Vaš
![](http://178.128.105.246/cars-http-upload.wikimedia.org/wikipedia/commons/thumb/b/b4/HU_county_Vas.svg/250px-HU_county_Vas.svg.png)
Vaš (mad'j.: Vas megye [ˈvɒʃ]) om üks' Mad'jaranman agjoišpäi. Sen administrativine keskuz da kaikiš suremb lidn om Sombathel'.
Geografijan andmused
[vajehta | vajehtada lähtetekst]Agj levigandeb valdkundan päivlaskmas. Päivlaskmas om Köseg-mägid, tazangištod levitasoiš päivnouzmas. Rab-jogi (Dunain oiged ližajogi) ristikoičeb kaiked agjad i jokseb suvipäivlaskmaspäi pohjoižhe. Severz'-se lebutahoid ratas termaližil vezil.
Vaš-agj röunatab koumenke agjanke: D'jor-Mošon-Šopronanke pohjoižes, Vesprem-agj levigandeb päivnouzmas, Zal-agj om suves. Mugažo röunatab Slovenijanke i Avstrijanke (Burgenland-federacijanma) päivlaskmas.
Pind om 3336,14 km².
Administrativine jagand
[vajehta | vajehtada lähtetekst]![](http://178.128.105.246/cars-http-upload.wikimedia.org/wikipedia/commons/thumb/7/7c/Vas_districts.png/250px-Vas_districts.png)
Vaš-agj jagase seičemeks jarašaks (rajonaks). Edel vn 2013 administrativišt reformad ühesa kišteršegad (rajonad) oli niiden sijas.
Lidnad
[vajehta | vajehtada lähtetekst]Neciš agjas om koumetoštkümne lidnad:
- Bük (Bük)
- Cell'dömöl'k (Celldömölk)
- Čepreg (Csepreg)
- Janošhaz (Jánosháza)
- Körmend (Körmend)
- Köseg (Kőszeg)
- Örisentpeter (Őriszentpéter)
- Repcelak (Répcelak)
- Šarvar (Sárvár)
- Sentgotthard (Szentgotthárd)
- Sombathei (Szombathely) — agjan administrativine keskuz
- Vašvar (Vasvár)
- Vep (Vép)
Vašas om 203 žilod lidnoihe ližaks, ei ole surid žiloid.
Eläjad
[vajehta | vajehtada lähtetekst]Vn 2011 Mad'jaranman rahvahanlugemižen mödhe agjan ristitišt oli 256 629 eläjad, vl 2015 — 253 997 eläjad, lidnalaižed ottas nell' seičemendest. Kaikiš suremb eläjiden lugu oli 283 070 ristitud vl 1949 i 285 498 ristitud vl 1980.
Uskondan mödhe (2011): riman katolikad — 58,7 %, lüteranižusen polenpidajad — 5,9 %, kal'vinistad — 2,8 %, grekan katolikad — 0,1 %, toižed uskojad — 0,8 %, religijatomad — 5,3 %, ateistad — 0,7 %, märhapanendata — 25,7 %.
Irdkosketused
[vajehta | vajehtada lähtetekst]- Agjan oficialine sait (vasmegye.hu). (mad'j.)
Mad'jaranman agjad da niiden administrativižed keskused | ||
Bač-Kiškun (Kečkemet) | Baran'j (Peč) | Bekeš (Bekeš'čab) | Boršod-Abaui-Zemplen (Miškol'c) | Čongrad-Čanad (Seged) | D'jor-Mošon-Šopron (D'jor) | Fejer (Sekešfehervar) | Haidu-Bihar (Debrecen) | Heveš (Eger) | Jas-Nad'kun-Sol'nok (Sol'nok) | Komarom-Estergom (Tataban'j) | Nograd (Šal'gotarjan) | Pešt (Budapešt) | Sabol'č-Satmar-Bereg (N'jired'haz) | Šomod' (Kapošvar) | Zal (Zalaegerseg) | Tol'n (Seksard) | Vaš (Sombathei) | Vesprem (Vesprem-lidn) | ||
tazostadud agjaha lidn — Budapešt | ||