Abbé Pierre
![](http://178.128.105.246/cars-http-upload.wikimedia.org/wikipedia/commons/thumb/3/39/Emmaus_france_3.jpg/220px-Emmaus_france_3.jpg)
Henri Antoine Groués, dittu Abbé Pierre (Abbati Petru) (natu a Lioni, 5 d'austu di 1912 – mortu a Pariggi lu 22 di jinnaru di 2007) fu nu prèviti francisi, risistenti, omu pulìticu e funnaturi ntô 1949 dî Compagnons d'Emmaüs, n'organizzazzioni pi li pòviri e li rifuggiati.
Nasci a Lioni nta na famigghia nummirusa (è quintu d'ottu figghi) e bonu stanti. Studia ntô Culleggiu dî gisuiti dâ sò citati natali e ntrasi aduliscenti ntô muvimentu "scout". Sidicinu, duranti na gita a Assisi dicidi d'addivintari cappuccinu e tri anni doppu, appressu aviri distribbuiutu a li pòviri quantu avutu n redità, ntrasi, sempri a Lioni ntô cunventu di clausura dî cappuccini e ci arresta nzinu a lu 1938 studiannu tiuluggìa e filosufìa.
Ordinatu parrinu, l'annu doppu (1937), è custrittu a abbannunari la vita munàstica pi mutivi di saluti e svorci la sò attivitati pressu la diòcisi di Grenoble di cui succissivamenti addiventa vicariu dâ cattadrali.
Ntrasìu ntô muvimentu dâ risistenza francisa duranti la secunna guerra munniali, unni opirau cu diversi pseudònimi (nzinu a chiddu di "Abbé pierre") sarvannu nummurusi viti e favurennu la fuiuta d'abbrei e pulìtici assicutati versu la Svìzzira o l'Algirìa.
L'Abbé Pierre fu pi tanti anni cunziddiratu lu pirsunaggiu cchiù pupulari di Francia.
Arcuni contruversi ca lu riguàrdanu sunnu l'amistati cû vìscuvu Jacques Gaillot e cu Roger Garaudy, nigazziunista di l'olocàustu, oltri a li crìtichi di parti di li cunzirvatura pi la sò pusizzioni n favuri di l'aduzzioni omusissuali e pi l'ammissioni di aviri avutu un rapportu sissuali cu na fìmmina doppu l'ordinazzioni.
Lu pupulari riliggiusu è dicidutu a 94 anni la notti dû 22 di jinnaru di 2007 doppu na longa malatìa.
Onurificenzi
[cancia | cancia la surgenti]- Grand' Croix de la Légion d'honneur (lu 14 di giugnettu di 2004)
- Croix de guerre 1939-1945 cu parmi
- Médaille de la Résistance
- Premiu Balzan (1991)