白鯨
![](http://178.128.105.246/cars-http-upload.wikimedia.org/wikipedia/commons/thumb/5/5f/Disambig_gray.svg/25px-Disambig_gray.svg.png)
![]() | ||||||||||||||||
---|---|---|---|---|---|---|---|---|---|---|---|---|---|---|---|---|
![]() ![]() 同人嘅身型比例
| ||||||||||||||||
物種分類 | ||||||||||||||||
| ||||||||||||||||
Delphinapterus leucas (Pallas, 1776) | ||||||||||||||||
![]() 白鯨嘅分佈
|
白鯨(學名 Delphinapterus leucas,英文名 Beluga),早期捕鯨人將佢叫做「海中金絲雀(sea canary)」,係一種鯨魚,以多變化嘅叫聲同臉部表情豐富著名。白鯨廣泛分佈北極同亞北極地區,自古以嚟佢哋一直係北極地區人類社會嘅重要商品,為當地原住民提供食物、燃油、皮革等物資。佢哋嘅活力同適應力、特殊嘅外貌、易受吸引嘅天性、以及可接受訓練等因素,令佢成為海洋世界嘅明星之一。有幾群白鯨集中地已成為出名嘅賞鯨聖地,包括加拿大東部嘅聖勞倫斯河下游同哈德遜灣西部嘅邱吉爾河河口。白鯨嘅潛水能力相當強,對於北極嘅浮冰環境有良好嘅適應力。
基本資料
[編輯]白鯨一般出生時身長1.5 - 1.6米,重80 - 100公斤。白鯨公成體最大可長達4.2 - 4.9米,重達1,100 - 1600公斤,而白鯨乸成體最大可長達3.9 - 4.3米,重達700 - 1,200公斤。白鯨一般至少有25年命,有啲重可達50年以上。
外型特徵
[編輯]白鯨嘅身體中央橫斷面大致呈圓型,由兩端開始逐漸變細,當佢哋搵食嗰陣,身體會變得肥啲圓潤啲。白鯨嘅頭部同其他鯨目完全唔同,額隆(melon)極為鼓起而突出,曾經有學者形容為「充滿溫暖油脂的氣球」(a balloon filled with warm lard)。白鯨依個可以自由改變額隆嘅形狀,推測可能係藉著移動內部氣竇(sinus)嘅空氣嚟產生形狀上變化。因為佢哋嘅頸椎癒合程度比其他鯨目嚟得低,所以能以較大嘅幅度轉動頭部或點頭,所以佢亦都係鯨豚類當中唯一可以轉頭品種。嘴短而寬,唔似得海豚咁有突出嘅嘴喙(beak),嘴部可產生皺摺。腹部同側面都凹凸不平,內部充滿脂肪。無背鰭,但係背鰭位置有狹窄嘅背部隆起。胸鰭寬闊,白鯨公嘅胸鰭尖端上翹。尾鰭會隨年齡增長而變得華美,成年雄鯨喺後緣有明顯如凸面鏡般嘅凸起。上、下顎各有八至九似釘狀嘅牙齒,但年老個體有時會磨損至隱沒於牙根之下。 年輕白鯨渾身呈灰色,隨著年齡增長而逐漸轉淡,最終除了背脊同胸、尾鰭邊緣有暗色沉積外,全身皆為白色。成鯨嘅白色皮膚有時會喺夏天發情時帶有淡黃色色調,但喺蛻皮(molt)後即消失。
分佈
[編輯]一條喺加拿大哈德遜灣邱吉爾河河口嘅白鯨大致呈環北極區分佈,主要集中於北緯50度至80度之間。白鯨有高度嘅戀出生地性(philopatry),會有每年回到當初母鯨生產嘅地方習性,喺鯨乸身上尤其明顯。到咗秋天,白鯨因為浮冰層擴張嘅關係會遠離海灣同河口,冬天主要喺冰層邊緣或僅有少量浮冰嘅開闊海域形成大群體。佢哋無論係喺容易擱淺嘅河口,或者中深層海域嘅海溝皆可以自由自在咁游,估計可潛至800公尺深處。
習性
