ⵢⵓⴱⴰ ⵡⵉⵙ ⵙⵉⵏ

ⵉⵖ ⵓⵔ ⵉⴳⵉ ⵡⴰⴷ ⴰⵎⴳⵔⴰⴷ ⵍⵍⵉ ⵜⵙⵉⴳⴳⵉⵍⵜ, ⴽⵛⵎ ⵙ ⵜⴰⵙⵏⴰ ⵏ ⵢⵓⴱⴰ ⴱⴰⵛ ⴰⴷ ⵜⵥⵔⵜ ⴰⴽⴽⵯ ⵉⵎⴳⵔⴰⴷⵏ ⵏⵏⴰ ⴷⴰⵔ ⵉⵍⵍⴰ ⵢⵉⵙⵎ ⵣⵓⵏ ⴷ ⵡⴰⴷ !

---

ⵉⴽⴽⴰ ⵜⵜ ⵉⵏⵏ ⵢⵓⴱⴰ ⵡⵉⵙ ⵙⵉⵏ ⵏⵖ ⵢⵓⴱⴰ 2 (ⵙ ⵜⵍⴰⵜⵉⵏⵜ: IUBA; ⵙ ⵜⴳⵔⵉⴽⵜ ⵜⴰⵇⴱⵓⵔⵜ: Ἰóβας, Ἰóβα ⵏⵖ Ἰούβας^[1]; ⵉⴷⴷⵔ ⴳⵔ 48 ⴷⴰⵜ ⵜⵍⴰⵍⵉⵜ ⵏ ⵄⵉⵙⴰ - 23 ⴹⴰⵕⵜ ⵜⴰⵍⴰⵍⵉⵜ ⵏ ⵄⵉⵙⴰ) ⵉⴳⴰ ⴰⴳⵍⵍⵉⴷ ⵏ ⵜⴳⵍⴷⵉⵜⵉⵏ ⵜⵉⵎⴰⵣⵉⵖⵉⵏ ⵜⵉⵇⴱⵓⵔⵉⵏ ⵎⴰⵡⵔⵉⵜⴰⵏⵢⴰ ⴷ ⵏⵓⵎⵉⴷⵢⴰ ⴹⴰⵕⵜ ⵏ ⴱⴰⴱⴰⵙ ⵓ ⵏⵓⵎⵉⴷⵢⴰ ⵢⵓⴱⴰ ⴰⵎⵣⵡⴰⵔⵓ. ⵖ ⵜⵙⴳⴰ ⵏ ⵓⵏⴱⴰⴹ ⵏⵏⵙ ⴱⴰⵀⵔⴰ ⵉⵎⵓⵔⵙⵏ, ⵉⴽⴽⴰ ⵜⵜ ⵉⵏⵏ ⵉⴳⴰ ⵢⴰⵏ ⵓⵎⴰⵙⵙⴰⵏ ⴷ ⵓⵎⴰⵔⴰ ⴱⴰⵀⵔⴰ ⵉⵜⵜⵓⵣⵔⴰⴽⵏ ⵖ ⵓⵣⵎⵣ ⵏⵏⵙ. ⵜⴰⵎⵖⵔⴰⵜ ⵏⵏⵙ ⵜⴰⵎⵣⵡⴰⵔⵓⵜ ⵜⴳⴰ ⵜⵜ ⴽⵍⵢⵓⴱⴰⵜⵔⴰ ⵙⵉⵍⵉⵏⵉ ⵜⵉⵙⵙ ⵙⵏⴰⵜ, ⵉⵍⵍⵉⵙ ⵏ ⵜⴳⵍⵍⵉⴷⵜ ⵜⴰⵎⵉⵥⵕⵉⵜ ⴽⵍⵢⵓⴱⴰⵜⵔⴰ ⵜⵉⵙⵙ ⵙⴰⵜ ⵏ ⵎⵉⵥⵔⴰ ⵜⴰⴱⵟⵓⵍⵎⵜ.

ⵉⴳⴰ ⵢⵓⴱⴰ ⵡⵉⵙ ⵙⵉⵏ ⴰⴳⵍⴷⵓⵏ ⴰⵎⴰⵣⵉⵖ ⵣⵖ ⵏⵓⵎⵉⴷⵢⴰ. ⵉⴳ ⵡⴰⵃⴷⵓ ⵜ ⴰⵔⵔⴰⵡ ⵏ ⵓⴳⵍⵍⵉⴷ ⵢⵓⴱⴰ ⴰⵎⵣⵡⴰⵔⵓ; ⵜⴰⵎⴰⴳⵉⵜ ⵏ ⵉⵏⵏⴰⵙ ⵓⵔ ⵜⴻⵜⵜⵢⵓⵙⵙⴰⵏ. ⵖ ⵓⵙⴳⴳⵯⴰⵙ ⵡⵉⵙ 46 ⴷⵄ, ⵉⵏⵏⵔⴰ ⵢⵓⵍⵢⵓⵙ ⴽⴰⵢⵙⴰⵔ ⴱⴰⴱⴰⵙ (ⵖ ⵜⴰⴱⵙⵓⵙ), ⵜⴷⵡⵍ ⵉⵍⵎⵎⴰ ⵏⵓⵎⵉⴷⵢⴰ ⴷⴷⴰⵡ ⵓⵏⴱⴰⴹ ⴰⵕⵓⵎⴰⵏ ⴰⵔⵓⵙⵔⵉⴷ ⵖ 40 ⴷⵄ^[1]. ⴱⴰⴱⴰ ⵙ ⵉⴽⴽⴰ ⵜⵜ ⵉⵏⵏ ⵉⴳⴰ ⵜⵓⵕⴼⴰ ⴷ ⵓⵊⵉⵏⵉⵕⴰⵍ ⴱⵓⵎⴱⴻⵢ.

