【專文】驅逐親中的叛徒

中國國民黨立委翁曉玲在6月16日質詢國防部長之時，罵假中華民國的賴清德總統講「兩邊互相無交插」，著是承認支那人民共和國、著是「賣國賊」。

今年4月翁曉玲等攏總17人，由國民黨立法院黨團總召傅崑萁帶隊，去中華人民共和國向中共要求兩岸和平發展等等，顛倒是閣較露骨承認中華人民共和國，安呢，這17個包括翁曉玲自己在內，嘛攏是「賣國賊」囉！

國共內戰的歷史證明，國民黨和中國共產黨若講和，結果著是予中共撕食落腹，才會1949被推翻，逃命來竊占台灣，建構現在這個假中華民國民族壓迫體制，剝削台灣人生存，所以翁曉玲、傅崑萁等人，著是要進一步出賣假中華民國予中共徹底消滅的叛徒。

就台灣人來講、若觀察怹事後在立法院帶動的政局發展，這17個「賣國賊」基本上著是去參詳安怎配合中共來亂台灣，要製造��利中共併吞台灣的社會條件，逐敢死背叛予怹食予怹住的台灣社會！

既然傅崑萁等人已經背叛假中華民國當局，嘛背叛咱台灣人社會，咱還有啥理由留怹在台灣？台灣社會應該剝奪這17個人在台灣的居留權，強制驅逐出境，並且沒收怹在台灣的財產，分別歸入怹現在所徛起社區的公共經費。

1776年初北美殖民地宣布獨立前半冬，美國民族的「大陸議會」（Continental Congress）著是通過《保守黨法案》（Tory Act），親像頂面建議安呢，處理一寡各地親英國反獨立叛徒。

專文屬作者意見，文責歸屬作者，不代表本報立場。