Luftbiksa
Ślabikŏrzowe abecadło Tyn artikel je narychtowany we ślabikŏrzowym zŏpisie ślōnskij gŏdki. Coby sie przewiedzieć wiyncyj, wejzdrzij do artikla ô nim. |
![](http://178.128.105.246/cars-http-upload.wikimedia.org/wikipedia/commons/thumb/8/89/Weihrauch_hw77.jpg/300px-Weihrauch_hw77.jpg)
![](http://178.128.105.246/cars-http-upload.wikimedia.org/wikipedia/commons/thumb/c/cf/Crosman_C11.jpg/300px-Crosman_C11.jpg)
Luftbiksa – popularne ôkryślynie gywery abo pistoletu pneumatycznego[1].
Luftbiksy sōm używane tak we wyczynowym strzylectwie pneumatycznym (szport ôlimpijski), jak i do szpasu, a we krŏjach, w kerych je to przizwolōne, tyż do gōnōw na drobne zwiyrzynta a tyż do ôdszusu march.
Materyjōm pyndnõ w luftbiksach je sprynżony luft abo dwutlynek wōngla. Skuli knifu sprynżaniŏ luftu luftbiksy tajluje sie na:
- tłokowe (luft sprynżany je w mōmyncie szusu bez tłok napyndzany metalowõ fedrōm abo tm. gazowōm fedrōm),
- ze wstympnym sprynżaniym luftu (ang. PCA – pre-compressed air), w kerych luft sprynżany je przed kożdym szusym w kōmorze sprynżaniŏ (za pōmocōm tłoku ruszanego cifusym),
- zasobnikowe (PCP), zasiylane z wielorŏzowego behaltra ze sprynżonym luftym abo z jednorazowych zasobnikōw z dwutlynkym wōngla.
Luftbiksa strzylŏ szustami (śrutym) wykōnanymi zaôbycz ze sztopu blaja (trefiŏ sie tyż wykōnane ze sztopu cynku abo ze sztucznego tworziwa z ôsadzōnym w nim metalowym elymyntym, abo pirotechnicznym – tm. wybuchowe).
Kaliber szportowych luftbiksōw to nojczyńścij 4,5 mm (skuli barzij plaskatõ trajektoryjõ lotu śrutu), a myśliwieckich – 5,5 mm i 6,35 mm; kalibrym postrzednim je 5 mm. Niyliczne modele pneumatycznych gywer sōm produkowane w kalibrze 9 mm i srogszym. Do terŏz jedynõ luftbiksōm, kerŏ była brōniōm bōł austryjŏcki Repetierwindbuchse M.1780 (luftbiksa Girandoniego).
Luftbiksy na świecie zyskały swōj plac we szporcie i rekreacyje. Ôkrōm strzylectwa tarczowygo (tm. match) jednymi z nojbarzij popularnych dyscyplin je Field target abo Silhouette.
Prawidło fungowaniŏ
[edytuj | edytuj zdrzōdło]Po szusie tłok je zwolniōny i zaczynŏ sie poruszać we celynderhucie pod wpływym napiyntyj bojowyj fedry. Ze drugij zajty na tłok dzioła siyła ciśniynia luftu we celynderhucie pōmiyndzy tłokym a grōntym celynderhutu. Wypadkowŏ tych dwōch siył tworzi przispiyszynie tłoku. Jeźli pōminiynto masã luftu we celynderhucie i masã fedry, przispiyszynie bydzie wynosić:
, kaj
, , — ôdpednio siyła fedry, siyła ciśniynia luftu we celynderhucie i masa tłoku.
Rekordy świata we szusie luftbiksōm
[edytuj | edytuj zdrzōdło]Kategoryjŏ | Miano | Szus |
---|---|---|
Chopy | JIN Jongoh | 594[2] |
Juniory | EKIMOV Leonid | 588[3] |
Baby | SMIRNOVA Svetlana | 393[4] |
Juniorki | MLADENOVIC Marija | 391[5] |
Przipisy
- ↑ luftbiksa – Dykcjōnorz [dostymp 2021-04-19] .
- ↑ ISSF - International Shooting Sport Federation - issf-sports.org .
- ↑ ISSF - International Shooting Sport Federation - issf-sports.org .
- ↑ RESULTS - Strelska zveza .WR 393 SMIRNOVA Svetlana RUS 23 MAY 1998WC Munich (Germany) Rk FP Bib Name - [PDF Document]
- ↑ ISSF Junior World Cup Rifle / Pistol / Shotgun 2016