ⵎⵏⵏⴰⵡ ⵏ ⵉⵎⵥⵍⴰⵢⵏ ⵉⵜⵔⴰⵔⵏ ⴰⵔ ⵜⵜⵉⵏⵉⵏ ⵎⴰⵙ ⵔⴰⴷ ⵉⴳ ⵓⵡⵜⴰⵢ ⵏⵏⵙ ⵍⵍⵉⵖ ⵉⵏⵔⴰ ⴽⴰⵢⵙⴰⵔ ⵖ 46 ⴷ.ⵄ. ⴽⵔⴰ ⵏ ⴽⴽⵓⵥ ⵏⵖ ⵚⴹⵉⵚ ⵉⵙⴳⴳⵯⴰⵙⵏ, ⵀⵉⵢⴰ ⵔⴰⴷ ⵉⵍⵓⵍ ⴳⵔ 52 ⴷ 50 ⴷⵄ. ⵖ ⵜⵙⴳⴰ ⵢⴰⴹⵏ, ⴰⵏⵎⵣⵔⴰⵢ "Duane Roller", ⵓⵔ ⵉⴼⵍⵉⵙ ⵙ ⵎⴰⵢⴰ. Roller ⵢⴰⵏⵏⵉ ⵉⵙ ⵉⵍⵓⵍ ⵖ ⵓⵙⴳⴳⵯⴰⵙ ⵏ 48 ⴷ.ⵄ. ⴰⵛⴽⵓ ⵉⵔⵎ ⵍⵍⵉ ⵉⵜⵜⵓⵙⵎⵔⴰⵙⵏ ⵖ ⵡⴰⵡⴰⵍ ⴼⵍⵍⴰⵙ ⵖ ⵜⴳⵔⵉⴽⵜ ⵜⴰⵇⴱⵓⵔⵜ brefos ⵉⵙⵏⴰⵎⴽ ⵜⴰⵙⵍⵎⵢⴰ. ⵉⵔⵎ ⵉ ⵡⴰⵣⵣⴰⵏ ⴳⵔ 4 ⴷ 6 ⵏ ⵉⵙⴳⴳⵯⴰⵙⵏ ⵉⴳⴰ ⵜ pias ⵍⵍⵉ ⵓⵔ ⵙⵙⵎⵔⵉⵙⵏ ⵉ ⵢⵓⴱⴰ ⵖ ⵉⵙⵓⴳⴰⵎ ⴰⵏⵏ. ⴰⵢⴰⵏⵏ ⴰ ⴼ ⴰⵔ ⵉⵙⵔⵓⵙ Roller ⴰⵡⵜⴰⵢ ⵏ ⵢⵓⴱⴰ 2 ⵍⵍⵉⵖ ⵉⵕⵥⴰ ⵉⴱⴰⴱⴰⵙ ⴳⵔ ⵙⵉⵏ ⵢⵉⵔⵏ ⴷ ⵙⵉⵏ ⵉⵙⴳⴳⵯⴰⵙⵏ, ⴰⵢⵍⵍⵉ ⴰⵏⵖ ⵢⴰⴽⴽⴰⵏ ⴰⵙⴰⴽⵓⴷ ⵏ ⵜⵍⴰⵍⵉⵜ ⴳⵔ 48 ⴷ 46 ⴷⵄ^[2].

