Rügen
![](http://178.128.105.246/cars-http-upload.wikimedia.org/wikipedia/commons/thumb/b/b3/Ruegen_-_Uebersichtskarte.png/220px-Ruegen_-_Uebersichtskarte.png)
![](http://178.128.105.246/cars-http-upload.wikimedia.org/wikipedia/commons/9/97/Lage_des_Landkreises_R%C3%BCgen_in_Deutschland.png)
Rügen is 't grotste eiland van Duutsland. 't Ligt in de Baltische Zêe en makt dêel uut van de dêelstoat Mecklenburg-Voorpommern.
De "toegangspôorte" toet 't eiland Rügen is de Hanzestad Stralsund, woar da 't verboendn is mè 't vasteland via de Rügendamm en de Strelasundbrugge over de zêestroate de Strelasund.
't Eiland hèt 'n ippervlakte van 926 km², e maximale lengte van 52 km (nôord noa zuud) en e maximale brèedte van 41 km in 't zuudn.
De kust wordt gekenmerkt deur zandstrange, lagunes (Bodden), boain (Wieke) en uutspriengnde schiereilandn en landtoengn. In juni 2011 krêeg 't Nationalpark Jasmund, bekend vo zyn oude beuknbusschn en witte kalkrotsn, de stoatus van UNESCO Weirelderfgoed.
't Eiland vormt t'hope mè 't eiland Hiddensee en ênigte klèindere eilandn de Landkreis Rügen met hoofdplekke Bergen auf Rügen. Andere steedn zyn d' hoavnstad Sassnitz, Putbus en Garz. Badplekkn an de Baltische Zêe zyn Binz, Sellin, Göhren, Baabe, Thiessow, Breege en Altefähr.
-
Nationalpark Jasmund met de bekende kalkrotsn Königsstuhl -
Promenade in Binz -
Piere van Sellin
![]() |
Ofbeeldiengn die ier by passn ku je vien in de categorie Rügen van Wikimedia Commons. |