Baselios Cleemis
Iya Beatitud Baselios Cleemis | |
---|---|
Arsobispo Mayor han Trivandrum | |
Tuminongnong nga ngaran | മോറന് മോര് ബസേലിയോസ് കര്ദിനാള് ക്ലിമ്മിസ് കാതോലിക്ക ബാവ |
Arkidiosesis | Trivandrum |
Sede | Trivandrum, India |
Ginbutang ha puwesto | 10 Pebrero 2007 |
Ginbutang ha sede | 5 Marso 2007 |
Nag-una | Cyril Baselios Malancharuvil |
Iba nga mga puwesto | Kardinal-Presbitero han San Gregorio VII |
Mga Orden | |
Gin-ordinar | 11 Hunyo 1986 |
Ginkonsagrar |
15 Agosto 2001 ni Cyril Baselios Malancharuvil |
Ginhimo nga kardinal |
24 Nobyembre 2012 ni Papa Benedicto XVI |
Ranggo | Kardinal-Presbitero |
Personal nga mga detalye | |
Ngaran ha pagkatawo | Isaac Thottunkal |
Natawo |
15 Hunyo 1959 Mukkoor, Thiruvalla Kerala, India |
Denominasyon | Singbahan Katoliko Siro-Malankara |
Mga kag-anak | Mathew ngan Annamma Thottunkal |
Puwesto han una |
|
Motto |
To Unite In Love (Paghiusa ha Gugma) |
Tigaman |
![]() |
Hi Moran Mor Baselios Cleemis Kardinal Thottunkal (Malayalam: മോറന് മോര് ബസേലിയോസ് കര്ദിനാള് ക്ലിമ്മിസ് കാതോലിക്ക ബാവ) nga natawo ha ngaran nga Isaac Thottunkal an yanâ nga Arsobispo Mayor ngan Catholicos han Singbahan Katolika Siro-Malankara. Ginpasaka hiya ngadto han Kolehiyo han mga Kardinal han Singbahan Katolika ni Papa Benedicto XVI ha Basílika ni San Pedro ha Vaticano dida han 24 Nobyembre 2012. Han panahon han pagpasaka ha iya hin pagka-kardinal, hiya an pinaka-bata nga api han Kolehiyo han mga Kardinal. Hiya an syahan nga kardinal tikang han Siro-Malankara nga rito. Han Enero 31, 2013, ginhimo hiya nga api han Kongregasyon para han mga Singbahan nga Sinirangan ngan han Pontifisyo nga Konseho para hin Diyalogo ha mga Relihiyon.
Sarusayo nga bahin han kinabuhi
[igliwat | Igliwat an wikitext]Natawo hi Moran Mor Baselios Cardinal Cleemis Catholicos han Hunyo 15, 1959 ha ngaran nga Isaac Thottunkal ha Mukkoor, usa nga gutiay nga baranggay harani ha Bungto han Mallappally Town ha Pathanamthitta nga distrito ha Estado han Kerala ha salatan nga dapit han India. An iya mga kag-anak amo hira Mathew ngan Annamma Thottunkal.
Pag-aram
[igliwat | Igliwat an wikitext]Nagtambong hiya han Minor Seminary Formation ha Tiruvalla tikang 1976 kutob 1979. Nakatapos hiya hin B.Phil. nga degree tikan ghan St. Joseph's Pontifical Institute, Mangalapuzha, Aluva nga diin hiya nagtambong tikang 1979 kutob 1982. Nakakuha hiya hin B.Th. nga degree tikang han Seminaryo Pontifisyo, Pune nga diin hiya nag-aram tikang han 1983 kutob 1986. Gin-ordenar nga padi hi Thottunkal han Hunyo 11, 1986. Nag-aram hiya para han Master of Theology ha Dharmaram College, Bangalore nga diin hiya nagtambong tikang han 1986 tubtob 1989. Kinmuha hi Thottunkal han iya Doctorate ha Ecumeniko nga Teolohiya tikang han Pontifisyo nga Unibersidad ni Santo Tomás Aquino (Angelicum), Roma han 1997.
Karera
[igliwat | Igliwat an wikitext]Ha pag-uli niya tikang ha Romam hiya an nagin Vikaryo Heneral (Proto Sinkelos) han Eparkiya han Bathery. Ginnominar ni Papa Juan Pablo II hi Thottunkal nga Visitador Apostoliko ngan Kabulig nga Obispo han Trivandrum dida han 18 Hunyo 2001 para han mga Siro-Malankara nga na-ukoy ha Amihanan nga Amerika ngan Europa. Ginkonsagrar hiya dida han 15 han Agosto ha 2001 ha Tirumoolapuram, Tiruvalla, ngan nagkuha han ngaran nga Isaac Mar Cleemis.
Ginbutang han Santa Sede hi Cleemis nga ika-unom nga Obispo han Eparkiya han Tiruvalla dida han Septyembre 11, 2003. Gin-instalar hi Cleemis nga syahan nga Metropolitano nga Arsobispo han Arkieparkiya han Tiruvalla han Hunyo 10, 2006.