ⵢⵉⵡⵉ ⵢⵓⵍⵢⵓⵙ ⴽⴰⵢⵙⴰⵔ ⵢⵓⴱⴰ ⵡⵉⵙ ⵙⵉⵏ ⵙ ⵕⵓⵎⴰ. ⵖⵉⵏⵏ ⴰ ⵖ ⵉⵍⵎⴷ ⵜⵓⵜⵍⴰⵢⵜ ⵜⴰⵍⴰⵜⵉⵏⵜ ⴷ ⵜⴳⵔⵉⴽⵜ ⵜⴰⵇⴱⵓⵔⵜ, ⵉⵏⵏⵕⵓⵎⵏ, ⵜⴻⵜⵜⵢⵓⴼⴽⴰ ⴰⵙ ⵜⵖⵍⵏⴰⵡⵜ ⵜⴰⵕⵓⵎⴰⵏⵜ^[1]. ⵙ ⵜⵓⴳⴳⵯⴰⵙ ⵎⵇⵇⵓⵔⵏⵉⵏ ⵍⵍⵉ ⵉⵙⴽⴰⵔ ⵖ ⵜⵖⵔⵉ ⵏⵏⵙ, ⵏⵏⴰⵏ ⴼⵍⵍⴰⵙ ⵎⴰⵙ ⵉⴳⴰ ⵢⴰⵏ ⵙⵖ ⵉⵏⵎⵓⵔⴰⵏ ⴰⴽⴽⵯ ⵉⵖⵔⴰⵏ ⵖ ⵕⵓⵎⴰ ⵖ ⵓⵣⵎⵣ ⴰⵏⵏ. ⵍⵍⵉⵖ ⵉⵍⴽⵎ 20 ⵏ ⵉⵙⴳⴳⵯⴰⵙⵏ ⵢⴰⵔⴰ ⴰⴷⵍⵉⵙ ⵏⵏⵙ ⴰⵎⵣⵡⴰⵔⵓ ⵙ ⵓⵣⵡⵍ "Roman Archaeology"^[1]. ⵉⵙⵙⵏⴽⵔ ⵜ ⵉⴷ ⵢⵓⵍⵢⵓⵙ ⴽⴰⵢⵙⴰⵔ, ⵉⵍⵎⵎⴰ ⴰⵢⵢⴰⵡ ⵏⵏⵙ ⵓⴽⵜⴰⵡⵢⴰⵏ (ⵍⵍⵉ ⵔⴰⴷ ⵉⴳ ⴰⵎⵏⴽⴰⴷ ⴰⵡⴳⵓⵙⵜⵓⵙ). ⵍⵍⵉⵖ ⵉⵜⵜⵉⵎⵖⵓⵔ, ⵉⵎⵓⵏ ⵢⵓⴱⴰ 2 ⴷ ⵓⴽⵜⴰⵡⵢⴰⵏ ⵖ ⵎⵏⵏⴰⵡ ⵉⵎⵛⵉⵕⵕⵉⵢⵏ, ⵉⵍⵎⴷ ⵣⴳⵉⵙⵏⵜ ⴽⵉⴳⴰⵏ ⴼ ⵎⴰⵏⵎⴽ ⵔⴰⴷ ⵉⴳ ⴰⵏⵙⵙⵉⵅⴼ. ⵉⵎⵎⴰⵖ ⵖ ⵜⵙⴳⴰ ⵏ ⵓⴽⵜⴰⵡⵢⴰⵏ ⵖ ⵉⵎⵉⵖ ⵏ ⴰⴽⵜⵢⵓⵎ.

ⵖ 30 ⴷⵄ, ⵉⵔⴰⵔ ⵜ ⵓⴽⵜⴰⵡⵢⴰⵏ ⴰⵎ ⵓⴳⵍⵍⵉⴷ ⵏ ⵏⵓⵎⵉⴷⵢⴰ^[3][4]. ⵜⴳ ⵉⵍⵎⵎⴰ ⵏⵓⵎⵉⴷⵢⴰ ⵜⵓⵕⴼⴰ ⵏ ⵕⵓⵎⴰ. ⵃⴰⵇⵇⴰⵏ ⴰⵢⴰ ⵉⴳⴰ ⵜⴰⵢⴰⴼⵓⵜ ⵏ ⵜⵡⵉⵙⵉ ⵏⵏⵙ ⵉ ⴰⵡⴳⵓⵙⵜⵓⵙ ⵖ ⵉⵎⵣⵉⵣⵣⵍ ⵏⵏⵙ ⵖ ⵀⵉⵙⴱⴰⵏⵢⴰ. ⵉⵙⴰⵙⵜⵡⴰ ⴰⵙ ⵉⵜⵉⵀⴰⵍ ⵏⵏⵙ ⴷ ⴽⵍⵢⵓⴱⴰⵜⵔⴰ ⵙⵉⵍⵉⵏⵉ ⴳⵔ 26 ⴷⵄ ⴷ 20 ⴷⵄ, ⵉⴼⴽ ⴰⵙ ⵢⴰⵜ ⵜⵔⵣⵣⵉⴼⵜ, ⵉⵙⴽⵔ ⴳⵉⵙ ⵜⴰⴳⵍⵍⵉⴷⵜ^[5]. ⵖ 25 ⴷⵄ, ⵜⵙⵙⴽⵛⵎ ⵕⵓⵎⴰ ⵏⵓⵎⵉⴷⵢⴰ (ⵙ ⵓⵙⵍⵉⴷ ⵏ ⵏⵓⵎⵉⴷⵢⴰ ⵜⵓⵜⵔⵉⵎⵜ) ⴷⴷⴰⵡ ⵏ ⵓⵏⴱⴰⴹ ⵏⵏⵙ ⵓⵙⵔⵉⴷ, ⵢⴰⵎⵥ ⵉⵍⵎⵎⴰ ⵢⵓⴱⴰ 2 ⵎⴰⵡⵔⵉⵜⴰⵏⵢⴰ ⴰⵎ ⵜⴳⵍⴷⵉⵜ ⵏⵏⵙ^[3].

