Nasik
viloyat ahamiyatiga ega shahar | |
Fayl:Nashik Old City.jpg, Ram Ghat, Nashik, Maharashtra.jpg, Tapovan Nashik.jpg | |
20°0′0″N 73°47′0″E / 20.00000°N 73.78333°E | |
Mamlakat | Hindiston |
shtat | Maharashtra |
Hukumat | |
• Mer | Randjana Bxasi |
Avvalgi nomlari | Gulshanabad |
Maydon | 295 km2 (114 kv mi) |
Markazi balandligi | 569 m |
Rasmiy til(lar)i | hindiy |
Aholisi (2005) |
1 363 000 |
Zichligi | 4622 kishi/km2 |
Vaqt mintaqasi | UTC+5:30 |
Telefon kodi | +91 2253 |
Pochta indeks(lar)i | 4202 0XX |
Avtomobil kodi | MH-15 |
|
Nasik yoki Nashik-G'arbiy Hindistonning Maharashtra shtatidagi shahar. Nasik shtatning shimoli-g'arbida, Mumbaydan 171 kilometr va Puna shahridan 210 kilometr uzoqlikda joylashgan.Nasik okrugining ma'muriy markazi. Nasik shtatdagi uchinchi yirik shahar (Mumbay va Pundan keyin).[1][2].Nasik, Mumbay va Puna Maxarashtra shtatining "oltin uchburchagi" ni hosil qiladi. Nasikda 100 dan ortiq qadimiy ibodatxonalar, shu jumladan Kalram ibodatxonasi va Trimbakeshvar Shiva saqlanib qolgan.
Tarixi
[tahrir | manbasini tahrirlash]Shaharning tashkil etilgan sanasi noma'lum. Bu yerda tosh asrida doimiy turar-joy mavjud bo'lgan deb taxmin qilinadi. Afsonalarga ko'ra, shaharning nomi qadimiy hind dostoni "Ramayana" da yozilgan voqealar bilan bog'liq. Surgun paytida Rama jinlar shohi singlisi Ravan Shurpanaxni vasvasaga solishga harakat qildi. G'azablangan Rama burnini kesib tashlaganmish.[3]. 1615-yilda shahar Boburiylar imperiyasining sultoni Nijamshoh tomonidan bosib olingan.Bu yerga Madinadan kelgan birinchi musulmon, "Hazrat Pir Said Sodiq Shah Husayniy Sarmast Madni Nakvi Xisti" islom avliyosi edi.Keyin shahar Gulshanabod deb nomlangan ya'ni gullar shahri.Forschada "gulshan" so'zi atirgulni, "bad" esa shaharni anglatadi.Bu yerda Avrangzeb yangi atirgullar ektiradi. 1673-yilda shahar Maratha imperiyasining tarkibida bo'lgan.XVII asrning oxirgi choragi - XVIII asrning birinchi choragida shahar bir necha bor islom va hind hukmdorlari tomonidan hujumga uchradi va qo'ldan-qo'lga o'tdi.1734-yilda Maratha imperiyasining Peshvalar boshqaruvi davrida shahar Nasik nomini qaytargan.1818-yildan bu yer Britaniya tarkibiga kirgan. Nasik Britaniya tarkibiga kirgach shahar o'z ahamiyatini yo'qatadi.Britaniyaliklar bu yerda Osiyodagi eng katta golf maydonini qurganlar.1862-yilda birinchi temir yo'l stansiyasi ochilgan.1864-yilda shahar maqomini olgan.1869-yilda Nasik tumani tashkil etilgan.
Fiziografik tavsif
[tahrir | manbasini tahrirlash]Dengiz sathidan o'rtacha balandligi - 600 m[4].Godavari daryosining manbai shahar markazidan 24 km uzoqlikda joylashgan bo'lib, daryo Nasikning shimoliy chegarasi bo'ylab, eski turar-joy kvartallari orqali oqib o'tadi.Nasik Dekan platosining g'arbiy chekkasida joylashgan][5].
Iqlim
[tahrir | manbasini tahrirlash]Shaharning iqlimi tropik deb tavsiflanadi. Musson davri iyundan sentabrgacha davom etadi. Noyabrdan fevralgacha qish davri yumshoq qurg'oq iqlimi, kunduzi harorat va salqin tunlar bilan ajralib turadi. Eng yuqori harorat 1960-yil 12-mayda qayd etilgan: 44,8 ° S. Eng past harorat 1945-yil 7 yanvar: 0,6 ° S. Yiliga o'rtacha yog'ingarchilik 812 mm.
