Idris Elba
Idris Elba | |
![]() | |
Elba in Oktober 2014.
| |
Geboortenaam | Idrissa Akuna Elba |
---|---|
Geboorte | 6 September 1972 Londen, Engeland |
Nasionaliteit | Brits |
Beroep(e) | Akteur, musikant, DJ |
Aktiewe jare | 1994–tans |
Webwerf | www.driis.com |
Toekennings | Offisier van die Orde van die Britse Ryk |
Internet-rolprentdatabasis-profiel |
Idrissa Akuna "Idris" Elba, OBE, is ’n Britse akteur, musikant en DJ.[1][2] Hy is veral bekend vir sy rolle as die dwelmbaas en sakeman Russell "Stringer" Bell in die reeks The Wire,[3] speurder John Luther in die reeks Luther en Nelson Mandela in die 2013-biografieprent Mandela: Long Walk to Freedom.
Hy is al vyf keer vir ’n Golden Globe benoem vir beste akteur in ’n minireeks of TV-prent, en het een keer gewen. Hy is ook al vier keer vir ’n Emmy benoem.[4][5]
Elba was in rolprente soos American Gangster (2007), Takers (2010), Thor (2011), Prometheus (2012) en Beasts of No Nation (2015).[6][7] Benewens akteur is hy ook ’n platejoggie (DJ) onder die naam Big Driis en ’n hip-hop-soulmusikant.[8]
Vroeë lewe
[wysig | wysig bron]Elba is in Newham, Londen, gebore.[9] Sy pa, Winston, was van Sierra Leone en het by die Ford-motormaatskappy gewerk. Sy ma, Eve, was van Ghana en ’n klerk.[10] Sy ouers is in Sierra Leone getroud en het daarna na Londen verhuis.[11] Elba het in East Ham grootgeword[12] en sy naam op skool verkort van Idrissa na Idris. Hy het daar begin toneelspeel. In 1986 het hy sy oom gehelp in sy werk as platejoggie vir troues, en binne ’n jaar het hy sy eie DJ-maatskappy saam met vriende gestig.[13]
Sy eerste rolle was in Crimewatch-moordrekonstruksies.[14] Op 19 het hy in nagklubs gewerk onder die naam DJ Big Driis, maar in sy vroeë 20's het hy oudisies begin aflê vir TV-rolle.[13]
Toneelloopbaan
[wysig | wysig bron]Televisie
[wysig | wysig bron]Elba het in 1995 sy eerste groot rol gekry in die reeks Bramwell, ’n mediese drama wat in die Engeland van die 1890's afspeel. In een episode het hy die hoofrol gespeel. Sy eerste rol waarvoor hy erkenning gekry het, het in 1995 gevolg: ’n byspelerrol as ’n gigolo in die episode "Sex" van Absolutely Fabulous. Baie byspelerrolle op Britse TV het gevolg. Hy het by die sepie Family Affairs aangesluit,[13] en in die TV-reeks Ultraviolet en later in Dangerfield verskyn.[15] Hy het kort daarna na New York-stad in die VSA verhuis en het nou en dan na Brittanje teruggekeer vir ’n rol.
In 2002 het Elba ’n hoofrol in die drama The Wire gekry. Van dié jaar tot in 2004 was hy Russell "Stringer" Bell in die reeks – moontlik sy bekendste rol in Amerika. In 2005 was hy in die rolprent Sometimes in April, oor die volksmoord in Rwanda. Hy het in 2007 in die spesiale program Black Men: The Truth verskyn.[16]
In September 2009 het Elba ’n ooreenkoms geteken om in die BBC-televisiereeks Luther te speel; dit het in Mei 2010 begin wys.[5] Op die 69ste Golden Globe-toekenningsaand in Januarie 2012 het Elba die prys gewen vir beste akteur in ’n reeks, minireeks of TV-rolprent vir sy toneelspel in dié reeks.[5]
Rolprente
[wysig | wysig bron]![](http://178.128.105.246/content-http-upload.wikimedia.org/wikipedia/commons/thumb/3/34/RockNRolla08TIFF.jpg/220px-RockNRolla08TIFF.jpg)
In 2007 het Elba die hoofrol gekry in die rolprent Tyler Perry's Daddy's Little Girls. Hy was ook in 28 Weeks Later en This Christmas (albei 2007), waarvan laasgenoemde geldelik uitstekend gevaar het.[17][18] In 2008 het hy in die rilprent Prom Night en in RocknRolla gespeel.[17] In 2009 was hy in nog twee rilprente, The Unborn en Obsessed.[19]
Hierna het Legacy, The Losers en Takers in 2010 gevolg. In 2011 was hy Heimdall in Kenneth Branagh se prent Thor (gebaseer op die Marvel Comics-superheld met dieselfde naam).[20]
In Februarie 2012 het Elba bevestig dat hy Nelson Mandela sou uitbeeld in die prent Mandela: Long Walk to Freedom, wat gebaseer is op Mandela se boek, Long Walk to Freedom.[21] As deel van sy voorbereiding vir sy rol het hy ’n nag alleen in ’n sel op Robbeneiland deurgebring.[22] Vir sy spel is hy benoem vir ’n Golden Globe vir beste akteur in ’n dramaprent.
