El Bo
![](http://178.128.105.246/cars-http-upload.wikimedia.org/wikipedia/commons/thumb/4/49/Palazzo_Bo_%28Padua%29.jpg/220px-Palazzo_Bo_%28Padua%29.jpg)
Palazo del Bo, o mejo "El Bo" come che i ło ciama tuti cuanti, el xe ła sede de l'Università de Padoa dal 1493. El xe stà regałà in te'l 1405 a un becaro da Francesco Carraresi, Sior de Padoa, come pagamento de łe derate de carne che sto becaro el gavéa dà durante l'asedio de ła sità. Ła propietà de l'"Albergo del Bove" ła xe pasà inte el 1539 al università, che dónca ła ga cavà come sinboło el teschio de bo.
Deso el Bo xe ła sede del retorato, de ła facoltà de Giurisprudensa e de łe aule de raprexentansa de łe altre facoltà. Inte ła córte vecia e inte łe aule storeghe se pol védar sentenari de stèmi nobiłiari e de busti de profesori e de studenti che sà sucedù inte i secołi. Ghe xe oncora conservà ła catedra de Galileo, l'antico teatro anatomico del 1594, che xe stà el primo al mondo, e ła statua de Elena Cornèr, prima dòna łaureà del mondo.
![](http://178.128.105.246/cars-http-upload.wikimedia.org/wikipedia/commons/thumb/a/a3/Paolo_Monti_-_Servizio_fotografico_%28Padova%2C_1966%29_-_BEIC_6346855.jpg/220px-Paolo_Monti_-_Servizio_fotografico_%28Padova%2C_1966%29_-_BEIC_6346855.jpg)
Cołegamenti forèsti
[canbia | canbia el còdaxe]Tour virtuale del Bo Archivià il 3 de majo 2008 in Internet Archive.
Wikimedia Commons el detien imàjini o altri file so El Bo
Controło de autorità | VIAF (EN) 212146831 · LCCN (EN) sh2015002448 · WorldCat Identities (EN) 212146831 |
---|