果子狸
閱讀設定
![]() | ||||||||||||||||
---|---|---|---|---|---|---|---|---|---|---|---|---|---|---|---|---|
![]() | ||||||||||||||||
物種分類 | ||||||||||||||||
| ||||||||||||||||
Paguma larvata (Hamilton-Smith, 1827) | ||||||||||||||||
Gulo larvara Hamilton-Smith, 1827 |
果子狸(又叫「白鼻心」)係亞洲區常見嘅靈貓,近年亦被證實佢係沙士既傳播媒介。
特徵
[編輯]外表上果子狸可以代表其他靈貓。毛色由黃褐色至灰色不等。但同其他靈貓唔同,佢背脊上無斑紋同條紋。只有黑色嘅腳。面上黑白兩間非常明顯:一條粗白色線由額頭去到鼻哥。白線兩旁有黑線。眼睛周圍有白色圈住。身長(連尾巴)由51 至63厘米不等。而體重介乎3.6至6 kg。
分佈地同習性
[編輯]果子狸鍾意住響森林,尤其係熱帶雨林同落葉林。分布於巴基斯坦,東南亞以至中國(包括台灣)都有。日本嘅果子狸並唔係原生品種,係早喺20世紀時喺肉食市場裏面逃走出嚟既。
雖然果子狸現時仍要面對生境破壞同人類捕獵嘅壓力,但由於分布範圍廣,暫時仍未列入瀕危動物之列。雖然係咁,好似香港呢啲地方,果子狸係受到香港法例保護,唔可以任意捕殺。
一生
[編輯]果子狸係夜間出沒既捕獵者,通常喺樹上行走,直到日間先響樹洞休息。當有危險時,果子狸會由腺體分泌臭味嚟趕走敵人,好似北美洲既臭鼬鼠咁。佢哋係雜食動物,但主要以生果為主,但有時會捉昆蟲,雀同松���等小動物嚟食。響香港同台灣,果子狸亦係唯一會經過「野獸通理」嘅森林動物。
雌性一年可以生兩隻果子狸仔,只需三個月左右就可以長大成狸。
同沙士既關係
[編輯]響中國部分地方,果子狸一直被視為「野味」出售。根據好多病毒專家分析,沙士係由果子狸病毒變種後再傳染人。依個論點係響2003年5月先向外公布。但亦有可能係其中一種傳染者,經過多重媒介後再傳染畀人。
參考資料
[編輯]- 維基百科英文版
- 《香港陸上哺乳動物圖鑑》
睇埋
[編輯]![](http://178.128.105.246/cars-http-upload.wikimedia.org/wikipedia/commons/thumb/4/4a/Commons-logo.svg/30px-Commons-logo.svg.png)
![]() |