Уордьан
![](http://178.128.105.246/cars-http-upload.wikimedia.org/wikipedia/commons/thumb/0/0f/Order_of_the_Red_Star.jpg/220px-Order_of_the_Red_Star.jpg)
Уордьан — уопсастыба (ыраахтааҕы, судаарыстыба эбэтэр ханнык эрэ улахан тэрилтэ) киһини дуу, тэрилтэни дуу, сороҕор куораты кытта, наҕараадалыыр үрдүкү бэлиэтэ, уордьаҥҥа тиксибит (эбэтэр киирбит) киһи ханнык эрэ льготаларынан уонна бар-дьон ытыктабылынан туһанар.
Былыр Европаҕа бастаан тэрилтэ быһыытынан үөскээбит. Ол тэрилтэлэргэ уопсастыба элиитата эрэ, ол аата дворяннар, киирэллэр эбит. Холобур рыыцардар уордьаннара. Онтон сыыйа бу тэрилтэлэр ыраахтааҕыга чугас дьон бөлөҕүн быһыытынан көрүллэр буолбуттар. Онон уордьан чилиэннэрэ ханнык эрэр льготанан туһаналлара инники күөҥҥэ тахсыбыт.
Кэлин, XIX үйэттэн саҕалаан, өрөспүүбүлүкэлэр үөскээбиттэрин кэннэ, улам-улам билиҥҥи өйдөбүлгэ, ол аата уопсастыбаҕа улахан өҥөлөөх дьону льготанан наҕараадалааһыҥҥа уонна дьон ытыктабылынан туһанныннар диэн кэтэ сылдьар бэлиэҕэ кубулуйбут.