[編輯]白鯨具高度群居性,會形成個體間聯繫極為緊密嘅群體,通常由同一性別同年齡層嘅白鯨所組成,另外亦都有規模較細嘅母子對白鯨族群。喺無獵人或天敵威脅時,喺河口三角洲水域出現嘅白鯨可聚集達數千頭以上。白鯨可發出多種變化多端嘅聲音,包括旋轉顫音、嘎嘎叫、似鐘聲、尖銳嘅啪啪聲(可能由拍擊顎部所產生) 、同近似推動生銹門板嘅聲音。一位早期嘅鯨類學者Bill Schevill就曾經咁形容佢哋:「高音嘅共鳴哨聲同尖叫,多變嘅滴答聲同咯咯聲,令人聯想到一隊交響樂隊,有時又有如貓叫或小鳥嘅啁啾聲。」佢哋嘅聲音有時會令人誤以為遠方有一群小孩喺度叫。對野生白鯨而言,最大嘅天敵係殺人鯨同北極熊,當然包括埋人類。北極熊會好快咁跑到白鯨被困於冰層嘅地區,用強力嘅前掌給予重擊後再將佢哋拖上冰上食,所以白鯨嘅身體時時可見到有傷痕。白鯨係相當好奇嘅動物,時時會浮窺(spyhopping)同鯨尾擊浪(lobtailing),但似乎從來無躍身擊浪(breaching)。充滿霧氣嘅噴氣(blow)低矮而唔明顯。
生殖
[編輯]繁殖期會隨所處地區而有唔同。普遍嚟講,受孕多發生喺冬末或夏季,阿拉斯加(Alaska)族群為二月底至四月初;東加拿大同西格陵蘭島(Greenland)族群為五月。根據可信嘅統計資料顯示,懷孕期可能不足一年至14.5個月咁耐。白鯨嘅哺育期長達兩年,之後仍會留喺亞媽身邊相當長嘅時間。生殖間隔平均約為三年。
食啲乜
[編輯]白鯨嘅食性係隨著地區同季節性獵物嘅數量而有唔同。檢測各地區族群嘅胃內容物發現,白鯨會食用各種生物,包括魚(鮭魚、鱈魚、鯡魚等)、頭足類(魷魚、章魚等)、甲殼類(蝦、蟹)、海蟲、甚至大型浮游生物在內。佢哋幾乎都喺海床度揾食,深度至少達300公尺以上。白鯨具有摺皺嘅嘴脣喺搵食時可產生吸力,也能對海洋世界嘅觀眾噴水。
現狀
[編輯]國際保育聯盟估計,現時全球大約有15萬條白鯨,但部分地區例如阿拉斯加、加拿大白鯨數量面臨絕種威脅。中國嘅水族館對白鯨嘅需求亦愈來愈大。根據國際鯨豚保育協會資料所得,全球29群白鯨當中只有4群嘅數量屬穩定,俄羅斯現時每年容許捕捉逾千條白鯨,當中唔少地區仍未對白鯨數量同生存狀況展開調查。
香港海洋公園曾經喺發展藍圖裏面提及引入白鯨,但好快被多個綠色團體反對。
相
[編輯]-
一群白鯨
-
白鯨游水
-
Belugas near Anchorage
-
Captive beluga spyhopping
-
Beluga mother and calf swimming
-
維珍利亞水族館嘅白鯨
-
1998年白鯨郵票
參考
[編輯]- Pieter A. Folken, Randall R. Reeves, etc. / illustrated by Pieter A. Folkens, 《Guide to MARINE MAMMALS of the World》,Alfred A. Knopf, 2002: p318-321. ISBN 0-375-41141-0
- Mark Carwardine / illustrated by Martin CammDorling, 《WHALES, DOLPHINS AND PORPOISES》, Dorling Kindersley, 1995: p92-95. ISBN 0-7513-2781-6
- 馬克‧卡沃達著;馬丁‧卡姆繪圖;陳順發翻譯,《鯨與海豚圖鑑》,貓頭鷹出版社,1997 [民86]: 92-95頁。ISBN 957-9684-16-2
- 明報(2005年7月7號)有關「反對飼養鯨豚類」嘅報導
![]() |
- ↑ Cetacean Specialist Group (1996). Delphinapterus leucas. 2006 IUCN Red List of Threatened Species. IUCN 2006. Retrieved on 2007-12-21.