Anders Celsius
![](http://178.128.105.246/cars-http-upload.wikimedia.org/wikipedia/commons/thumb/b/b1/Anders-Celsius-Head.jpg/220px-Anders-Celsius-Head.jpg)
Anders Celsius (Uppsala, 27 november 1701 – Zelfste plekke, 25 april 1744) was e Zweedschn astronoom en nateurkundign. J' is bekend vanwege de Celsius-temperateurschoale (°C), ingevoerd in 1742.
Anders Celsius was de zeune van astronomieprofessor Nils Celsius en de klêenzeune van de wiskundign Magnus Celsius en je koos ook vor e carrière in de weetnschap.
In 1730 kwam Celsius professor in d' astronomie an den universiteit van Uppsala, juste lik zyn voader doa vôorn. Je richtte in 1741 de sterrewacht ip met ênigte andere in zyn geboorteplekke. Vo zyn meteorologische observoasjes voend ie e thermometer uut woarby da 't kookpunt van woater ip 0° stoend en 't vriespunt ip 100°. In 1745, e joar achter Celsius zyn dôod, kêerde Carolus Linnaeus de schoale van Celsius omme vo de metiengn gemakkeliker te moakn.
Anders Celsius is ip 42-joarige leeftyd gestorvn an tuberculose en je ligt begroavn nevest zyn grotvoader Magnus in de kerke van 't dorp Gamla Uppsala.
![](http://178.128.105.246/cars-http-upload.wikimedia.org/wikipedia/commons/thumb/2/20/Gamla_uppsala_kyrka.jpg/220px-Gamla_uppsala_kyrka.jpg)
![]() |
Ofbeeldiengn die ier by passn ku je vien in de categorie Anders Celsius van Wikimedia Commons. |