Galway Sportgronde
Galway Sportgronde | ||
![]() | ||
Ligging | Galway, Ierland | |
---|---|---|
Koördinate | 53°16′44.4″N 9°2′22.92″W / 53.279000°N 9.0397000°W | |
Eienaar | Die Galway Landbou- & Sportgenootskap Bpk. | |
Kapasiteit | 8 100 | |
Oppervlak | Gras (veld), baan (sand) | |
Konstruksie | ||
Geopen | 1927 | |
Huurders | ||
Ierse Windhondraad, Connacht Rugby |
Galway Sportgronde, ook bekend as Die Sportgronde en Galway Windhondstadion, is ’n veeldoelige stadion in Galway, Ierland. Die stadion is in 1927 geopen met ’n sokkerwedstryd maar is intussen hoofsaaklik vir rugbywedstryde en windhondwedrenne aangewend.
Die stadion is tans die tuisveld van Connacht vir alle oefeninge en wedstryde. Windhondwedrenne vir Vrydae en Saterdae plaas.[1]
Die stadion word op ’n langtermynbasis aan die Ierse Windhondraad (Bord na gCon) verhuur, wat die stadion vir windhondwedrenne gebruik. Dit word ook aan Connacht Rugby verhuur, wat die stadion gebruik vir wedstryde in die Pro14- en Europese toernooie.
Rugby
[wysig | wysig bron]Tot 2011 was daar slegs plek vir 5 500 toeskouers by die Sportgronde. Die stadion is in 2011 en weer in 2016 vernuwe en uitgebrei onder aanporing van die sukses van Connacht Rugby.
- Hoofpaviljoen – het korporatiewe fasiliteite vir lede met ’n onderdakterras daaronder
- Die Clan-terras – ’n onderdakterras aan die klubhuiskant van die veld
- Onderdakpaviljoen – ’n onderdaksitpaviljoen aan die hoofpaviljoenkant met plek vir 300 mense
- Onbedekte Terras – aan die Bohermore- en Collegewegkante van die veld
Met tydelike sitplek is daar plek vir 8 100 toeskouers. Die Sportgronde se rekordbywoning was op 19 November 2011 toe ’n skare van 9 120 ’n wedstryd tussen Connacht en Toulouse, wat Connacht se eerste tuiswedstryd in die Heinekenbeker was, gekyk het.
Renovasies sedert 2011
[wysig | wysig bron]Connacht Rugby het in die 2011-’12-seisoen vir die eerste maal aan Europese Rugby se bloubandkompetisie, die Europese Rugbykampioenebeker (voor die 2014-’15-seisoen as die Heinekenbeker bekend), deelgeneem. Dit het ’n nuwe ontwikkelingsfase by die Sportgrond aangespoor sodat die formele kapasiteit na 7 500 toeskouers uitgebrei is.[2] Die bestaande klubhuis-terras is gesloop om plek te maak vir die nuwe onderdak “Clan-terras”. Hierdie terras word hoofsaaklik deur seisoenkaartjiehouers gebruik. Aanvullende werk is ook agter die terras gedoen met die bou van ’n nuwe kroeg (Die Clan-kroeg), eetplekke en toiletfasiliteite aan die klubhuiskant van die veld. ’n Tydelike onderdaksitpaviljoen, die Westelike Paviljoen, is vir die seisoen langs die hoofpaviljoen opgerig.[2] Hierdie rits verbeteringe het gekom na aanleiding van ’n reeks van ontwikkelinge, soos ’n nuwe speeloppervlak, ’n nuwe klubhuis en spreiligte, wat deur die Ierse Rugbyvoetbalunie befonds is. Voorts is in 2008 reeds ’n gimnasium gebou.
In 2011 is beplanningsgoedkeuring toegestaan om die Clan-terras te herontwikkel deur ’n vlak met sitplekke bo die terras aan die klubhuiskant van die veld te bou. Dit is egter nog nie gedoen nie.[3]
In die somer van 2016 is werk aan ’n bykomende onderdaksitpaviljoen met plek vir 300 mense voltooi. Die paviljoen, langs die hoofpaviljoen, het die stadion se kapasiteit na 8 100 vermeerder.[4]
Fasiliteite
[wysig | wysig bron]Die fasiliteite sluit ’n hoofpaviljoenrestaurant, kitskosfasiliteite en ’n aantal kroeë in.
Windhondwedrenne
[wysig | wysig bron]Windhondwedrenne vind elke Vrydag- en Saterdagaand plaas.[5] Afstande is 350, 525, 550 en 575 jaart.[6] Die hoofwedren by die baan is die Teefkampioenewedren.[7]
Geskiedenis
[wysig | wysig bron]Die Galway Windhondmaatskappy is in 1932 gestig maar die eerste windhondwedren is eers na drie jaar by Lough Atalia gehou. Die openingsaand was in 1935.
Teen 1978 was dit nodig om die stadion oor te doen en die bestuur het besluit dat verbeteringe slegs kon plaasvind indien die renbaan gesluit sou word. Daar is gevolglik in 1978 ’n nuwe paviljoen met tralies en totofasiliteit gebou en die baan self is heraangelê met verhoogde krommings. Die groot heropening was op 25 Mey 1979 en die koste van die modernisering het meer as £500 000 beloop. In 2003 is die baan weer intensief opgeknap tydens ’n projek wat die Windhondraad €6 miljoen gekos het.
Ander Sport
[wysig | wysig bron]Die stadion was per geleentheid gasheer vir Gaeliese spele-wedstryde met die eindstryd van die 1932 Geheel Ierland Senior Camogie-kampioenskap en die 1942 Galway Streekshurlingeindstryd.
Toe Terryland Park in 1993 vir renovasie gesluit was, het Galway United die stadion as hul tuisveld vir sokkerwedstryde gebruik. Dit was ook die tuisveld vir Galway se eerste wedstryd in die 1985-’86 Europese Bekerwennersbeker.
Verwysings
[wysig | wysig bron]![]() |
Wikimedia Commons bevat media in verband met Galway Sportgronde. |
- ↑ "Galway Windhondstadion". Ierse Windhondraad (in Engels). Geargiveer vanaf die oorspronklike op 9 Oktober 2019.
- ↑ 2,0 2,1 "Kunstenaarsindruk van die Sportgronde se Herontwikkeling". Connacht Rugby. Connacht Catch-Up (in Engels). 13 Julie 2011. Geargiveer vanaf die oorspronklike op 27 Maart 2012.
- ↑ (en) "2de Fase Connacht Stadionontwikkeling". 3D Graphic House. Geargiveer vanaf die oorspronklike op 29 Julie 2013.
- ↑ "'n Nuwe sitpaviljoen is in plek by die Sportgrond vir Connacht se komende seisoen". The42 (in Engels). 31 Augustus 2016. Geargiveer vanaf die oorspronklike op 9 Oktober 2019. Besoek op 7 September 2016.
- ↑ "Galway Windhondstadion". Ierse Windhondraad (in Engels). Geargiveer vanaf die oorspronklike op 9 Oktober 2019.
- ↑ "Galway". Greyhound Data (in Engels). Geargiveer vanaf die oorspronklike op 24 Julie 2019. Besoek op 3 Augustus 2017.
- ↑ "Feature Events" (PDF). Irish Greyhound Board (in Engels). Geargiveer (PDF) vanaf die oorspronklike op 20 November 2017.