Passêye do djoû des åmes

Li passêyes do djoû des åmes, c' est ene viye uzance del Walonreye la k' on vént, å djoû des åmes, vinde des sacwès di s' corti po payî des messes po les moirts ki n' ont pupont d' famile.

Li vindaedje si fwait a môde di håsse.

E 2006, gn aveut co ene passêye do djoû des åmes a Annvoye et a Soûmwè.

A Soûmwè, l’ uzance deure sins aresse dispu dipus d’ 100 ans.

A Annvoye, l' uzance a rprins lanawaire , après awè aresté sacwants anêyes.

Li cene di Soûmwè a sî filmêye diviè 2003 en ene emission Kè diss.

A Soûmwè, e 2013, gn a yeu 25 atchteus, k’ ont dit so 117 lots metous po vinde. Li passêye a rapoirté 675 €.

A Annvoye, elle rapoirta 200 € (todi e 2013).^[1] E 2023, gn aveut ene vintinne di djins. Li håsse a rapoirté 256 uros, dabôrd ki ça n' aveut nén passé les 200 e 2022.^[2]

• 
  les prumîs lots sont presses dins l' eglijhe
• 
  Prezintaedje avou l' istorike
• 
  håynaedje d' ene cabuzete
• 
  passaedje d' on peturon; l' atchteuse di dvant erva
• 
  paymint
• 
  faizan come lot

A Annvoye, c’ est l' djoû des åmes, come li vout l’ alaedje.

A Soûmwè, c’ est l’ dimegne ki shût l’ Tossint. L’ uzance deure dispu dipus d’ 100 ans.

Li passêye do djoû des moirt si fjheut dins l' cåbaret do viyaedje.

La k' gn a puch di cåbarets, on l' fwait sol tchapistrea (divant l' eglijhe). Oudonbén cråndimint a l' ouxh, çou ki n' est nén todi plaijhant cwand i ploût u k' i shofele fel.

1. ↑ André Lépine, commissaire-préjheu a Soûmwè, divins « Vers l’Avenir », fén octôbe 2014.
2. ↑ temonaedje da Uzeu:Lucyin k' î esteut.