ⵣⵣⵖ ⴰⵢⵍⵍⵉ ⴰⵖ ⵉⵜⵜⴰⵍⵙ ⵙⵜⵔⴰⴱⵓ, ⵜⵏⴱⴹ ⵕⵓⵎⴰ ⵜⴰⴳⵍⴷⵉⵜ ⵏⵏⵙ ⵙ ⵜⵎⴰⵎⴽⵜ ⵜⵓⵙⵔⵉⴷⵜ (ⴳⵔ 33 ⴷⵄ - 25 ⴷⵄ) ⴹⴰⵕⵜ ⵏ ⵜⵎⵜⵜⴰⵏⵜ ⵏ ⵓⴳⵍⵍⵉⴷ ⴰⵎⴰⵡⵔⵉⵜⴰⵏ ⴱⵓⴽⴽⵓⵙ ⵡⵉⵙⵙ ⵙⵉⵏ ⵍⵍⵉ ⵜⵜ ⵉⵏⵏ ⵉⴽⴽⴰⵏ ⵉⴳⴰ ⵜⵓⵕⴼⴰ ⵏ ⵉⵕⵓⵎⵉⵢⵏ, ⵉⵍⵎⵎⴰ ⵉⴼⴽ ⵜⵜ ⴰⵡⴳⵓⵙⵜⵓⵙ ⵉ ⵢⵓⴱⴰ 2 ⵖ 25 ⴷⵄ^[6]. ⵍⵍⵉⵖ ⵉⵎⵎⵓⵜⵉ ⵢⵓⴱⴰ 2 ⴷ ⴽⵍⵢⵓⴱⴰⵜⵔⴰ ⵙⵉⵍⵉⵏⵉ ⵙ ⵎⴰⵡⵔⵉⵜⴰⵏⵢⴰ, ⵙⵎⵎⴰⵏ ⵜⴰⵎⴰⵥⵓⵏⵜ ⵏⵏⵙⵏ ⵜⴰⵎⴰⵢⵏⵓⵜ ⴽⴰⵢⵙⴰⵔⵢⴰ (ⵛⵔⵛⴻⵍ ⵜⴰⵜⵔⴰⵔⵜ) ⴼ ⵡⵓⴷⵎ ⵏ ⴰⵡⴳⵓⵙⵜⵓⵙ. ⵜⵓⵚⴽⴰⵡⵉⵏ ⵖ "ⴽⴰⵢⵙⴰⵔⵉⴰ" ⴷ "ⵡⴰⵍⵉⵍⵉ" (Volubilis) ⴷⴰ ⵎⵎⴰⵍⵏⵜ ⵢⴰⵏ ⵓⵙⵔⴽⵙ ⴳⵔ ⵜⵎⵙⴷⴰⴳⵜ ⵜⴰⵎⵉⵥⵔⵉⵜ, ⵜⴰⴳⵔⵉⴽⵜ ⴷ ⵜⵕⵓⵎⵉⵢⵜ.

ⵉⵜⵜⵢⵓⵏⵏⴰ ⵎⴰⵙ ⵜⵜ ⵉⵏⵏ ⵜⴽⴽⴰ ⴽⵍⵢⵓⴱⴰⵜⵔⴰ ⵜⴻⵟⵟⴰⴼ ⴰⴼⵓⵙ ⴼ ⵜⵙⵔⵜⵉⵜ ⵏ ⵢⵓⴱⴰ 2. ⵢⵓⴱⴰ ⵉⵙⵙⴱⵖⵙ, ⵉⵙⵏⴰⵍ ⵉ ⵜⵥⵓⵕⵉ, ⴰⵙⵉⴳⴳⵍ ⴰⵎⴰⵙⵙⴰⵏ ⴷ ⵓⵙⵉⴳⴳⵍ ⴳ ⵓⵎⵣⵔⵓⵢ ⴰⴳⴰⵎⴰⵏ. ⵢⵓⴱⴰ ⵉⵙⵏⴰⵍ ⵓⵍⴰ ⵉ ⵜⵙⴱⴱⴰⴱⵜ ⵜⴰⵡⵎⵓⵔⵉⵜⴰⵏⵜ. ⵜⴽⴽⴰ ⵜⵜ ⵉⵏⵏ ⵜⴳⵍⴷⵉⵜ ⵏ ⵎⴰⵡⵔⵉⵜⴰⵏⵢⴰ ⵜⵍⴰ ⴰⵜⵉⴳ ⴰⵎⵇⵇⵔⴰⵏ ⵉ ⵜⵎⵏⴽⴷⴰ ⵜⴰⵕⵓⵎⵉⵢⵜ. ⵜⴽⵛⵎ ⵜⴽⴽⴰ ⵜⵜ ⵉⵏⵏ ⵜⵙⴰⵍⴰ ⵜⴰⵙⴱⴱⴰⴱⵜ ⴷ ⴽⵔⴰⵢⴳⴰⵜ ⵎⴰⵏⵉ ⵖ ⵢⵉⵍⵍ ⴰⴳⵔⴰⴽⵍⴰⵏ, ⵙⵍⴰⵡⴰⵏ ⴰⴽⴽⵯ ⴷ ⵙⴱⴰⵏⵢⴰ ⵓⵍⴰ ⵟⵟⴰⵍⵢⴰⵏ.

