Nettuno
Valdkund | Italii |
Eläjiden lugu (2022) | 47,999 ristitud |
Pind | 71,64 km² |
Pämez' | Antonio Reppučči (tal'vku 2022—, Antonio Reppucci) |
Telefonkod | +39-(0)6 |
Aigvö | tal'vel UTC+1, kezal UTC+2 |
![](http://178.128.105.246/cars-http-upload.wikimedia.org/wikipedia/commons/thumb/5/53/Map_of_comune_of_Nettuno_%28province_of_Rome%2C_region_Lazio%2C_Italy%29.svg/250px-Map_of_comune_of_Nettuno_%28province_of_Rome%2C_region_Lazio%2C_Italy%29.svg.png)
Nettuno (mugažo italijan kelel) om kurortine lidn da kund (kommun) Italijan keskuzpalas. Mülüb Lacio-agjan Metropolitenižhe Pälidnaižhe Rim-lidnha.
Istorii
[vajehta | vajehtada lähtetekst]Amuižen Antium-lidnan aluz oli pandud latinalaižil 1. voz'tuhan EME zavodindas, se lidn änikoiči torguindaspäi i meriujundaspäi. Antium oli Riman vastustajan hätken aigan, no oli alištudud sen tobmudele 5. voz'sadal EME. Mainitase Riman ezmäižiden kolonijoiden keskes vl 338 EME. Riman tetabad ristitud pidiba villoid siš, no lidnan tobj pala oli okaidud 1. voz'sadan meiden erad lopus. Lidnan territorii oli alištunu gotoiden londoile i murendusile 6. voz'sadal. Villad, pühäpertid i kalanikoiden küläd oliba lidnan sijas hätken aigan.
Nügüdläine lidn sai nimitust keskaigaižen külän i Neptunan zamkan mödhe, a ned Neptun-jumalaspäi. Ezmäine municipalitet oli sätud vl 1827.
Nettuno šingotase religiozižel i lebuturizmal, meriportal turistoiden täht, policijan školal.
Geografijan andmused
[vajehta | vajehtada lähtetekst]Lidn sijadase metropolitenižen lidnan suvičogas, Tirrenižen meren randal, 11 m ü.m.t. keskmäižel korktusel. Matkad Riman keskushesai om 60 km pohjoižhe.
Vn 2011 Italijan rahvahanlugemižen mödhe lidnan eläjiden lugu oli 45 460 ristitud, vl 2018 — 49 852 ristitud, se oli kaikiš suremb ristitišt.
Irdkosketused
[vajehta | vajehtada lähtetekst]![]() |
Nettuno Vikiaitas |