Dale-kollege
![](http://178.128.105.246/content-http-upload.wikimedia.org/wikipedia/af/thumb/f/f2/Sir_Langham_Dale.jpg/180px-Sir_Langham_Dale.jpg)
Dale-kollege is 'n sekondêre staatskool vir seuns op King William's Town in die Oos-Kaap, Suid-Afrika.
Dis skool is in 1861 gestig en etlike jare later genoem na sir Langham Dale (1826–1898), superintendent-generaal van onderwys in die Kaapkolonie en vroeër (van die ouderdom van 22) hoogleraar aan die Suid-Afrikaanse Kollege in Kaapstad. Die skool se hoeksteen is op 6 September 1877 gelê deur sir Bartle Frere, goewerneur van die Kaapkolonie. Onder ou bedeling is net wit leerders tot Dale-kollege toegelaat. Die skool is vroeg in die 1990's oopgestel vir alle rasse, maar nadat die dorp se wit bevolking drasties afgeneem het (van 2 881 in 2001 se sensus tot 1 892 in 2011 s'n)[1][2] het Dale binne sowat 20 jaar amper uitsluitlik swart leerders gehad.[3]
Dale se susterskool, die Hoër Meisieskool Kingsridge, gestig in 1875, het tot Oktober 2004 as die Hoër Meisieskool Kaffrarië (Eng.: Kaffrarian High School for Girls) bekendgestaan.[4] Dié naam is verander omdat "Kaffrarië" (wat "land van die Kaffers" of "Kafferland" beteken) as kwestend beskou word.[5]
Dale se 98 matrikulante het in 2012 'n 88,8%-slaagsyfer behaal, 2013 se 93 'n 93,5%-slaagsyfer en 2014 se 114 'n 91,2%-slaagsyfer.[6] Die skool was in 2015 onder die top 20 rugbyskole in die land op FNB se ranglys.[7] Middel 2015 was Dale die Suid-Afrikaanse skool wat die 14de meeste Springbokke opgelewer het sedert 1906, naamlik sewe.[8]
Bronne
[wysig | wysig bron]- (en) Schirmer, Peter. Die Beknopte Geïllustreerde Ensiklopedie van Suid-Afrika. Johannesburg: Central News Agency (Pty) Ltd.
- (en) Die skool se webtuiste. URL besoek op 11 Mei 2016.
Verwysings
[wysig | wysig bron]- ↑ (en) Die 2001-sensussyfers weergegee deur Adrian Frith. URL besoek op 11 Mei 2016.
- ↑ (en) Die 2011-sensussyfers weergegee deur Adrian Frith. URL besoek op 11 Mei 2016.
- ↑ (en) Potential Springboks at Dale College need help to reach full potential. URL besoek op 11 Mei 2016.
- ↑ (en) Die geskiedenis van die Hoër Meisieskool Kingsridge op sy webtuiste Geargiveer 8 Oktober 2016 op Wayback Machine. URL besoek op 11 Mei 2016.
- ↑ (en) Encyclopædia Britannica Geargiveer 18 April 2020 op Wayback Machine. URL besoek op 11 Mei 2016.
- ↑ (en) National Senior Certificate Examination 2014 School Performance Report Geargiveer 27 Desember 2015 op Wayback Machine. URL besoek op 11 Mei 2016.
- ↑ (en) Top 20 schools rankings (26 May). URL besoek op 11 Mei 2016.
- ↑ (en) Springboks by School. URL besoek op 11 Mei 2016.