Rudolf II van Bourgondië
880 - 937 | ||||||
---|---|---|---|---|---|---|
Keunienk van Bourgondië | ||||||
|
||||||
Keunienk van Italië | ||||||
|
||||||
|
![](http://178.128.105.246/cars-http-upload.wikimedia.org/wikipedia/commons/thumb/4/4a/Karte_Hoch_und_Niederburgund_EN.png/220px-Karte_Hoch_und_Niederburgund_EN.png)
Rudolf II van Bourgondië (ca. 880 - 11 juli 937) was de zeune van Rudolf I van Bourgondië, van 't Huus Welfn, en van Willa van Provence.
Je was van 912 keunienk van Ipper-Bourgondië of Transjuranië en van 933 ook van Lêger-Bourgondië of Cisjuranië (Provence). Je was ook keunienk van Italië van 922.
Vrouwe en jounges
[bewerkn | brontekst bewerken]Rudolf trouwde in 922 me Bertha van Zwaabn. Z'haan vier jounges:
Keunienk van Italië
[bewerkn | brontekst bewerken]Rudolf was in 922 gevroagd deur den Italioanschn oadel vo keunienk te wordn, in de plekke van den oudn Berengar van Friuli, die under nie me kost verdeedign teegn de Magyoarn. Je wierd in Pavia tout keunienk gekrôond. Je versloeg Berengar in 923 by Fiorenzuola d'Arda in Piacenza. Berengar wierd e joar loater vermôord deur zyn eign volgeliengn, verzekers in opdracht van Rudolf.
Moar ol in 926 was den Italioanschn oadel nie me content van Rudolf en ze vroegn an Hugo van Arles vor under keunienk te wordn. Hugo was ton adviseur en regent van Lodewyk den Blendn en van 928 zyn ipvolger in Lêger-Bourgondië. Rudolf kêerde were noar Ipper-Bourgondië vor hem te beschermn en Hugo liet hem krôonn tout keunienk van Italië. Mo d'Italioann veranderdn were van gedacht en ze wildn Rudolf were.
Vo de ruuzjes te stoppn slootn Rudolf en Hugo in 933 e verdrag, woaby dan ze wisseldn: Rudolf krêeg Lêger-Bourgondië van Hugo en Hugo krêegt de krône van Italië.
Azo kwam Rudolf keunienk van zowel Ipper- of Lêger-Bourgondië. 't Nieuw keunienkryk van Bourgondië krêegt de noame: keunienkryk Arles (of keunienkryk Arelat).
Rudolf liet zyn dochter Adelaide trouwn met Hugo zyn zeune Lotharius II van Italië. Ze trouwdn in 947. Z'haan e dochter Emma van Italië, die trouwde me keunienk Lotharius van West-Francië.
In 950 hen ze Lotharius II van Italië vergiftigd, verzekers in ipdracht van Berengar II. Zyn weeuwe Adelaide kwam in 951 de twidde vrouwe van Otto de Grôotn, de loatere keizer van 't Hillig Rôoms Ryk. Ze was de moeder van Otto II.
De vrouwe van Lotharius van Vrankryk en Otto II van Duutsland haan dus dezelfste moeder.
Rudolf regeerde tout an zyn dôod in 937 en je wierd ipgevolgd deur zyn zeune Konrad I van Bourgondië.
![](http://178.128.105.246/cars-http-upload.wikimedia.org/wikipedia/commons/thumb/b/b3/Map_of_kingdom_of_Arles.jpg/220px-Map_of_kingdom_of_Arles.jpg)