Aholisi
[tahrir | manbasini tahrirlash]![](http://178.128.105.246/cars-http-upload.wikimedia.org/wikipedia/commons/thumb/d/d0/Nashik_Growth.jpg/200px-Nashik_Growth.jpg)
2001-yildagi aholini ro'yxatga olish natijalariga ko'ra shahar aholisi 1,152,326 kishi (erkaklar - 54%, ayollar - 46%) edi. Savodxonlik darajasi 74% (80% erkaklar va 66% ayollar). 6 yoshgacha bo'lgan bolalar ulushi: 14%. Nashik aholisining atigi 3 foizi xarobalarda yashaydi, bu Hindistonning yirik shaharlari uchun juda past ko'rsatkichdir (2010-yil ma'lumotlari).
Iqtisodiyoti
[tahrir | manbasini tahrirlash]Nasik Hindistonning muhim sanoat markazidir. Nasikdan 10 km masofada Hindustan Aeronautics Limited kompaniyasining samolyot zavodi joylashgan[6].Unda 7000 ga yaqin ishchi ishlaydi.Hindustan Aeronautics Limited shahardagi eng katta ish beruvchilardan biridir. Nasikda banknotalar va davlat rasmiy blankalarini bosib chiqaradigan korxonalar mavjud.[7] Nasikda ikkita issiqlik elektr stantsiyalari mavjud[8][9]. Shaharda yengil sanoat korxonalari, xususan, gilam to'qish rivojlangan. Nasikda jahon miqyosidagi 36 ta vino zavodlari mavjud. Shahar Hindistonning vinochilik poytaxti deb ataladi.[10].Nasikda ko'plab sog'liqni saqlash muassasalari mavjud. Shu jumladan Maharashtra tibbiyot universiteti.
![](http://178.128.105.246/cars-http-upload.wikimedia.org/wikipedia/commons/thumb/0/07/Shalimar-CBS_Road_Nashik.jpg/220px-Shalimar-CBS_Road_Nashik.jpg)
Transport
[tahrir | manbasini tahrirlash]Nasikda ikkita milliy avtomagistral №3 (Mumbay - Agra) va 50-raqamli (Mumbay - Pune) kesishadi. Shuningdek, shahar Avrangobod va boshqa davlat shaharlari bilan ko'p qatorli avtomagistral orqali bog'langan.Nasik temir yo'l stantsiyasi shahar markazidan 10 km uzoqlikda joylashgan bo'lib, Hindistonning Markaziy temir yo'liga tegishli. Nasik temir yo'l orqali Hindistonning Mumbay, Dehli, Kalkutta, Nagpur, Kanpur, Guvaxati va boshqa shaharlari bilan bog'langan.Nasik - Hindistonda tramvay ishlaydigan kam sonli shaharlardan biri. Shaharda, shuningdek, Maharashtra davlat transport korporatsiyasi tomonidan xizmat ko'rsatadigan avtobus yo'nalishlari tarmog'i mavjud.
Manbalar
[tahrir | manbasini tahrirlash]- ↑ „Nashik real estate: What Maharashtra's fourth largest city has to offer“. YouTube (2012-yil 30-avgust). Qaraldi: 2014-yil 21-aprel.
- ↑ „City Awards: Is Nashik the best city?“. YouTube (2013-yil 18-fevral). Qaraldi: 2014-yil 21-aprel.
- ↑ „Official WebSite of Nashik District“ (deadlink). 2013-yil 1-oktyabrda asl nusxadan arxivlangan. Qaraldi: 2014-yil 19-iyun. (Wayback Machine saytida 2013-10-01 sanasida arxivlangan)
- ↑ „Official Website of Nashik District“ (deadlink). Nashik.nic.in. 2015-yil 5-aprelda asl nusxadan arxivlangan. Qaraldi: 2010-yil 16-iyul.
- ↑ „Official WebSite of Nashik District“ (deadlink). Nashik.nic.in. 2011-yil 16-iyulda asl nusxadan arxivlangan. Qaraldi: 2010-yil 16-iyul.
- ↑ „Welcome to HAL — Aircraft Division“. 2013-yil 23-martda asl nusxadan arxivlangan. (Wayback Machine saytida 2013-03-23 sanasida arxivlangan)
- ↑ „CNPN Home“. Cnpnashik.spmcil.com (2010-yil 21-oktyabr). 2013-yil 27-iyunda asl nusxadan arxivlangan. Qaraldi: 2013-yil 28-sentyabr.
- ↑ „Nasik Thermal Power Station“ (deadlink). Mahagencontps.com. 2013-yil 25-sentyabrda asl nusxadan arxivlangan. Qaraldi: 2013-yil 28-sentyabr. (Wayback Machine saytida 2013-09-25 sanasida arxivlangan)
- ↑ „Indiabulls Group“ (deadlink). Indiabulls.com. 2013-yil 27-sentyabrda asl nusxadan arxivlangan. Qaraldi: 2013-yil 28-sentyabr.
- ↑ „Leaders of Tomorrow: Nashik- The wine capital of India | The Economic Times Video | ET Now“. Economictimes.indiatimes.com. Qaraldi: 2013-yil 28-sentyabr.