• ⵉⵜⵉⵀⴰⵍ ⵏⵏⵙ ⴰⵎⵣⵡⴰⵔⵓ ⵉⵍⵍⴰ ⴷ ⵜⴳⵍⴷⵓⵏⵜ ⵜⴰⴳⵔⵉⴽⵜ ⵜⴰⴱⵟⵓⵍⵎⴰⵢⵜ ⴽⵍⵢⵓⴱⴰⵜⵔⴰ ⵙⵉⵍⵉⵏⵉ ⵜⵉⵙⵙ ⵙⵏⴰⵜ (40 ⴷⵄ - 6 ⴹⵄ). ⵜⴰⵔⵡⴰ ⵏⵏⵙⵏ ⴷ ⵡⵉ:
  • ⴱⵟⵓⵍⵉⵎⵉ ⵏ ⵎⴰⵡⵔⵉⵜⴰⵏⵢⴰ, ⵉⵍⵓⵍ ⴳ ⴷⴰⵔ 10 ⴷⵄ/ 5 ⴷⵄ^[7].
  • ⵢⴰⵜ ⵜⴼⵔⵓⵅⵜ ⵏⵏⴰ ⵎⵉ ⵓⵔ ⵉⵜⵜⵡⴰⵙⵙⴰⵏ ⵉⵙⵎ, ⵜⴻⵜⵜⵓⴱⴷⴰⵔ ⵖ ⵢⴰⵏ ⵓⵣⵎⵎⴻⵎ (ⵏⵏⵇⵛ). ⵉⵍⵍⴰ ⵎⴰⴷ ⵉⵏⵏⴰⵏ ⵎⴰⵙ ⵜⴳⴰ ⴷⵔⵓⵙⵉⵍⵍ ⵏ ⵎⴰⵡⵔⵉⵜⴰⵏⵢⴰ, ⵎⴰⵛⵛ ⵜⵥⴹⴰⵔ ⴰⴷ ⵜⴳ ⴰⵡⴷ ⵜⴰⵢⵢⴰⵡⵜ ⵏⵏⵙⵏ. ⴷⵔⵓⵙⵉⵍⵍⴰ ⵜⴻⵜⵜⵢⴰⴳⵍⴰⵎ ⴰⵎ ⵜⴰⵢⵢⴰⵡⵜ ⵏ ⴰⵏⵟⵓⵏⵢ ⴷ ⴽⵍⵢⵓⴱⴰⵜⵔⴰ, ⵏⵖ ⴷ ⴰⴽⴽⵯ ⵉⵙ ⵜⴳⴰ ⵜⴰⵢⵢⴰⵡⵜ ⵏ ⴱⵟⵓⵍⵉⵎⵢ ⵏ ⵎⴰⵡⵔⵉⵜⴰⵏⵢⴰ^[7].

• ⵉⵜⵉⵀⴰⵍ ⵡⵉⵙ ⵙⵉⵏ ⴷ ⴳⵍⴰⴼⵢⵔⴰ (Glaphyra) ⵍⵍⵉ ⵉⴳⴰⵏ ⵢⴰⵜ ⵜⴳⵍⴷⵓⵏⵜ ⵣⵖ ⴽⴰⴱⴱⴰⴷⵓⴽⵉⵢⴰ (Cappadocia). ⵜⴰⴳⵍⴷⵓⵏⵜ ⴰ ⵜⴳⴰ ⵜⴰⴷⴳⴰⵍⵜ ⵏ ⴰⵍⵉⴽⵙⴰⵏⴷⵔ ⵓ ⵀⵉⵔⵓⴷⵓⵜ ⴰⵅⴰⵜⴰⵔ (Herod the Great). ⴰⵍⵉⴽⵙⴰⵏⴷⵔ ⴰⴷ ⵉⵜⵜⵢⵓⵏⵖⴰ ⴰⵛⴽⵓ ⵓⴼⴰⵏ ⵜ ⵉⵏⵏ ⵉⴷⵔⴰ ⵖ ⴽⵔⴰ ⵏ ⵓⵏⴳⵓⵣ ⵎⴳⴰⵍ ⴱⴰⴱⴰ ⵙ. ⵜⵜⴰⵀⵍ ⴳⵍⴰⴼⵢⵔⴰ ⵙ ⵢⵓⴱⴰ ⵖ 6 ⵏⵖ 7 ⴹⵄ. ⵜⵉⵍⵉ ⴳⵉⵙ ⵉⵍⵎⵎⴰ ⵜⴰⵢⵔ ⵏ ⵀⵉⵕⵓⴷ ⴰⵔⴽⵉⵍⴰⵡⵙ (Herod Archelaus) ⵍⵍⵉ ⵉⴳⴰⵏ ⵡⴰⵔⵔⴰⵏ ⵢⴰⴹⵏ ⵏ ⵀⵉⵔⵓⴷ ⴰⵅⴰⵜⴰⵔ ⴷ ⵓⵏⵙⵙⵉⵅⴼ ⵏ ⵊⵓⴷⵉⵢⴰ. ⵜⵕⵥⵎ ⴳⵍⴰⴼⵢⵔⴰ ⵉ ⵢⵓⴱⴰ ⴱⴰⵛ ⴰⴷ ⵜ ⵜⵜⴰⵀⵍ ⵖ ⵓⵙⴳⴳⵯⴰⵙ 7 ⴹⵄ. ⵢⵓⴱⴰ ⵓⵔ ⵉⵟⵟⵉⴼ ⵜⴰⵔⵡⴰ ⴷ ⴳⵍⴰⴼⵢⵔⴰ

