Justine Henin
Idintité | |
Veur no | Justine Henin Bertuzzo |
Nexhance | - 1î d' djun 1982 |
Nåcionalité | ![]() |
Espôrtive cårire | |
Anêyes | 1999-2008
2009-2011 |
Justine Henin, a skepyî li 1î d' djun 1982 a Lidje. C' est ene djouweuse di tenisse walone.
Si cårire
[candjî | candjî l’ côde wiki]Si cårire come djouweuse di mestî kimince e 1999. Dispoy 2001, elle arive sovint åzès finåles, dimey ou cwårt di finåle des tournoes eternåcionås.
Li 7 di djun 2003 ele wangna li cope di Roland Garros pa 6-0, 6-4 e finåle siconte di s' fivresse flaminde Kim Clijsters. Ça fwait k' ele divna li prumire Walone (et l' prumire Bedje eto) a wangnî on tournoe do Grand Chlem.
Li 7 di setimbe 2003 ele wangna si deujhinme tournoe do Grand Chlem, l' US Open, co ene feye siconte di Kim Clijsters e finåle, pa 7-5, 6-1. Elle ariva-st al finåle après k' elle åye yeu wangnî, seulmint 18 eures pus timpe, siconte di Jennifer Capriati, dins on xhiltant match 3 eures et 3 munutes long.
Li 19 d' octôbe 2003 Justine est metowe al prumire plaece daegnrece do clasmint WTA.
Li 31 di djanvî 2004, ele wangna si troejhinme tournoe di Grand Chlem, a l Open d' Ostraleye pa 6-3, 4-6 et 6-3, co ene feye siconte del Kim Clijsters.
Li 21 d' awousse 2004, ele wangna li medaye d' ôr åzès Djeus Olimpikes d' Atenes.
Ele fourit tot on tins al prumire plaece daegnrece do clasmint WTA.
Sol fén di 2004, ele n' a pus rén fwait, pask' ene a stî rascråwêye pal mononucleyôze, ene maladeye k' aflåwixh pår les malådes.
E 2005, ele rivneut did lon, mins ele va, pitchote a midjote, rigriper å tåvlea ATP, tot wangnant les tournoes di Charleston, Berlin, pu, pol deujhinme côp, Roland Garros. Elle î striya, el finåle, li Francesse Marie Pirce pa deus setchs setes 7-1, 7-1.
E 2006, elle a wangnî li cope di Roland Garros on troejhinme côp.
Djustene Henin a dmoré a Rotchfoirt, Wépion, pu a-st ebagué eviè Monaco po médyî ene hernie fiscale (sapinse a Tchåle Massaux).
![](http://178.128.105.246/cars-http-upload.wikimedia.org/wikipedia/commons/thumb/f/f7/Djustine.png/220px-Djustine.png)