Squid Game
Ślabikŏrzowe abecadło Tyn artikel je narychtowany we ślabikŏrzowym zŏpisie ślōnskij gŏdki. Coby sie przewiedzieć wiyncyj, wejzdrzij do artikla ô nim. |
![](http://178.128.105.246/cars-http-upload.wikimedia.org/wikipedia/commons/thumb/4/40/Squid_Game_logo.png/220px-Squid_Game_logo.png)
Squid Game (kor. 오징어 게임, Ojing-eo Geim) to je połedniowokoryański telewizyjny serial, co go idzie ôbejzdrzeć we zerwisie Netflix. Ônego scynarzystōm a reżysyrym je Hwang Dong-hyuk, a bazowe role szpilali we nim Lee Jung-jae, Park Hae-soo, Wi Ha-joon, Jung Ho-yeon, O Yeong-su, Heo Sung-tae, Anupam Tripathi i Kim Joo-ryoung[1]. Serial, ze dystrybucyjōm ôd Netflix, mioł prymierã 17 września 2021 roku[2].
Produkcyjŏ stała sie piyrszym koryańskim serialym, kery znŏd sie we piyrszym dziesiōntku nojchutnij ôglōndanych tydniowo programōw telewizyjnych ôd Netflix we świecie. Dostoł sie na piyrszõ pozycyjõ we 94 krŏjach[3]. Netflix porachowoł, iże we 28 dni ôd prymiery Squid Game prziciōngnōł 111 milijōnōw ôglōndŏczy ze cołkigo świata, co zrobiyło go nojczyńścij ôglōndanym programym we zerwisie[4].
Fabuła
[edytuj | edytuj zdrzōdło]Seong Gi-hun, chop co mŏ fest wiela długōw, je zaproszōny do seryje szpilōw dlŏ dziycia, coby mieć szansã na srogõ nadgrodã pijynżnõ. Kej przijmuje ôfertã, je wezniynty we niyznōme plac, kaj je postrzōd 455 inkszych szpilerōw, co tyż sōm fest zadłużeni. Szpilery muszōm nosić zielōne dresy a bez cołki czas sōm pod ôbserwacyjōm ôd wachtyrzy we larwach a lilowych ôblyczyniach, a szpile sōm nadzorowane ôd Frōnt Mana, co nosi czŏrnõ larwã a czŏrny mōndur. Szpilery hned ôdkrywajōm, iże przegranie szpilu skutkuje ônych śmierciōm, a kożdŏ śmierć przidŏwŏ 100 milijōnōw ₩ do potyncjalnyj nadgrody – 45,6 milijardōw ₩. Gi-hun brata sie ze inkszymi szpilerami, we tym ze ônego kamratym ze dzieciństwa Cho Sang-woo, coby sprōbować przetrwać fizyczne a psychologiczne ôbroty akcyje[5][6].
Szauszpilery
[edytuj | edytuj zdrzōdło]Piyrszoplanowe perzōny
[edytuj | edytuj zdrzōdło]- Lee Jung-jae – Seong Gi-hun (szpiler 456)
- Park Hae-soo – Cho Sang-woo (szpiler 218)
- Jung Ho-yeon – Kang Sae-byeok (szpiler 067)
- O Yeong-su – Oh Il-nam (szpiler 001)
- Heo Sung-tae – Jang Deok-su (szpiler 101)
- Anupam Tripathi – Abdul Ali (szpiler 199)
- Kim Joo-ryoung – Han Mi-nyeo (szpiler 212)
- Wi Ha-joon – Hwang Jun-ho
Drugoplanowe perzōny
[edytuj | edytuj zdrzōdło]- Uczestniki szpilu
- Yoo Sung-joo – Byeong-gi (szpiler 111)
- Lee Yoo-mi – Ji-yeong (szpiler 240)
- Kim Si-hyun – szpiler 244
- Lee Sang-hee – szpiler 017
- Kim Yun-tae – szpiler 069
- Lee Ji-ha – szpiler 070
- Kwak Ja-hyoung – szpiler 278
- Chris Chan – szpiler 276
- Inksze
- Kim Young-ok – muter ôd Gi-huna
- Cho Ah-in – Seong Ga-yeong, cera ôd Gi-huna
- Kang Mal-geum – bōła ślubnŏ ôd Gi-huna i muter ôd Ga-yeong
- Park Hye-jin – muter ôd Sang-woo
- Park Si-wan – Kang Cheol / brat ôd Sae-byeok
Epizody
[edytuj | edytuj zdrzōdło]- Red Light, Green Light / kor. Mugunghwa Kkoch-i Pideon Nal 무궁화 꽃이 피던 날 / śl. Czyrwōne światło, zielōne światło
- Hell / kor. Ji-ok 지옥 / śl. Piekło
- The Man with the Umbrella / kor. Usan-eul Sseun Namja 우산을 쓴 남자 / śl. Chop ze paryzolym
- Stick to the Team / kor. Jjollyeodo Pyeonmeokgi 쫄려도 편먹기 / śl. Trzim sie skupiny
- A Fair World / kor. Pyeongdeung Sesang 평등한 세상 / śl. Sprawiedliwy świat
- Gganbu / kor. Kkanbu 깐부
- VIPS
- Front Man / kor. Peulonteu Maen 프론트맨 / śl. Frōnt Man
- One Lucky Day / kor. Unsu Joeun Nal 운수 좋은 날 / śl. Szczyńśliwy dziyń
Przipisy
- ↑ Cherry Pineda , ‘Squid Game: Extra Life’ premieres on ‘It’s Showtime’, push.abs-cbn.com, 23 września 2021 [dostymp 2021-10-14] (angelski).
- ↑ Jacob Robinson , Netflix K-Drama Thriller ‘Squid Game’ Season 1: Coming to Netflix in September 2021, whats-on-netflix.com, 11 siyrpnia 2021 [dostymp 2021-10-14] (angelski).
- ↑ Catie Keck , Netflix calls Squid Game its ‘biggest ever series at launch’, theverge.com, 12 października 2021 [dostymp 2021-10-14] (angelski).
- ↑ Dade Hayes , ‘Squid Game’ Draws 111M Views In First Month, Per Netflix, Besting ‘Bridgerton’ To Become Top All-Time Series Launch, deadline.com, 12 października 2021 [dostymp 2021-10-14] (angelski).
- ↑ Squid Game – (Korean Drama, 2020, 오징어게임), hancinema.net [dostymp 2021-10-14] (angelski).
- ↑ Jaehwa Bernardo , Korean series ‘Squid Game’ gives deadly twist to children’s games, news.abs-cbn.com, 15 września 2021 [dostymp 2021-10-14] (angelski).
Necowe ôdwołania
[edytuj | edytuj zdrzōdło]- Squid Game we zerwisie Netflix
- Squid Game we zerwisie IMDb
- Squid Game we zerwisie HanCinema