Napili hi Mor Baselios Cleemis hin tanan ngan waray may nagtipa komo Arsobispo Mayor Catholicos han Singbahan Katolika Siro-Malankara dida han syahan nga Baraan nga Sinodo hin mga Obispo hin pinili-ay han Singbahan Katolika Siro-Malankara nga ginpatawag dida han 7-10 Pebrero 2007 ha Catholicate Centre, Pattom, Trivandrum. Gin-aprobahan ni Papa Benedicto XVI an pagpili dida han 9 Pebrero ngan ginpasamwak ini dida han 10 Pebrero ha Katedral ni Santa Maria, Pattom, Trivandrum. Kinmuha hiya han ngaran nga Baselios Cleemis; Gin-entronar hi Mor Baselios Cleemis nga Ikaduha nga Arsobispo-Mayor-Catholicos han Singbahan Katolika Siro-Malankara dida han 5 Marso 2007 ha Katedral ni Santa Maria, Pattom, Trivandrum. Hira Kardinal Telesphore Toppo, ngan Kardinal Mar Varkey Vithayathil inmapi dida han seremonya han pag-instalar.
Ginpasaka ni Papa Benedicto XVI hi Arsobispo Mayor Catholicos Mor Baselios Cleemis ngadto han Kolehiyo han mga Kardinal han Singbahan Katolika ha Basílika ni San Pedro ha Syudad han Vaticano han 24 Nobyembre 2012.[1] Komo Kardinal-Presbitero ginkada ha ha iya an titulado nga singbahan han San Gregorio VII. Hiya an syahan nga obispo han Siro-Malankara nga singbahan ngan ika-lima nga Keralahanon nga nagin Kardinal. Siring niya nga ini pagpakita han pagpasalamat han Papa han mga "paghiusa ha pagkaiba" han mga Indyahanon nga Katoliko, ngan ginpakita komo pagkamatuod an saksi, an pagdapig hin kinabuhi hin tawo, ngan an pananglitan hin tuptop nga pag-ampo nga ginhalad han Beata nga Nanay Teresa han Kolkata.[2]
Han Huwebes, 31 Enero 2013, ginhimo ni Papa Benedicto XVI hi Kardinal Arsobispo Mayor Catholicos Mor Baselios Cleemis nga Api han Kongregasyon para han mga Singbahan nga Sinirangan ngan han Pontifisyon nga Konseho para hin Diyalogo ha mga Relihiyon.
Inmapi hi Kardinal Cleemis komo kardinal nga elektor dida han konclave nga nagpili kan Papa Francisco.[3][4][5] Dida han konklave, hi Kardinal Cleemis usa han upat nga mga kardinal-elektor nga iba an panapton, nga naangay han ira mga tagsatagsa nga mga rito ha liturhiya. An iba amo hira Patriarka-Emerito Katoliko nga Copta Antonios Naguib, Patriarka Maronita Bechara Boutros al-Rahi, ngan Siro-Malabar nga Arsobispo Mayor George Alencherry.[6]
Mga kasarigan
[igliwat | Igliwat an wikitext]- ↑ "Annuncio di Concistoro per la Creazione di Sei Nuovi Cardinali" (ha Initalyano). Holy See Press Office. 2012-10-24. Ginhipos tikang han orihinal han 2013-02-23. Ginkuhà 2013-03-18.CS1 maint: unrecognized language (link)
- ↑ "Archived copy". Ginhipos tikang han orihinal han 2012-10-28. Ginkuhà 2013-03-18.CS1 maint: archived copy as title (link)
- ↑ "Cardinal electors – Conclave of March 2013 – Arranged in alphabetical order". Salvador Miranda. Ginhipos tikang han orihinal han 2016-03-03. Ginkuhà 18 Pebrero 2013.
- ↑ "Cardinal electors arranged by orders and precedence". Salvador Miranda. Ginhipos tikang han orihinal han 2016-03-03. Ginkuhà 18 Pebrero 2013.
- ↑ "Cardinal electors arranged by age". Salvador Miranda. Ginhipos tikang han orihinal han 2013-02-14. Ginkuhà 18 Pebrero 2013.
- ↑ Procession and entrance in Conclave ha YouTube
Mga sumpay ha gawas
[igliwat | Igliwat an wikitext]- The Hindu nga sumat mahiunong kan Kardinal Cleemis
- Singbahan Katoliko Siro-Malankara
- Singbahan Katoliko Siro-Malankara - alternatibo nga websyt nga ginhimo han mga Malankara Ginhipos 2008-02-25 han Wayback Machine
- Times of India, News
Mga titulo ha Singbahan Katolika | ||
---|---|---|
Gin-unahan ni Cyril Mar Baselios |
Arsobispo Mayor han Trivandrum 2007 – yanâ |
Yanâ nga nálíngkod |
Gin-unahan ni Eugênio de Araújo Sales |
Kardinal-Presbitero han San Gregorio VII 12 Nobyembre 2012-yanâ |
- CS1 maint: unrecognized language
- CS1 maint: archived copy as title
- Webarchive nga batakan nga wayback nga mga sumpay
- Mga Indyano nga Katoliko Romano nga arsobispo
- Mga Indyano nga obispo
- Mga Sinirangan nga Katoliko nga mga obispo
- Mga Katoliko Romano nga arsobispo ha ika-21 nga gatostuig
- Mga natawo han 1959
- Mga buhi nga tawo
- Kristianismo ha Indya
- Mga Santo Tomás nga mga Kristohanon
- Mga Siro-Malankara nga Katoliko
- Mga Indyano nga Sinirangan Katoliko
- Mga alumni han Unibersidad Pontifisyo han Santo Tomás han Aquino
- Mga Indyano nga kardinal
- Mga ginhimo nga kardinal ni Papa Benedicto XVI
- Mga api han Kongregasyon para han mga Singbahan Sinirangan