Grecia salentina
Articulu in nugoresu
![](http://178.128.105.246/cars-http-upload.wikimedia.org/wikipedia/commons/thumb/5/59/Mappa_dei_comuni_della_Grecia_Salentina.svg/200px-Mappa_dei_comuni_della_Grecia_Salentina.svg.png)
Sa Grecìa Salentina est un'isula limbìstica posta in Puglia de zosso (provìntzia de Lecce), in ube istat unu populu (su grecanicu) chi tenet, comente limba pròpia traditzionale, su grecu. Difatis, cumprendet nove biddas in ube si chistiona(ba)t unu limbazu neo-grecu naratu griko.
A cumintzàre dae sos annos Novanta de su '900, an peròe mutatu sentidu a su faveddu "Grecìa Salentina", chi est oje tambene una parica de comunos, cun soddos chi lis donat s'Unione Europea; in su 2007 a sas nove biddas bi nde an postu fintzas ateras duas, chi no tenen su griko comente limba tradissionale. Oje in die, totu custas biddas fachen 54.000 persones chi bìven in ibe.
Mancari petzi Melpignano e Soleto no tenzan mancu unu chi faveddat griko, ateros comunos puru an perditu sa limba. Si nde fachet impreu galu in sas biddas de Sternatia, Martignano, Calimera, Corigliano d'Otranto e Zollino.
Sas biddas chi fachen parte de custa unione no cumpartzin petzi sa curtura e (in parte) sa limba, ma fintzas servìtzios. S'Unione tenet sea in Martano, ma de pac'ora la an movita a Calimera.
De s'Unione de comunos de sa Grecìa Salentina fachen parte undichi biddas:
- Calimera (in ube est su Consortziu);
- Carpignano Salentino;
- Castrignano de' Greci;
- Corigliano d'Otranto;
- Cutrofiano;
- Martano (sa bidda prus populosa);
- Martignano;
- Melpignano;
- Soleto;
- Sternatia;
- Zollino.