הוראגאן סענדי
הוראַגאַן סענדי (ענגליש: Hurricane Sandy) איז געווען א טראפישער ציקלאן וואס האט אנגערירט טיילן פון די קאראאיבן, מיטל־אטלאנטישן אקעאן און צפון־מזרח פאראייניגטע שטאטן סוף אקטאבער 2012, און איז געווארן דער גרעסטער אטלאנטישער הוראגאן אין דיאמעטער, מיט ווינטן פארשפרייט 1,100 מייל (1,800 ק"מ).[1][2] דער שטורעם האט אנטוויקלט דעם 22סטן אקטאבער פון א טראפישער כוואליע אינעם מערב קאראאיבישן ים. ער איז אינ��יכן געווארן גרעסער און נאך זעקס שעה איז ער געווארן א טראפישער שטורעם. ביסלעכווייז האט סענדי גערירט צו צפון אין די גרעסערע אנטילן. דעם 24סטן אקטאבער איז סענדי אנגקעומען אין דזשאמייקע און איז דעמאלסט שוין געווען א הוראגאן. דערנאך איז סענדי אנגעקומען אין קובא וואו ער איז געווארן א קאטעגאריע 2 הוראגאן.
דעם 25סטן אקטאבער האט סענדי זיך אפגעשוואכט צו א קאטעגאריע 1 הוראגאן. דעם 26סטן אקטאבער האט דער וואשינגטאן די סי בירגערמייסטער ווינסענט גריי אויסגערופן אן עמערגענץ מצב פאר דער הויפטשטאט, און דעם זעלבן טאג האב די גובערנאטארן פון קאנעטיקוט, מאסאטשוסעטס, ניו יארק, פענסילוועניע און ווירדזשיניע אויך אויסגערופן אן עמערגענץ מצב. דעם 29סטן אקטאבער איז סענדי אנגעקומען קיין ניו דזשערסי און ניו יארק, וואו ס'זענען געווען גרויסע היזקים.
253 מענטשן זענען געהרגעט געווארן: פון זיי 131 אין די פאראייניגטע שטאטן און 104 אין האיטי.
רעפערענצן
[רעדאַקטירן | רעדאַקטירן קוואַלטעקסט]- ↑ Sandy Brings Hurricane-Force Gusts After New Jersey Landfall. Washington Post. דערגרייכט דעם 30סטן אקטאבער 2012.
- ↑ Sandy Becomes Largest Atlantic Storm on Path to Northeast. San Francisco Chronicle. דערגרייכט דעם 30סטן אקטאבער 2012.
- באריכט פון הוראגאן סענדי אין פלעטבוש, אויף JDN וועבזייטל (אויף העברעיש)