Capparis spinosa
![]() |
Vos an lenga piemontèisa |
Për amprende a dovré 'l sistema dle parlà locaj ch'a varda sì. |
Descrission[modìfica | modifiché la sorgiss]Ël tàpari a l'é na cita pianta sempre vërda originaria dël Mediterani e dl'Asia sénter-meridional. A peul rivé a un méter d'autëssa, con ramet ch'a son sempre virà an giù. Le feuje a son auterne con picol longh da 3 a 10 mm, ovaj o scasi rionde; a l'atach a peulo esse un pòch a cheur, con la ponta rionda o da rair piata. Le fior a son gròsse, ëd color bianch o reusa, motobin anciarmante, a l'atach ëd minca feuja. Ij frut a son dle càpsule vërde, a fus, reusa an drinta. A conten-o vaire smens neir o giaunastr, da 1 a 2 mm. Distribussion[modìfica | modifiché la sorgiss]A chërs coatand la tèra, o pendù ai muret, o ant le chërpure dla ròca. A fioriss d'istà, ampess, da magg a stèmber. Pi a setentrion, da giugn a luj. Notissie[modìfica | modifiché la sorgiss]Ij boton, cujì quand a son ancor nen durbisse, peui conservà an salameuja, a son motobin arsercà. As dòvra 'dcò la scòrsa dla reis, com diurétich.
Arferiment bibliogràfich për chi a veul fé dj'arserche pì ancreuse[modìfica | modifiché la sorgiss]
|