டாக்டர் நோ

டாக்டர் நோ (ஆங்கில மொழி: Dr. No) என்பது 1962 ஆம் ஆண்டு வெளிவந்த பிரித்தானிய நாட்டு உளவு திரைப்படம் ஆகும். இது ஜேம்ஸ் பாண்ட் திரைப்பட வரிசையில் முதலாவது படம் ஆகும். இந்த படம் 1958 ஆம் ஆண்டு இதே பெயரில் வெளிவந்த நாவலாசிரியர் இயான் பிளெமிங் என்பவரின் நாவலைத் தழுவி இயக்குனர் 'டெரன்ஸ் யங்' என்பவரால் எடுக்கப்பட்டது.

இந்த திரைப்படத்தை இயான் புரொடக்சன்சு நிறுவனம் தயாரிக்க, சான் கானரி, உர்சுலா ஆண்ட்ரஸ், ஜோசப் வைஸ்மேன், ஜாக் லார்ட், அந்தோணி டாசன், ஜீனா மார்ஷல், ஜான் கிட்ஸ்மில்லர், யூனிஸ் கெய்சன் மற்றும் பெர்னார்ட் லீ ஆகியோர் நடித்துள்ளார்கள். இப்படத்தின் கால நீளம் 109 நிமிடங்கள். இப்படத்தின் ஆக்கச்செலவு 1.1 மில்லியன் ஆகும். இத்திரைப்படத்திற்காக லண்டன் மற்றும் ஜமைக்கா போன்ற நாடுகளில் படப்பிடிப்பு நடைபெற்றது.

கதைக் களம்[தொகு]

ஒரு பிரித்தானிய அரசாங்க ஒற்றன் தன் காணாமல் போன தோழரைத் தேடியும் அமெரிக்கா நாட்டின் விண்வெளித் திட்டத்திற்கு ஏற்படும் இடையூறு பற்றியும் துப்பு துலக்கும் கதையாகும்.

மேற்கோள்கள்[தொகு]

வெளி இணைப்புகள்[தொகு]

• இணையதள திரைப்பட தரவுத்தளத்தில் டாக்டர் நோ