ⵢⴰⵔⴰ ⵢⵓⴱⴰ ⵎⵏⵏⵏⴰⵡ ⵏ ⵉⴷⵍⵉⵙⵏ ⵙ ⵜⴳⵔⵉⴽⵜ ⴼ ⵓⵎⵣⵔⵓⵢ, ⴰⵎⵣⵔⵓⵢ ⴰⵎⴰⴳⴰⵏ, ⵜⴰⵔⴰⴽⴰⵍⵜ, ⵜⴰⵊⵕⵕⵓⵎⵜ, ⵜⴰⴽⵯⵍⵓⵜ ⴷ ⵓⵎⵣⴳⵓⵏ. ⵉⵙⴽⵔ ⵢⴰⵏ ⵓⵙⵎⵣⴰⵣⴰⵍ ⴳⵔ ⵜⵎⵔⵙⴰⵍ ⵜⵉⴳⵔⵉⴽⵉⵏ ⴷ ⵜⵕⵓⵎⵉⵢⵉⵏ ⵙ ⵓⵣⵡⵍ Όμοιότητες (Resemblances)^[8]. ⴰⵎⴰⵏⴰⵔ ⵏⵏⵙ ⵙ ⴰⵔⴰⴱⵢⴰ ⵉⴷⵡⵍ ⴰⴷⵍⵉⵙ ⴰⴽⴽⵯ ⵉⵏⵣⵣⴰⵏ ⵖ ⵕⵓⵎⴰ. ⵖⴰⵔ ⴽⵔⴰ ⵏ ⵉⴳⵣⵣⵓⵎⵏ ⵉⵎⵥⵥⵉⵢⵏ ⵙⴳ ⵜⵡⵓⵔⵉ ⵏⵏⵙ ⴰⴷ ⴰⵖ ⴷ ⵉⵍⴽⵎⵏ.

ⵎⵔⴰⵡⵜ ⵜⵡⵓⵔⵉⵡⵉⵏ ⵏ ⵢⵓⴱⴰ ⴰⴷ ⵉⵜⵜⵢⵓⵙⵙⴰⵏⵏ, ⵎⴰⵛⵛⴰⵏ ⵍⵍⴰⵏ ⵖⴰⵔ ⴽⵔⴰ ⵏ ⵉⴳⵣⵣⵓⵎⵏ ⵣⴳⵉⵙⵏ:

• Roman Archaeology, ⵙⵉⵏ ⵉⵍⴷⵉⵙⵏ^[9].
• Resemblances, ⵖ ⴽⴽⵓⵥ ⵉⴷⵍⵉⵙⵏ ⵉⵖ ⵉⴷⵔⵓⵙ^[9].
• On Painting, ⵖ ⵜⴰⵎ ⵉⴷⵍⵉⵙⵏ ⵉⵖ ⵉⴷⵔⵓⵙ^[9].
• Theatrical History, ⵖ ⵙⴰ ⴷ ⵎⵔⴰⵡ ⵏ ⵉⴷⵍⵉⵙⵏ ⵉⵖ ⵉⴷⵔⵓⵙ^[9].
• The Wanderings of Hanno, ⵉⵥⴹⴰⵔ ⴰⴷ ⵉⴳ ⴰⵙⵓⵖⵍ ⵏ ⵓⵎⵓⴷⴷⵓ ⵏ ⵃⴰⵏⵏⵓ^[9].
• On Euphorbion, ⴰ ⴱⴰⵎⴱⵀⵍⴻⵜ^[9].
• Libyka, ⵖ ⴽⵔⴰⴹ ⵉⴷⵍⵉⵙⵏ ⵉⵖ ⵉⴷⵔⵓⵙ.^[9].
• On Arabia, ⵡⴰⴷ ⵡⴰⵃⴷⵓ ⵜ ⴰⴷ ⵢⴰⵔⴰ ⵙ ⵜⵓⵜⵍⴰⵢⵜ ⵜⴰⵍⴰⵜⵉⵏⵜ^[10].
• On Assyria, ⵖ ⵙⵉⵏ ⵉⴷⵍⵉⵙⵏ^[9].
• Epigrams, ⵉⴱⴷⵔ ⴷ ⵣⴳⵉⵙ ⴰⵜⵉⵏⵢⵓⵙ (Athenaeus) ⵙⴹⵉⵙ ⵏ ⵉⵣⵔⵉⵔⵏ ⵍⵍⵉ ⴼⵍⵍⴰⵙ ⵏⵙⵙⵏ^[9].

