Osinniki
Lidnanznam![]() |
Flag![]() |
Valdkund | Venäma |
Eläjiden lugu (2021) | 40,367 ristitud |
Pind | 71,36 km² |
![]() | |
Pämez' | Igor' Romanov (kezaku 2012—, Игорь Романов) |
Telefonkod | +7−38 471-xx-xxx |
Avtokod | 42, 142 |
Aigvö | UTC+7 (MSK+4) |
![](http://178.128.105.246/cars-http-upload.wikimedia.org/wikipedia/commons/thumb/3/34/Stra%C3%9Fenbahn-Ossinniki.png/250px-Stra%C3%9Fenbahn-Ossinniki.png)
Osinniki (ven.: Осинники «habikod», šorijan kel': Тағдағаал) om Venäman lidn Kemerovon agjan suves. Se om Osinnikin lidnümbrikon administrativine keskuz (vspäi 2005).
Istorii
[vajehta | vajehtada lähtetekst]Osinniki mainitasoiš ezmäižen kerdan Tomskan gubernijan elänzoittud tahoiden nimikirjuteses vl 1859 320 eläjanke, i ezmäižed kaivuded oliba tehtud 19. voz'sadal.
Nügüdläižen eländpunktan aluz om pandud vl 1926 kuti Osinovk-radnikžilo (ven.: Осиновка) šorijalaižiden Osinniki-ulusan sijas. Radnikžilo sai lidnan statusad vn 1938 4. päiväl tal'vkud nügüdläiženke nimenke. Oli Osinnikin rajonan administrativižeks keskuseks vll 1961−1963 i 1987−1989 (konz rajon-ki oli).
Osinniki šingotase kivihilen samižel («Osinnikovskai»-kaivuz), meblin tehmižel i pilindmaterialoiden edheotandal, kohenduzmehanižel tegimel i pälembaižen soban omblendfabrikal, sömtegimištol (leibtegim, vintegim, südäiveded), mugažo maižanduztorhuden ümbriradmižen ceh radab.
Geografijan andmused
[vajehta | vajehtada lähtetekst]Lidn sijadase Kondomanjogen oiktal randal (ven.: Ко́ндома, šorijan kel': Қондум 392 km pitte, Tomin hura ližajogi), 230 m ü.m.t. keskmäižel korktusel. Kandalep-jogeihut (ven.: Кандалеп 10 km pitte) läbitab lidnad i lankteb Kondomha oiktalpäi. Matkad Kemerovohosai om 210 km pohjoižhe-lodeheze orhal, 247 km avtol vai raudtedme. Osinniki mülüb Novokuzneckan lidnaglomeracijha (1,15 mln rist. vl 2010) i om ümbärtud Novokuzneckan rajonal. Lähembaižed lidnad oma Novokuzneck 10 km lodeheze röunhasai i Kaltan kümnes kilometras suvipäivlaskmha.
Taižin-žilo (ven.: Тайжина, 4 812 rist. vl 2017) mülüb lidnümbrikho Osinnikin ližaks, edel 2011. vot toižed žilod mülüiba. Lidnümbrikon pind — 71,36 km².
Eläjad
[vajehta | vajehtada lähtetekst]Vn 2010 Venäman rahvahanlugemižen mödhe lidnan eläjiden lugu oli 46 001 ristitud, lidnümbrikon — 60 918 ristitud. Kaikiš suremb lidnan ristitišt oli 71 tuhad eläjad vl 1962. Vl 2018 kaik 47 248 ristitud elihe lidnümbrikos.
Ortodoksižen hristanuskondan kaks' jumalanpertid[1] oma avaitud lidnas: Pühän Stroican (letihe vll 2004−2008) i Illä-endustajan (om saudud vll 1971−1974 vajehtamha loičendpertid).
Osinnikin politehnine tehnikum[2] i kaivuztehnine kolledž[3] oma lidnan professionaližen opendusen aluzkundoikš.
Lidnümbrikon Nevondkundan ezimez' om Natal'ja Kovalenko vn 2018 sügüz'kuspäi.
Transport
[vajehta | vajehtada lähtetekst]Avtobusad, maršruttaksid i tramvaid oma kundaližeks transportaks lidnas.
Osinniki-raudtestancii (ende Kandalep jogen mödhe) i 405. km-platform oma saudud «Novokuzneck — Taštagol»-raudtekeskustal.
Galerei
[vajehta | vajehtada lähtetekst]-
LM99K-serijan tramvai jonol (2011)
-
Purde hobedan mülündanke (2014)
-
Tramvaidepo vl 2011
-
Kondomanjogi läz Osinnikid (2011)
Homaičendad
[vajehta | vajehtada lähtetekst]- ↑ Osinnikin pühäpertid sobory.ru-saital. (ven.)
- ↑ Osinnikin politehnižen tehnikuman sait (gpouopt.ru). (ven.)
- ↑ Osinnikin kaivuztehnižen kolledžan sait (ogtk.org). (ven.)
Irdkosketused
[vajehta | vajehtada lähtetekst]- Lidnan tobmuden aluzkundoiden oficialine sait (osinniki.org). (ven.)
- Lidnan kodirandantedištandmuzejan sait (osinniki-muzei.kmr.muzkult.ru). (ven.)
![]() |
Osinniki Vikiaitas |
Kemerovon agjan lidnad | ||
Anžero-Sudžensk | Belovo | Berözovskii | Gur'jevsk | Jurg | Kaltan | Kemerovo | Kiselövsk | Leninsk Kuzneckii | Mariinsk | Meždurečensk | Miski | Novokuzneck | Osinniki | Polisajevo | Prokopjevsk | Salair | Taig | Taštagol | Topki | ||