Tunga, Leyte
![Mapa han Leyte nga nagpapakita kon hain an Tunga](http://178.128.105.246/cars-http-upload.wikimedia.org/wikipedia/commons/7/7b/Ph_locator_leyte_tunga.png)
Sensus han Populasyon Tunga, Leyte | |||
---|---|---|---|
Sensus | Populasyon | +/- | |
1990 | 5,413 | ||
1995 | 6,530 | 3.8% | |
2000 | 6,111 | -1.41% | |
2007 | 6,221 | 0.25% | |
2010 | 6,516 | 0.64% | |
2015 | 7,584 | 2.12% |
An Tunga usa nga ika-unom nga klase nga bungto ha lalawigan han Leyte ha Sinirangan nga Kabisay-an nga rehiyon ha Pilipinas. Sumala han 2000 census, mayda ini populasyon nga 6,111 ka tawo ha 1,172 nga panimalay.
Kasaysayan
[igliwat | Igliwat an wikitext]Han Marso 4, 1948, gin-organisa an "Pag-urosa han mga Tunga-on", nga amo an katig-uban nga namuno han kampanya nga himuon an Tunga nga bungto. An mga napili nga mga liderato hini amo hira Domingo A. Ponferrada, komo Presidente; Martino Ariza, Syahan-nga-Bise-Presidente; Blas Uribe, an Ika-Duha-nga-Bise-Presidente; Vicente Catenza, nga Ika-Tulo-nga-Bise-Presidente; Primitivo Geraldo, Secretarya; Norberto Quintana, treasurer; hira Ramón Santillan, Sr (nga ha 2004 nagkaada hin 100 ka tuig an pangidaron) ngan Juan Avila, an mga auditors; Paulo Cotoner, Magno Buñales ngan Arsenio Carit, mga Sergeants-at-Arms.
Ini nga mga liderato nag-imbitar ngan ginsumatan hi Atilano R. Cinco, an Kongresista han ika-5 nga Distrito han Leyte, mahitungod han ungara han Tunga nga mahimo nga bungto. Hi Kongresista Cinco nagsaad pagpasa hin bill ha kongreso kon ngatanan nga nasuporta nga papeles andam na. Amo nga mayda ginhimo nga a committee nga mabiling hin consensus. Hi Martino Ariza napili nga chairman; ug an mga miyembro mga pipira nga istudyante han Tunga Institute.
Hi Presidente Elpidio Quirino nagpagawas han Executive Order No. 266, ha pitsa han Septyembre 24, 1949, nga naghimo han Tunga nga bungto, pero an mga ginpili nga mga opisyales lokales kinahanglan magkapot han ira mga puwesto mga pira ka adlaw katapos han mga pinili-ay.
Ha Nobyembre 15, 1949, hi Provincial Board Secretary Ricardo Collantes, komo representante ni Gobernador Catalino Landia han Leyte, nagproklama han Bungto han Tunga ha atubangan hin mga maglipayon nga Tunga-on ngan mga bisita.
Katawhan nga Kultura
[igliwat | Igliwat an wikitext]Binisaya nga Winaray an lumad nga yinaknan han Tunga. An kadam'an han katawhan mga Katoliko Romano. An santo patron han Tunga hi San Antonio de Padua ngan ginsasa-urog an fiesta han bungto ha Agosto 13
Mga Baranggay
[igliwat | Igliwat an wikitext]An Tunga mayda walo (8) nga baranggay.
|
|
Pangiskwelahan
[igliwat | Igliwat an wikitext]An Tunga in may uupat nga pampubliko na eskwelahan pan-elementarya:
Ngan may-ada ini uusa na pampubliko na eskwelahan pansekundarya - an Gregorio C. Catenza National High School (Tunga National High School).
Mga Opisyales han Tunga (yana)
[igliwat | Igliwat an wikitext]Mga napili nga opisyales han Tunga para han panuingon nga 2013-2016
Mayor o Alkalde han Tunga: AGDA, CATALINA (LP) LIBERAL PARTY
Vice-Mayor o Bise-Alkalde han Tunga: URIBE, JOSE CAPOPORO (TL) TINGOG LEYTENHON
Mga konsehal han Tunga:
- PAMAT, PORTIA (TL) TINGOG LEYTENHON 2596 9.19%
- COSTELO, BENJAMIN (TL) TINGOG LEYTENHON 2277 8.06%
- ERGINA, REX (TL) TINGOG LEYTENHON 2010 7.12%
- COSTELO, REINBERT (LP) LIBERAL PARTY 1996 7.07%
- FALLORINA, JUANITO JR. (LP) LIBERAL PARTY 1966 6.96%
- AVILA, MA. EVELYN (LP) LIBERAL PARTY 1905 6.75%
- ESQUIBEL, SANTI (TL) TINGOG LEYTENHON 1903 6.74%
- ONGBIT, SAMUEL (TL) TINGOG LEYTENHON 1844 6.53%
Mga Sumpay ha Gawas
[igliwat | Igliwat an wikitext]- Philippine Standard Geographic Code Ginhipos 2012-04-13 han Wayback Machine
- 2000 Philippine Census Information Ginhipos 2005-09-23 han Wayback Machine