• (ⴼⵔ) Charlier Berthier, Le sanctuaire punique d'El hofra à Constantine, édition Fournier, 1844.
• (ⴼⵔ) Mouloud Gaid, Aguellids et Romains en Berbérie, éditions SNED, Alger, 1972.
• (ⴼⵔ) Stéphane Gsell, Histoire de l'Afrique du Nord, édition Hachette, 1920.
• (ⴼⵔ) Josiane Lahlou, Moi, Juba roi de Maurétanie, Paris-Méditerranée, 1999, ISBN 2-84272-059-8. (ⴰⵎⵣⵔⵓⵢ ⴰⵕⵓⵎⴰⵏ)
• (ⴼⵔ) Jean Mazard, Corpus Numérum Mauretanieque, Arts et Métiers graphiques, 1955.

1. ↑ ^{1,0 1,1 1,2} ⴻⵜ ^1,3 ⵔⵓⵍⵍⴻⵔ, ⴷⵓⴰⵏⴻ ⵡ. (2003) ⵜⵀⴻ ⵡⵓⵔⵍⴷ ⵓⴼ ⵊⵓⴱⴰ ⵉⵉ ⴰⵏⴷ ⴽⵍⴻⵓⴱⴰⵜⵔⴰ ⵙⴻⵍⴻⵏⴻ "ⵔⵓⵓⵜⵍⴻⴷⴳⴻ (ⵓⴽ)". ⴱⴱ. 1–3. (ⵉⵙⴱⵏ 0-415-30596-9) .
2. ↑ ⵔⵓⵍⵍⴻⵔ, ⴷⵓⴰⵏⴻ ⵡ. (2003) ⵜⵀⴻ ⵡⵓⵔⵍⴷ ⵓⴼ ⵊⵓⴱⴰ ⵉⵉ ⴰⵏⴷ ⴽⵍⴻⵓⴱⴰⵜⵔⴰ ⵙⴻⵍⴻⵏⴻ "ⵔⵓⵓⵜⵍⴻⴷⴳⴻ (ⵓⴽ)". ⴱ. 59. (ⵉⵙⴱⵏ 0-415-30596-9) .
3. ↑ ^3,0 ⴻⵜ ^3,1 ⴱⵓⵎⴱⵓⵏⵉⵓⵙ ⵎⴻⵍⴰ; ⴼⵔⴰⵏⴽ ⴻ. ⵔⵓⵎⴻⵔ (1998). ⴱⵓⵎⴱⵓⵏⵉⵓⵙ ⵎⴻⵍⴰ'ⵙ ⴷⴻⵙⵛⵔⵉⴱⵜⵉⵓⵏ ⵓⴼ ⵜⵀⴻ ⵡⵓⵔⵍⴷ. ⵓⵏⵉⴼⴻⵔⵙⵉⵜⵢ ⵓⴼ ⵎⵉⵛⵀⵉⴳⴰⵏ ⴱⵔⴻⵙⵙ. ⴱ. 43. (ⵉⵙⴱⵏ 0-472-08452-6). https://books.google.com/books?id=6AplSod8IDcC&pg=PA43. 
4. ↑ ⵎⵉⵛⵀⴰⴻⵍ ⴳⴰⴳⴰⵔⵉⵏ (2010). ⵜⵀⴻ ⵓⵅⴼⵓⵔⴷ ⴻⵏⵛⵢⵛⵍⵓⴱⴻⴷⵉⴰ ⵓⴼ ⴰⵏⵛⵉⴻⵏⵜ ⴳⵔⴻⴻⵛⴻ ⴰⵏⴷ ⵔⵓⵎⴻ. ⵓⵅⴼⵓⵔⴷ ⵓⵏⵉⴼⴻⵔⵙⵉⵜⵢ ⴱⵔⴻⵙⵙ. ⴱ. 80. (ⵉⵙⴱⵏ 978-0-19-517072-6). https://books.google.com/books?id=lNV6-HsUppsC&pg=RA4-PA80. 
5. ↑ ⵔⵓⵍⵍⴻⵔ, ⴷⵓⴰⵏⴻ ⵡ. (2003) ⵜⵀⴻ ⵡⵓⵔⵍⴷ ⵓⴼ ⵊⵓⴱⴰ ⵉⵉ ⴰⵏⴷ ⴽⵍⴻⵓⴱⴰⵜⵔⴰ ⵙⴻⵍⴻⵏⴻ ⵔⵓⵓⵜⵍⴻⴷⴳⴻ (ⵓⴽ)(ⵉⵙⴱⵏ 0-415-30596-9) ⴱ. 74
6. ↑ ⴳⴻⵓⴳⵔⴰⴱⵀⵢ ⵏ ⵙⵜⵔⴰⴱⵓ (ⵙⵜⵔⴰⴱ. 17.3)
7. ↑ ^7,0 ⴻⵜ ^7,1 ⵛⵍⴻⵓⴱⴰⵜⵔⴰ ⵙⴻⵍⴻⵏⴻ ⴰⵔⵛⵀⵉⴼⴻⴷ 2016-03-03 ⴰⵜ ⵜⵀⴻ ⵡⴰⵢⴱⴰⵛⴽ ⵎⴰⵛⵀⵉⵏⴻ ⴱⵢ ⵛⵀⵔⵉⵙ ⴱⴻⵏⵏⴻⵜⵜ
8. ↑ ⴼ ⵊⴰⵛⵓⴱⵢ, ⵔⴻⴰⵍⴻⵏⵛⵢⵛⵍⵓⴱäⴷⵉⴻ ⴷⴻⵔ ⵛⵍⴰⵙⵙⵉⵙⵛⵀⴻⵏ ⴰⵍⵜⴻⵔⵜⵓⵎⵙⵡⵉⵙⵙⴻⵏⵙⵛⵀⴰⴼⵜ, 1916, ⵙ.ⴼ.
9. ↑ ^{9,0 9,1 9,2 9,3 9,4 9,5 9,6 9,7} ⴻⵜ ^9,8 ⴷⵓⴰⵏⴻ ⵡ. ⵔⵓⵍⵍⴻⵔ, ⵜⵀⴻ ⵡⵓⵔⵍⴷ ⵓⴼ ⵊⵓⴱⴰ ⵉⵉ ⴰⵏⴷ ⴽⵍⴻⵓⴱⴰⵜⵔⴰ ⵙⴻⵍⴻⵏⴻ (ⵔⵓⵓⵜⵍⴻⴷⴳⴻ, 2003), ⴱⴱ. 61–63. (ⵉⵙⴱⵏ 0-415-30596-9) .
10. ↑ ⴷⵓⴰⵏⴻ ⵡ. ⵔⵓⵍⵍⴻⵔ, ⵜⵀⴻ ⵡⵓⵔⵍⴷ ⵓⴼ ⵊⵓⴱⴰ ⵉⵉ ⴰⵏⴷ ⴽⵍⴻⵓⴱⴰⵜⵔⴰ ⵙⴻⵍⴻⵏⴻ (ⵔⵓⵓⵜⵍⴻⴷⴳⴻ, 2003), ⴱ. 165. (ⵉⵙⴱⵏ 0-415-30596-9) .

