Chioggia
![]() |
Hierdie artikel bevat nie ’n bronnelys nie, wat beteken dat die inhoud nie geverifieer kan word nie. Enige bevraagtekende inligting mag dus ook mettertyd verwyder word. Help Wikipedia deur betroubare bronne tot die artikel by te voeg. |
Città di Chioggia Cióxa | |
---|---|
Stad | |
![]() Lugaansig van Chioggia | |
Koördinate: 45°13′11″N 12°16′44″O / 45.21972°N 12.27889°O | |
Land | ![]() |
Streek | ![]() |
Metropolitane Stad | Metropolitane Stad Venesië |
Stigting | Antieke tydperk (fossa Clodia) |
Regering | |
• Burgemeester | Alessandro Ferro (M5S) |
Oppervlak | |
• Totaal | 187,91 km2 (72,55 vk. myl) |
Hoogte | 2 m (7 ft) |
Bevolking | |
• Totaal | 49 331 |
• Digtheid | 262,52/km2 (679,9/vk. myl) |
Tydsone | UTC+1 (MET) |
• Somertyd | UTC+2 (MEST) |
Poskode | 30015 |
Skakelkodes | 041 |
Webwerf | chioggia.org |
Chioggia (Italiaanse uitspraak: [ˈkjɔddʒa]; Venesiaans: Cióxa [ˈtʃɔ.za]; Latyn: Clodia) is 'n klein hawestad en comune (munisipaliteit) in die Noordoos-Italiaanse administratiewe streek Veneto. Met 'n bevolking van naastenby 50 000 is Chioggia die tweede grootste nedersetting in die Venesiaanse strandmeer na Venesië. Chioggia maak deel uit van die Metropolitane Stad Venesië.
![](http://178.128.105.246/content-http-upload.wikimedia.org/wikipedia/commons/thumb/4/47/Canal_Vena_in_Chioggia.jpg/220px-Canal_Vena_in_Chioggia.jpg)
Chioggia is in die uiterste suidelike deel van die Venesiaanse strandmeer geleë waar dit - net soos Venesië - op eilandjies gebou is. So word na Chioggia dikwels as "Klein-Venesië" verwys. Vissery, toerisme (veral in die stadsdeel Sottomarina), landbou (met die plaaslike radicchio of sigorei as belangrikste produk) en skeepswerwe vorm die stad se ekonomiese basis. Die Universiteit van Padua se fakulteit Mariene biologie het sy setel in Chioggia.
Chioggia het sy naam verleen aan die vierde Genuees-Venesiaanse see-oorlog wat tussen 1378 en 1381 deur die twee mededingende Mediterreense seerepublieke hoofsaaklik in die omgewing van die stad gevoer is en met 'n Venesiaanse oorwinning geëindig het. Gedurende die oorlogshandelinge is Chioggia volledig vernietig sodat geen geboue uit die tydperk voor die laat 14de eeu bewaar gebly het nie.