Vaugedpucukahan kolibrin (latin.: Saucerottia edward) niveoventer-alaerik Totumas-mägen pil'vekahas mecas, Panama. Tämbäi om Nacionaline kolibrin päiv (isp.: Día Nacional del Tembleque, angl.: National Hummingbird Day), oigendase Amerikan maiš sügüz'kun ezmäižel sobatal.
Jondžo-carin kuva (1694~1776, kor.: 朝鮮英祖 / 조선 영조). Se om vn 1744 originaližen portretan ratud vodel 1900 kopii, pirdiba Čhe Jon-šin (1850~1941) i Čo Sok-džin (1853~1920). Kuvan suruded oma 169 x 73 sm. Korejan Nacionaližen pert'kulun muzejan keradusespäi (Könbokkun, Seul).
Point-Rejes-nem' läz Čimni-kall'oid ani lodeheze San Franciskon lidnaglomeracijaspäi, Kalifornii-štat, AÜV, 3. tal'vku 2016. Tämbäi oigetas 60 vot «Rahvahaline Point-Rejes-mererandišt»-puišton (angl.: Point Reyes National Seashore) alusenpanendale. Se om 287.44 km² pindal.
Reikjanes-mägisel'gan (isl.: Reykjanes) suvipäivlaskmaižen palan ühthine nägu, Islandii, 6. uhoku 2018. Kuva om tehtud lendimespäi. Se mägisel'g om Keskatlantižen mägisel'gan jätkuz.
Viktorii-vezilanktendan ühthine nägu Zambezi-jogel, röunma Zambijan i Zimbabven keskes, 27. heinku 2018. Se vezilanktend om langenijan veden kaikiš suremb pind mail'mas, 1708 metrad levette i 108 m kortte. Nece kuva om ottud punolendimespäi, viden foton ühtenzoitusen rezul'tat.
Čomamahton kümne vot botanižes Hortus Haren-sadus, Groningen, Alamad: puine «Tulleil»-skul'ptur (angl.: In The Wind), tegi Jeroen Boersma, 9. reduku 2020.
AmerikaiženWeird Tales-aiglehtesen kor' («Vaskmäižed starinad», tom 4, nomer 2, vn 1924 pästand semendkus-kezakus-heinkus), se nomer mülütab «Faraoniden plenas»-sanutest (angl.: Imprisoned with the Pharaohs), tegijad Lavkraft (H. P. Lovecraft) i Garri Gudini. Aiglehtez lähtleb tähäsai (ezmäine pästand keväz'ku 1923) i kogoneb literaturižen fantastikan sädusišpäi (angl.: pulp fiction).
Bombycilla cedrorum-lind ištub pun oksal Bruklin-rajonan Grin-Vud-kaumžomas, Nju Jork, Nju Jork-štat, AÜV, 15. sulaku 2022. Heimon Bombycilla-nimituz znamoičeb «šuukhänd», om niiden linduiden šuukun polhe höunhištho sidodud. Heim om üks'jäine sugukundas i mülüb Pasklindunvuiččed-heimkundha.