Pippinu Impastato
![](http://178.128.105.246/cars-http-upload.wikimedia.org/wikipedia/scn/5/52/Peppino_Impastato_1977.jpg)
Pippinu Impastato nascìu a Cìnisi lu 5 di jinnaru 1948 e murìu ammazzatu dâ mafia, pri òrdini di Tanu Badalamenti, sò ziu, lu 9 di maju 1978, sfracillatu di na càrica di tritolu misa ntê binari dâ lìnia ferruviària Palermu-Trapani.
Stòria di Pippinu
[cancia | cancia la surgenti]La famigghia "Impastato" è nzirita bona nta l'ambienti mafiosu (lu patri di Pippinu vinni mannatu ô cunfinu ntô piriudu dû Fascismu, sò ziu e àutri sò parenti èranu mafiusi e lu cugnatu di sò patri era nu capumafia, ammazzatu ntô 1963 nni n'agguatu mafiusu.)
E' ancora carusu quannu si sciarrìa cu sò patri, ca lu jetta fora dâ casa, e accumincia n'attivitati pulìticu-culturali antimafiusa. Ntô 1965 funna lu jurnalinu L'Idea socialista e si junci ô PSIUP. Dô 1968 addiventa diriggenti dê gruppi di Nuova Sinistra. Cunnuci li lotti di li cuntadini asprupriati pâ custruzzioni dâ terza pista di l'ariuportu di Palermu, ntô tirriòriu di Cìnisi, dê travagghiatura dâ muratura e di li senza travagghiu.
Ntô 1975 funna lu gruppu Musica e cultura, ca svorgi attivitati culturali (cinefòrum, mùsica, tiatru, dibàttiti, ecc.); ntô 1976 funna Radio Aut, na ràdiu lìbbira finanziata d'iddu stissu, e cu chista dinunzia li dilitti e l'affari di li mafiusi di Cìnisi e Terrasini, e apprima di tutti dû capumafia Tanu Badalamenti. Lu prugramma cchiù ascutatu è Onda pazza, trasmissioni satìrica unni vènunu dinunziati mafiusi e òmini pulìtichi.
Ntô 1978 si candida ntâ lista di Democrazia Proletaria a l'elizzioni cumunali. Veni ammazzatu la notti tra l'8 e lu 9 di maju dû 1978, ntô mentri dâ campagna elitturali, cu na càrica di tritolu misa sutta a lu sò corpu curcatu supra li binari dâ ferruvìa.