Bòssli
![]() |
Vos an lenga piemontèisa |
Për amprende a dovré 'l sistema dle parlà locaj ch'a varda sì. |
Bòssli (Bozzole an italian) a l'é un comun dël Piemont ëd 334 abitant [1], ant la provinsa ëd Lissandria. Ël pais a resta an sla pian-a comprèisa antra ël Pò e 'l Bass Monfrà, davzin al fium e al confin con la Lomlin-a. Stòria[modìfica | modifiché la sorgiss]Basandse an sl'atestassion sij document, le orìgin dël pais a smìo armonté a l'Età ëd mes. Ël topònim a l'é cità tanme Bozolus, ch'a podrìa derivé dal latin tard bozulus, valadì la pianta 'd bòsso; n'àutra possibilità a peul arferisse al mòt bòsa che ant la parlà local a indica 'n paciass d'eva fissa, magara dovù a la vzinansa dël fium. Ël sènter abità a l'ha tramudà soa posission vàire vòte për via dle inondassion dël Pò: la stòria 'd Bòssli a l'é caraterisà da la costrussion d'àrgin e 'd ciuse, viaman che le aluvion a fasìo darmagi a le cà e ai sò abitant. Ai temp ëd soa fondassion, ël pais a fasìa part dël Contà 'd Lomel e a l'era anfeodà a la famija dij Cont ëd Cavajà; a ven peui possediment dij marchèis ëd Monfrà ansema a tut ël teritòri dj'anviron. Dël 1479 a oten n'independensa aministrativa an goernandse an forma 'd Comun lìber, con statù comunaj armontant al 1497. Ant ël Sinchsent Bòssli a l'é anfeodà ai Biandrà 'd San Giòrs, ma l'anfeodassion a ven artirà dai Gonsaga quand che 'n component ëd la famija as buta da la part dij Savòja ant ël contest ëd le guère dël Monfrà. Dël Sessent ël feod a ven assegnà a j'Ardisson an qualità 'd marcheisà, peui a jë sgnor Dla Val. L'inondassion dël 1684 a devasta ël pais, ch'a ven torna costruì an posission pì dësfendùa da j'àrgin. An costa ocasion San Gregòri Taumaturgh a ven soasì tanme sant patron, arnomà për la protession da le pien-e dij fium. Dël 1708, an séguit a la Guèra 'd Sucession Ëspagneula e al sucessiv Tratà d'Utrecht, Bòssli a passa al Ducà 'd Savòja 'd Vitòrio Medeo II, che pì tard a dventa Regn ëd Sardëgna. D'apress a l'época dla dominassion fransèisa ëd Napoleon Bon-a-part, dël 1814 a torna ant ël Regn ëd Sardëgna e a l'é aministrà sota a la Division (peui Provinsa) ëd Lissandria, a la Provinsa (peui Sircondari) ëd Casal e al Mandament ëd Tisnèis. Aministrassion[modìfica | modifiché la sorgiss]Ël sìndich a l'é Ugo Baldi (da l'08/06/2009, scond mandà dal 26/05/2014, ters mandà dal 27/05/2019). Anliure esterne[modìfica | modifiché la sorgiss]Arferiment[modìfica | modifiché la sorgiss]
![]() |