L'ombrela a...
Inpostasion de letura
Edission original: |
Adolfo Gerani, Poesie veneziane, Venezia, C. Ferrari, 1903 |
Fonte: |
Indice:Gerani - Poesie veneziane, Venezia, Ferrari, 1903.pdf |
← A 'na Madoneta | Edission e fonte ▼ | In memoria de Galina e Favreto → |
XII.
L'OMBRELA A...
(MONOLOGO DE UN IMBRIAGO)
(Se le me toca tute a mi!... Zucon
Chi nato xe, zucon za creparà;
El proverbio no sbalgia... Quando son
Propio in Campo San Stefano arivà,
Vedo, fra i lampi e 'l rebombar del ton,
Tuto vestìo de bianco, là impalà
De sora de un pilastro, un omenon
Senza capelo in testa, e intabarà.
E mi ghe zigo da lontan: — «Sior, piove.
Vôrlo l'ombrela?» O si; come un ebreo
Che contrata n'afar, lu nol se move.
Mi stava squasi per zigar: Lighè'o
Che 'l xe mato, (Çervelo xestu indove)!
Salo, sior, chi che 'l gera!..» ― «?» ― «Tomaseo!...»