Pitaia
![](http://178.128.105.246/cars-http-upload.wikimedia.org/wikipedia/sc/thumb/1/11/Provintzia_de_Casteddu-Istemma.png/26px-Provintzia_de_Casteddu-Istemma.png)
![](http://178.128.105.246/cars-http-upload.wikimedia.org/wikipedia/sc/thumb/1/11/Provintzia_de_Casteddu-Istemma.png/26px-Provintzia_de_Casteddu-Istemma.png)
logudoresu · LSC · nugoresu
![](http://178.128.105.246/cars-http-upload.wikimedia.org/wikipedia/commons/thumb/3/3a/Pitaya_Colors.jpg/220px-Pitaya_Colors.jpg)
Sa Pitaia (fintzas Pitaya, Pitahaya) o frutu de su dragu est unu frutu de unas cantu genias de cactus de su gèniri Selenicereus. Custus frutus ant tentu orìgini me in Mèssicu, Amèrica Centrali e Amèrica de su Sud ma oindii funt cultivaus fintzas in unus cantu paisus de s'Àsia comenti Taiwan, Vietnam, Filipinas, Indonèsia e Malaìsia[1].
Variedadis
[modìfica | modìfica su còdighe de orìgine]Is variedadis prus comunas de Pitaia funt:[2]
- Selenicereus undatus (fintzas Hylocereus undatus), cun frutu arrùbiu e purba arba;
- Selenicereus megalanthus (fintzas Hylocereus megalanthus) cun frutu grogu e purpa arba;
- Selenicereus costaricensis (fintzas Hylocereus costaricensis), cun frutu arrùbiu/arrosa e purpa arrùbia.
Morfologia
[modìfica | modìfica su còdighe de orìgine]Is arraxinas de su frutu de su dragu funt fibrosas e si svilupant in su terrinu pendi-pendi asuba de su cambu. Asuba de is spinas crescit unu frori chi assimbillat a su de Disocactus anguliger. Is froris chi no arruint bessint frutus. Su frutu de su dragu est tundu-ovali mannu comenti un'avocado. Su colori de su pigiolu dipendit de sa variedadi. Totu sa peddi est prena de tzumbus chi parint scatas de dragu. Po custu, a su frutu ddi narant frutu de su dragu[3].
![](http://178.128.105.246/cars-http-upload.wikimedia.org/wikipedia/commons/thumb/6/68/Bunga_buah_naga_mekar.jpg/220px-Bunga_buah_naga_mekar.jpg)
Su truncu est de forma triangulari, is spinas funt curtzas meda e agiumai no si biint, duncas su fundu si podit cunsiderai unu "cactus chena spinas". Is froris s'aberint in su cumintzu de s'interinada, candu is bucionis funt mannus prus o mancu 30 cm. Su fragu de is froris, chi si podit intendi candu in prena froridura, atirat su sitzimurreddu chi est responsàbili de s'impoddinòngiu.
Produtzioni
[modìfica | modìfica su còdighe de orìgine]Su fundu si podit ponni po prantoni o sèmini. Crescit beni si su terrinu de impiantu est porosu (no ludosu), ricu de sustàntzias nutritivas, arenosu, bastanti espostu a su soli e cun una temperadura intra 38 e 40°C[4]. Su fundu donat frutu a s'edadi de 2 annus e arribat a sa produtzioni prena a 5 annus. Me is impiantus cumertzialis si podint ponni fintzas 1.100 - 1.350 fundus po ètaru. In sa fasi de produtzioni prena podint produsi 20-30 tonnelladas po ètaru[5][6].
Consumu
[modìfica | modìfica su còdighe de orìgine]Su frutu de su dragu bolit abertu po podi consumai sa purpa. Sa cunsistèntzia de su frutu est a fitianu paragonada a unu kiwi po mori de su sèmini nieddu e tzacarrosu. Sa purpa tenit sabori durci e càpiu calòricu bàsciu. Su sèmini est àspidu e ricu de lìpidus[7], si papat impari cun sa purpa, ma bolit matziau poita ca est difìcili de martiri. Si podit consumai a manera simpri o impreau po supa, insalada[8], patatas fritas, gelatina, porridge de perlas (Helmipuuro)[9], sucu e bevidas alcolicas[10], etc.
Maladias
[modìfica | modìfica su còdighe de orìgine]Maladias de truncu e frutus podint essi causadas de mugori, batèrius, nematoda e virus[11]. Tropu àcua podit fai arrui su frori e pudriai su frutu. Su batèriu Xanthomonas campestris pùdriat su truncu; su mugori Dothiorella podit strupiai su frutu. Àteras genias connotas de mugori chi podint impestai sa pitaya incluint Botryosphaeria dothidea, Colletotrichum gloesporioides e Bipolaris cactivora[11].
Riferimentus
[modìfica | modìfica su còdighe de orìgine]- ↑ (EN) Ramiro Lobo, Gary Bender & Gary Tanizaki, UC Cooperative Extension, San Diego County, Jose Fernandex de Soto, UC Hansen REC, Jose Aguiar, UCCE Riverside County, 2013 Pitahaya Production Seminar & Field Day (PDF), 23 austu 2013.
- ↑ (IT) Pitaya o dragon fruit, in Alimentipedia.it, 2 ghennàrgiu 2013. URL consultadu su 12 trìulas 2021.
- ↑ (IT) Pitaya: proprietà, valori nutrizionali, usi e controindicazioni del dragon fruit, in greenMe, 7 nadale 2018. URL consultadu su 23 trìulas 2021.
- ↑ (EN) Strawberry Pear, in hort.purdue.edu. URL consultadu su 23 trìulas 2021.
- ↑ (EN) Dragon fruit surprisingly easy to grow | Miami Herald, in web.archive.org, 20 martzu 2017. URL consultadu su 23 trìulas 2021 (archiviadu dae s'url originale su 20 martzu 2017).
- ↑ (EN) Dragon Fruit - Amorentia Sweet Dragon Fruit Nursery, in Amorentia Estate & Nursery. URL consultadu su 23 trìulas 2021.
- ↑ (EN) Ariffin, Abdul Azis; Bakar, Jamilah; Tan, Chin Ping; Rahman, Russly Abdul; Karim, Roselina & Loi, Chia Chun, Essential fatty acids of pitaya (dragon fruit) seed oil, in Food Chemistry, nº 114, pp. 561-564.
- ↑ (ID) Liputan6.com, Aneka Olahan Makanan dari Buah Naga Merah, in liputan6.com, 25 trìulas 2007. URL consultadu su 23 trìulas 2021.
- ↑ (ID) Manfaat Buah Naga untuk Kecantikan, Kesehatan, dan Masakan - Rehat.Net, in web.archive.org, 8 ghennàrgiu 2015. URL consultadu su 23 trìulas 2021 (archiviadu dae s'url originale s'8 ghennàrgiu 2015).
- ↑ (EN) Top 100 Exotic Food Plants - Ernest Small - Google Books, in web.archive.org, 18 santandria 2017. URL consultadu su 23 trìulas 2021 (archiviadu dae s'url originale su 12 ghennàrgiu 2022).
- ↑ 11.0 11.1 (EN) Diseases of dragon fruit (Hylocereus species): Etiology and current management options, in Crop Protection, vol. 126, 1º nadale 2019, pp. 104920, DOI:10.1016/j.cropro.2019.104920. URL consultadu su 23 trìulas 2021.