Unuetaĝa Usono
Одноэтажная Америка | |
---|---|
literatura verko | |
Aŭtoroj | |
Aŭtoro | Ilja Arnoldoviĉ Ilf, Eŭgeno Petroviĉ Petrov, Ilf kaj Petrov |
Lingvoj | |
Lingvo | rusa lingvo |
Eldonado | |
Eldondato | 1937 |
Ĝenro | vojaĝa literaturo |
![](http://178.128.105.246/content-http-upload.wikimedia.org/wikipedia/commons/thumb/a/a5/Ilf_Petrov.jpg/220px-Ilf_Petrov.jpg)
![](http://178.128.105.246/content-http-upload.wikimedia.org/wikipedia/commons/thumb/2/24/Ilf-Here-is-America.png/220px-Ilf-Here-is-America.png)
Unuetaĝa Usono (ruse Одноэтажная Америка) estas verko fare de Ilja Ilf kaj Eŭgeno Petrov eldonita en 1937 en Sovetunio. Preskaŭ samtempe aperis en Usono la anglalingva eldono, Little Golden America, tradukita de Charles Malamuth.
Intrigo
[redakti | redakti fonton]Kvarope ambaŭ kunaŭtoroj kaj geedzoj Adams el Novjorko en nova limuzino Ford traveturis Usonon de Atlantiko ĝis Pacifiko kaj reen dum du monatoj, fine de 1935 ĝis komence de 1936.
Kvankam la vojaĝo en Usonon okazis delonge, nuntempa leganto ĝuos pro enhavo de la libro, ĉar en ĝi la kunaŭtoroj:
- profunde kaj detale malkovras kutiman vivon de tiamaj usonanoj
- konatigas kun pluraj usonaj eminentuloj (Ernest Hemingway, Henry Ford, John Morgan, Charlie Chaplin, Mark Twain, Thomas Edison, Albert Williams, John Reed, Francis Townsend, Lincoln Steffens, Igor Sikorski k.a.)
- vidigas multajn urbojn kaj urbetojn de Usono (Novjorko, Ĉikago, Kansaso, Oklahomo, Las-Vegaso, San-Francisko, Losanĝeleso, Holivudo, San-Diego, El-Paso, San-Antonio, Nov-Orleano kaj ĉefurbo de Usono – Vaŝingtono)
- venigas en la indianan vigvamon kaj la meksikian vilaĝon
- reklamas iujn naciajn sportojn de Usono – rodeo, spektakla luktado, usona piedpilko
- levas en tre altan supraĵon de la unua nubskrapulo Empire State Building kaj mallevas profunde subteren, en kavernojn de Karlsbado, Nov-Meksiko.
- detale priskribas usonan unikan inventaĵon la elektra seĝo kaj inventadon de unuaj elektra lampo kaj fonografo de Edison
- prezentas belegajn pejzaĝojn de Usono, situantajn en prerioj, montoj, naciaj parkoj kaj eĉ en dezertoj
- venigas en la Blanka Domon, kie okazas konversacio inter prezidento Rusvelt (Roosevelt) kaj raportistoj
- detale rakontas pri filmado en Hollywood
Somere de 2006 du famaj rusiaj ĵurnalistoj – akademiano Vladimir Pozner kaj juna Ivan Urgant kune kun usona verkisto Brian Kahn okazigis sian vojaĝon tra Usono laŭ spuroj de Ilf kaj Petrov. Februare de 2008 oni montris premieron de la filmo en rusia TV, kiu prezentis kutiman vivon de la nuna Usono kaj kelkajn ŝanĝojn okazintajn dum lastaj sepdek jaroj.
La libroj far Ilf & Petrov, unuvice Dek du seĝoj, La ora bovido kaj Unuetaĝa Usono ĝis nun allogas intereson de rusiaj kaj alilandaj legantoj.
Multe propagandis la verkojn de siaj “du patroj” filino de Ilf – Aleksandra Ilf (1935-2013), kiu sukcese laboris kiel redaktorino en la eldonejo kaj tradukis en la anglan.
En Esperanto
[redakti | redakti fonton]Omaĝe al la centjara jubileo de Eŭgeno Petrov, okazinta en 2003, oni tradukis la libron "Unuetaĝa Usono" en Esperanton el la rusa kaj enmetis tri tekstojn (ruse, angle, esperante) en Interreton. Ĝi estas malpli konata en la mondo, ol "Dek du seĝoj" kaj "La ora bovido", kvankam preskaŭ samtempe kun apero de la ruslingva originalo en 1937, aperis la anglalingva traduko far Charles Malamuth sub titolo "Little Golden America".
Bildaro
[redakti | redakti fonton]-
Thomas Edison
-
Charlie Chaplin
-
Henry Ford
-
Franklin Delano Roosevelt
-
Mark Twain
-
John Reed
-
Lincoln Steffens
-
Igor Sikorski
-
Ernest Hemingway
-
Francis Townsend
Referencoj
[redakti | redakti fonton]Eksteraj ligiloj
[redakti | redakti fonton]- Tekstoj kun bildoj (ruse, angle, esperante)
- Deksesparta filmo pri vojaĝo de Pozner, Urgant kaj Khan tra Usono kun aldono de la malnova kroniko
- http://ilfipetrov.ru/ffa.htm Arkivigite je 2018-10-25 per la retarkivo Wayback Machine – de adorantoj de verkaĵoj de Ilf kaj Petrov kun multaj tekstoj kaj fotoj (ruse)