	ⵉⴳⵍⵍⵉⴷⵏ ⵉⵎⴰⵣⵉⵖⵏ
ⵜⴰⴳⵍⴷⴰ ⵏ ⵉⵎⴰⵙⵙⵉⵍⵉⵢⵏ (ⴰⵔ 202 ⴰ.ⵛ.) ⴰⵢⵍⵉⵎⴰⵙ  (...) ⵏⴰⵔⴰⴼⴰⵙ (...) ⵙⵉⴼⴰⴽⵙ · ⴼⴻⵔⵎⵉⵏⴰ · ⴰⵔⵛⵀⵓⴱⴰⵔⵣⴰⵏⴻ ⵜⴰⴳⵍⴷⴰ ⵏ ⵉⵎⴰⵙⵙⴻⵙⵉⵍⵉⵢⵏ (ⴰⵔ 202 ⴰ.ⵛ.) ⵣⵍⴰⵍⵙⵏ · ⴳⴰⵢⴰ · ⴻⵙⴰⵍⵛⴻ · ⵛⴰⴱⵓⵙⵙⴰ · ⵍⴰⵛⵓⵎⴰⵛⴻ · ⵎⴰⵙⵉⵏⵉⵙⵙⴰ ⵏⵓⵎⵉⴷⵢⴰ ⵉⵎⵓⵏ (202 ⴰ.ⵛ. - 46 ⴰ.ⵛ.) ⵎⴰⵙⵉⵏⵉⵙⵙⴰ · ⵎⵉⵛⵉⴱⵙⴰ · ⴳⵓⵍⵓⵙⵙⴰ · ⵎⴰⵙⵜⴰⵏⴰⴱⴰⵍⴻ · ⴰⴷⵀⴻⵔⴱⴰⵍ · ⵉⴻⵎⴱⵙⴰⵍⴻ ⵉ · ⵢⵓⴳⵔⵜⵏ · ⴳⴰⵓⴷⴰ · ⵉⴻⵎⴱⵙⴰⵍⴻ ⵉⵉ · ⵢⵓⴱⴰ ⵉ ⵜⴰⴳⵍⴷⴰ ⵏ ⵎⴰⵓⵔⵉⵜⴰⵏⵢⴰ ⴷ ⵏⵓⵎⵉⴷⵢⴰ (30 ⴰ.ⵛ. - 40 ⴷ.ⵛ.) ⵢⵓⴱⴰ ⵉⵉ · ⵜⵓⵍⵓⵎⵢⵓ ⵏ ⵎⴰⵓⵔⵉⵜⴰⵏⵢⴰ ⵉⴳⵍⴷⴰⵏ ⴷ ⵜⵉⴳⵍⴷⵉⵢⵉⵏ ⵉⵎⴰⵣⵉⵖⵏ (40 ⵜ.ε - 600 ⵜ.ε) ⴷⵉⵀⵢⴰ · ⴰⴽⵙⵉⵍ · ⵜⵉⵏ ⵀⵉⵏⴰⵏ