Coimbra
![](http://178.128.105.246/cars-http-upload.wikimedia.org/wikipedia/commons/thumb/6/61/Coimbra_University_Tower_2.jpg/200px-Coimbra_University_Tower_2.jpg)
Coimbra est una bidda portughesa, cabitale de su distritu numenale, de sa rezione Tzetru de su Portugallu e de sa sutarezione de su Baixo Mondego, e contat cun unos 143.396 abitadores. Sende sa leada prus manna, est su tzentru de referèntzia de sa rezione de sas Beiras, chi s'agatat in sa mesania de su Portugallu e tenet prus de duos milliones de abitadores.
Est una bidda istorigamente universidària, in bista de s'Universidade de Coimbra, fundada em 1.290, chi tenet in s'atualidade a inghìriu de 30miza istudantes.
Abada dae su riu Mondego, Coimbra est sa sea de una comuna de 319,4 km2 de superfìtzie, partzida in 18 trighinzos.
Est cussiderada una de sas leadas portughesas prus importantes, a resone de sas infraistruturas, organizaduras e impresas suas, in prus de s'importu suo istòrigu e de sa posissione zeogràfiga sua privilezada in su tzentru de s'ispina dossale de su paìsu. Coimbra custìtuit aguarmente referèntzia in sos domìnios de s'imparonzu e de sa salude.
Sa festa comunale s'isvilupat su 4 de triulas, in memòria de Santa Isabel Reìna, patrona de sa bidda.
Est istada cabitale nassionale de sa curtura in su 2.003 e est una de sas logalidades prus antigas de su paìsu, sende istada cabitale de su rennu. Su frore e sa mantega de Coimbra sunt rapresentados dae s'universidade sua, sa prus antiga de su Portugallu e de sos paìsos de limba portughesa, e una de sas prus antigas de Europa.
In sa data de 22 de làmpadas de 2.013, sa Unversidade de Coimbra est istada decrarada patrimòniu mundiale dae s'UNESCO.