, in Kehl hots do 21 Drobenäschd gewwe.
Drobenäschd kenne belaschdend fer alde unn gschäschde Lait soi, mer konn bai denne Temberadure aa schleschda aischlofe.