Fontaniva
Pozision | |||||||||
---|---|---|---|---|---|---|---|---|---|
Stato | Itàłia | ||||||||
Rejon | Vèneto | ||||||||
Provinsa | provincia de Pàdoa ![]() | ||||||||
Capitałe | Fontaniva (it) ![]() ![]() | ||||||||
Popołasion | |||||||||
Totałe | 8 048 (1° de zenaro del 2023) ![]() ![]() | ||||||||
Densità | 390,49 hab./km² | ||||||||
Zènaro |
| ||||||||
Demònemo | fontanivari o fontanivezi, Bartandi
, ![]() | ||||||||
Zeografia | |||||||||
Parte de | Union dei comuni del Brenta ![]() | ||||||||
Àrea | 20,61 km²[1] ![]() | ||||||||
Altitùdene | 45 m ![]() | ||||||||
Rente a | |||||||||
Dati istòreghi | |||||||||
Dì festivo | Eror Lua: callParserFunction: function "
[[Categoria" was not found. | ||||||||
Patrono | Bertrando d'Orenga ![]() | ||||||||
Còdazi de identifegasion | |||||||||
Còdaze postałe | 35014 ![]() | ||||||||
Còdaze de matricołasion | PD ![]() | ||||||||
Fuzo oràrio | |||||||||
Clasifegasion climàtega | clima subtropegałe ùmido ![]() | ||||||||
Prefiso tełefònego | 049 ![]() | ||||||||
ID ISTAT | 028038 ![]() | ||||||||
Còdaze catastałe de Itàlia | D679 ![]() | ||||||||
Sito web | comune.fontaniva.pd.it ![]() | ||||||||
|
Fontaniva el xe un comun de 8.249 abitanti de l'alta padovana.
Zeografia fixica
[canbia | canbia el còdaxe]El teritorio comunałe de Fontaniva el xe cata inte el core de ła pianura vèneta, al confin tra alta e basa pianura, inte ła xona de łe risorgive, e el xe traversà da ła Brenta. Ła gran parte del sentro abità ła se cata in sanca idrografica.
Stòria
[canbia | canbia el còdaxe]Orixene del nòme | |
A ła gran richesa d'acua del teritorio se deve probabilmente el nome de ła locałità, che secondo serti ła derivaria dal latin fontes ibi (chi a ghe xe de łe fontane) o fons viva (fontana viva). | |
Santo patrono | Bertrando d'Orenga |
---|
El teritorio de Fontaniva el fa parte de la centuriasion romana de Sitadèła-Basan e l'xe sta abità sicuramente fin da l'epoca romana. Dopo che xe cascà el inpero Roman ve se ga stabiłìo xenti longobarde.
Inte el 1147 inte el teritorio fontanivexe xe sta firmà ła pase infrà vixentini e padoani.
Fontaniva ła xe una de łe locałità interesae da łe visende storiche ligae a la famèja dei Exełini che i gheva de łe propietà inte el paexe.
Monumenti e loghi d'intarèse
[canbia | canbia el còdaxe]Architeture rełigioxe
[canbia | canbia el còdaxe]La cexa parochiałe, dedicà al Beato Bartrando e a ła Madòna, che de resente ła xe deventà dòmo, la xe sta ingrandìa pì volte inte la so stòria. Al so interno se cata anca de łe tełe d'autor, come par exenpio na Ultema sèna de Palma el xóvane. De fianco a la cexa ghe xe el canpaniłe, costruìo so na vècia tore del castèło (distruto, el castèło, inte el 1228).
Inte el teritorio comunałe se cata anca la cexa parochiale de San Dordi e racuanti oratori e cexete.
Architeture siviłi
[canbia | canbia el còdaxe]Come inte el resto de ła canpagna vèneta na volta i laori agricołi i jera organixai col sistema de łe viłe. De ste viłe inte el teritorio comunałe ghi ne xe tre:
- Viła Gallarati-Scotti (xà Cittadella-Vigodarzere, e al inìsio de ła so stòria Vila Orsato) ai confini co Sitadèła;
- Viła Borromeo, a San Dordi
- Ca' Viero, in locałità Frata
Inte i ani sesanta vien costruìo da ła Parochia el Cine Teatro "Palladio" da 400 e pasa posti. Inte el 2008 el xe sta riverto dopo un restauro e soto xe sta fata anca na sała conferense dedicà a Monsignor Nichele, el paroco che gheva fato costruir el Cine.
Sosietà
[canbia | canbia el còdaxe]Evołusion demografega
[canbia | canbia el còdaxe]Abitanti censii
![](http://178.128.105.246/cars-http-upload.wikimedia.org/wikipedia/vec/timeline/fpx5rchwr7stv00p5pt3crk9pn6qusx.png)
Etnìe e minoranse foreste
[canbia | canbia el còdaxe]I rexidenti co na citadinansa foresta i xe pì o meno el 11,5% de ła popołasion del paexe. Ła comunità foresta pì grosa ła xe cueła rumena, poco pì del 5% de ła popołasion del comun el vien da là (scuaxi 1 foresto su 2 el xe rumen). Segue łe comunità albanexe (poco pì del 1%), del Burkina Faso (1%), del Maroco (poco manco del 1%), de ła Moldavia e de ła Cina (tute do torno el 0,5%, segue altre comunità co nùmeri manco significativi).[2]
Cultura
[canbia | canbia el còdaxe]Inte el teritorio comunałe se trova do scołe ełementari (una in sentro e n'altra inte ła frasion de San Dordi) e una scoła media, tute statałi.
Zeografia antropica
[canbia | canbia el còdaxe]L'ùgnoła frasion ła xe San Dordi in Brenta, co pì de miłe abitanti, fondà in epoca longobarda e sede de un ramo de ła famèja Borromeo. Po ghe xe łe locałità de Boschi (l'ùgnoła in dreta Brenta), Caxoni, Fontaniveta e Frata.
Conomìa
[canbia | canbia el còdaxe]Ła conomìa del paexe ła xe da senpre ligà a i materiałi ricavai da ła Brenta, intrà tuti ła giara. Inportante xe sta, inte el pasà, anca łe fornaxe da calse. Pì resente l'industria ligà ai pre-fabricai.
Infrastruture e traspòrti
[canbia | canbia el còdaxe]El sentro de Fontaniva el xe traversà da ła vècia statałe 53, che dal 2004 ła xe sta portà fora dal sentro co la costrusion de na tangensiałe.
Fontaniva ła xe anca traversà da ła ferovia che cołega Vicensa co Trevixo.
Aministrasion
[canbia | canbia el còdaxe]Xemełagi
[canbia | canbia el còdaxe]Bartin (dal 2005)
Amasra (dal 2005)
Nova Pádua (dal 2010)
Spòr
[canbia | canbia el còdaxe]'L ùgnoło inpianto sportivo pa' i spòr de scuadra prexente inte el teritorio comunałe xe el picoło stadio comunałe par el bałon, andove che xuga ła locałe società de diłetanti.
Notasion
[canbia | canbia el còdaxe]- ↑ voze de refarensaistat.it.
- ↑ (IT) Popołasion foresta rexidente al disenbre 2015 - Dati ISTAT Archivià il 13 de zunjo 2016 in Internet Archive.
Bibliografìa
[canbia | canbia el còdaxe]- (IT) Don Marcello Rossi, Fontaniva nella storia, Fontaniva 1993.
Voxe ligae
[canbia | canbia el còdaxe]Altri progeti
[canbia | canbia el còdaxe]Wikimedia Commons el detien imàjini o altri file so Fontaniva