Bambi
Bambi | |
---|---|
![]() | |
Regisseur | Toesighoudende regisseur: David Hand Sekwensdirekteure: James Algar Samuel Armstrong Graham Heid Bill Roberts Paul Satterfield Norman Wright |
Produksieleier | Walt Disney |
Draaiboek | Verhaalleiding: Perce Pearce Verhaalaanwending: Larry Morey Verhaalontwikkeling: Vernon Stallings Melvin Shaw Carl Fallberg Chuck Couch Ralph Wright |
Musiek deur | Frank Churchill Edward H. Plumb |
Kinematografie | Walt Disney Productions |
Verspreider | RKO Radio Pictures |
Uitgereik | 9 Augustus 1942 (Wêreldpremière-Londen) 13 Augustus 1942 (Premiere-New York Stad) 21 Augustus 1942 (VSA)[1] |
Speeltyd | 70 minute |
Land | ![]() |
Taal | Engels |
Begroting | $858 000[2] |
Bruto wins | $267,4 miljoen[3] |
IMDb-profiel |
Bambi is 'n animasiefliek deur Walt Disney wat in 1942 vervaardig is. Die hoofkarakter is 'n fraai, saggeaarde witsterthertjie met dieselfde naam. Die fliek word veral onthou omdat dit so hartseer is.[4] Dit was Disney se vyfde tekenprent.
![](http://178.128.105.246/content-http-upload.wikimedia.org/wikipedia/commons/thumb/9/9b/Bambi_1942_trailer-_00_min_29_s.png/220px-Bambi_1942_trailer-_00_min_29_s.png)
Die film is op 13 Augustus 1942 uitgereik, maar voorbereidings is al so vroeg as 1937 getref. Dit is gebaseer op die boek Bambi, ein Leben im Walde (1923) van die Oostenryks-Hongaarse outeur Felix Salten. 'n Opvolg op die film, Bambi II, is in 2006 vrygestel.
Die hoofkarakters is Bambi, sy ouers (die Groot Prins en sy ma), asook sy vriende Thumper ('n haas), Flower ('n muishond) en Faline, met wie hy later trou. Hoewel Bambi 'n witsterthert in die film is, is hy 'n reebok in die boek.
Bambi word by geboorte tot "Prins van die Bos" uitgeroep. Soos hy ouer word, raak hy met die ander diere in die bos bevriend, maar sy geluk draai toe sy ma deur jagters doodgeskiet is. Bambi leer om te oorleef en word later verlief. Op 'n dag kom daar weer jagters en Bambi word gedwing om so moedig soos sy pa, die Groot Prins, op te tree en die ander herte na veiligheid te lei.
Verwysings
[wysig | wysig bron]- ↑ "The Little Foxes: Detail View" (in Engels). American Film Institute. Geargiveer vanaf die oorspronklike op 15 April 2019. Besoek op 22 Augustus 2016.
- ↑ (en) Barrier, J. Michael (2003). "Disney, 1938–1941". Hollywood Cartoons: American Animation in Its Golden Age. Oxford University Press. pp. 269–274, 280. ISBN 0-19-516729-5.
- ↑ "Bambi" (in Engels). Box Office Mojo. Geargiveer vanaf die oorspronklike op 15 Augustus 2019. Besoek op 22 Augustus 2016.
- ↑ HAT Taal-en-feitegids, Pearson, Desember 2013, ISBN 978-1-77578-243-8
Eksterne skakels
[wysig | wysig bron]Wikimedia Commons het meer media in die kategorie Bambi.
- Bambi op IMDb
- Bambi by AllMovie
- Bambi by Rotten Tomatoes