Ékonomi Mikro
Pidangan
![](http://178.128.105.246/cars-http-upload.wikimedia.org/wikipedia/commons/thumb/e/eb/Supply-demand-right-shift-demand.svg/240px-Supply-demand-right-shift-demand.svg.png)
Ékonomi mikro mangrupa kagiatan pikeun maluruh sikep konsumén jeung perusahaan[2]. Kagiatan dina ékonomi mikro di antarana nangtukeun harga barang di pasar jeung kuantitas faktor input[2]. Ieu hal miboga pangaruh waktu nangtukeun harga antara padagang jeung nu meuli, jumlah paménta barang, jeung jasa[2].
Ahli
[édit | édit sumber]Ahli anu maluruh ngeunaan ékonomi mikro, di antarana:
- Adam Smith, anu nyebutkeun yén ékonomi mikro maluruh ngeunaan palaku ékonomi dina nyieun kaputusan[3].
- David Ricardo, nyebutkeun yén ékonomi mikro maluruh palaku ékonomi anu kudu miboga informasi ngeunaan asal-usul hiji pasar[3].
- Marshal jeung Piqou, nyebutkeun yén para palaku ékonomi kudu adaptasi jeung dunya pasar[3].
- N.G. Mankiw, medar ngeunaan kalungguhan palaku ékonomi[3].
- Sadono Sukirno, medar ngeunaan sikep palaku ékonomi[3]
Bagian
[édit | édit sumber]Aya tilu bagian anu kudu dilarapkeun dina kagiatan bisnis dumasar tiori ékonomi mikro, nyaéta:
- Interaksi dina pasar barang[4]. Padagang jeung nu meuli biasana nyieun kesepakatan harga dina interaksi pasar barang[4]. Ékonomi mikro miboga pangaruh pikeun nyieun kawijakan nangtukeun harga produk dina perusahaan[4].
- Kabiasaan anu dagang jeung nu meuli[4]. Ékonomi mikro miboga kalungguhan pikeun maluruh sikep produsén jeung konsumén[4]. Udagan konsumén dina kagiatan ékonomi kudu nyumponan pangabutuh anu luyu jeung kamampuhna. Sedengkeun, udagan produsén kudu mampuh ngahasilkeun bati sagedé-gedéna[4].
- Sikep produsén jeung konsumén silih dipangaruhan ku sababaraha faktor di antarana sumber daya manusa, sumber daya alam, modal, jeung sistim kawirausahaan[4].
Tiori
[édit | édit sumber]Tiori ngeunaan ékonomi mikro di antarana:
- Tiori harga, miboga tujuan pikeun nganalisis interaksi antara padagang jeung anu meuli[5]. Analisis anu dibutuhkeunnya nyaéta: a) proses ngawangun harga; b) faktor-faktor anu mangaruhan minat; c) wangun pasar; d) konsép elastisitas permintaan jeung penawaran[5].
- Tiori produksi, mangrupa konsép pikeun nganalisis biaya jeung tingkat produksi[5].
- Tiori distribusi, medar ngeunaan kumaha para pagawé diburuhan[5].
Kalungguhan
[édit | édit sumber]Ékonomi mikro miboga sababaraha kalungguhan dina bisnis, di antarana:
- Nyieun kawijakan[6]. Ékonomi mikro mangrupa pondasi pikeun nyieun kawijakan keur ngatur harga jeung bati[6]. Kawijakan anu dijieun bisa ngajadikeun perusahaan jadi stratégis jeung inovatif[6].
- Nyusun prédiksi[6]. Kalungguhan ékonomi mikro dina bisnis bisa nyieun prédiksi ngeunaan hal naon waé anu jadi minat di pasar[6].
- Maham sikep konsumén[6]. Ékonomi mikro kudu bisa mikanyaho kahayang jeung pangabutuh konsumén[6].
- Ngaronjatkeun produktivitas perusahaan[6]. Ieu hal bisa kahontal lamun dirojong ku sababaraha aspék, kawas sumber daya manusa, jeung produk anu hadé[6].
Daftar Référénsi
[édit | édit sumber]- ↑ "Kurva Permintaan dan Penawaran: Pengertian, Hukum, dan Contoh Kurva". kumparan (dalam id-ID). Diakses tanggal 2021-04-22.
- ↑ a b c Ahmad. "Ekonomi Mikro: Pengertian, Ruang Lingkup, Teori, Contoh Kebijakan Dan Perbedaannya Dengan Ekonomi Mikro - Gramedia Literasi" (dalam en-US). Diakses tanggal 2021-04-22.
- ↑ a b c d e wijanarko. "Ekonomi Mikro: Pengertian, Tujuan, dan Ruang Lingkupnya". www.ekonomi.bunghatta.ac.id (dalam en-gb). Diakses tanggal 2021-04-22. Archived 2021-04-22 di Wayback Machine
- ↑ a b c d e f g "√ Pengertian Ekonomi Mikro, Peran, Komponen, Teori, Tujuan dan Ruang Lingkup". pendidikan.co.id. Diakses tanggal 2021-04-22.
- ↑ a b c d "Teori Ekonomi Mikro | Admin" (dalam en-US). Diakses tanggal 2021-04-22.
- ↑ a b c d e f g h i "10 Peran Ekonomi Mikro Bagi Suatu Perusahaan". DosenEkonomi.com (dalam id-ID). Diakses tanggal 2021-04-22.