In 2015 was Elba weer Heimdall, dié keer in die prent Avengers: Age of Ultron. Vir sy rol in Beasts of No Nation is hy in dieselfde jaar benoem vir ’n Golden Globe en Bafta vir beste manlike byspeler. Sy volgende projekte is die stemwerk vir die tier Shere Khan in The Jungle Book, waaraan ook Bill Murray, Scarlett Johansson, Ben Kingsley, Christopher Walken en Lupita Nyong'o sal werk, en ’n opvolg van Finding Nemo.
Musiekloopbaan
[wysig | wysig bron]![](http://178.128.105.246/content-http-upload.wikimedia.org/wikipedia/commons/thumb/7/7e/Idris_Elba_DJ.jpg/180px-Idris_Elba_DJ.jpg)
Elba het in musiekvideo's verskyn van Fat Joe (2002),[23] Angie Stone (2004)[24] en die rapper Giggs (2010).[25] In 2006 het hy die EP Big Man met vier liedjies uitgereik. Hy was medevervaardiger van Jay-Z se 2007-album American Gangster en het in die inleiding opgetree.[26] Hy het ook al op belangrike geleenthede as DJ opgetree.[27][28]
Hy het in 2009 die uitreiking van sy eerste enkelspeler, "Please Be True", aangekondig[29] en in die uitgawe van Augustus 2009 van die tydskrif Essence het hy aangekondig die naam van sy daaropvolgende EP met ses liedjies is Kings Among Kings.[30] Hy het sy EP High Class Problems Vol. 1 in Februarie 2010 in Brittanje uitgereik en baie pryse daarvoor ingepalm.[31]
Sedertdien het hy verskeie video's vervaardig, soos vir Mumford and Sons (2012)[32] en K. Michelle (2014).[33] Hy het ook opgetree in Mr Hudson se enkelspeler "Step Into the Shadows". Mr Hudson het weer sy album Idris Elba Presents mi Mandela vervaardig; dit is in November 2014 uitgereik.[34][35]
In November 2015 het Elba in Berlyn, Duitsland, die voorvertoning gedoen vir Madonna se Rebel Heart-toer.
Persoonlike lewe
[wysig | wysig bron]Elba en sy eksvrou, Kim, het ’n dogter, Isan, wat in 2002 gebore is.[12] In 2014 het sy vriendin, Naiyana Garth, die lewe geskenk aan hul seun, Winston.[36]
Pryse
[wysig | wysig bron]Elba is in Mei 2007 aangewys as een van die tydskrif People se 100 aantreklikste mense in die wêreld.[37] In 2013 is hy gekies as die tydskrif Essence se sexyste man van die jaar.[38] Op People se lys van aantreklikste mans in die wêreld vir 2013 was hy nommer twee.[39]
In Oktober 2014 het hy ’n Mobo-inspirasieprys gewen[40] en in 2015 is hy aangewys as een van die tydskrif GQ se 50 bes geklede Britse mans.[41]
Elba is in 2016 aangewys as Offisier van die Orde van die Britse Ryk (OBE) vir sy bydrae tot drama.[42]
Filmografie
[wysig | wysig bron]Rolprente
[wysig | wysig bron]Jaar | Titel | Rol | Notas |
---|---|---|---|
1999 | Belle maman | Grégoire | |
2000 | Sorted | Jam | |
2001 | Buffalo Soldiers | Kimborough | |
2003 | One Love | Aaron | |
2005 | The Gospel | Charles Frank | |
2005 | Sometimes in April | Augustin | |
2007 | Daddy's Little Girls | Monty James | |
2007 | The Reaping | Ben | |
2007 | 28 Weeks Later | Generaal Stone | |
2007 | American Gangster | Tango | |
2007 | This Christmas | Quentin Whitfield | |
2008 | Prom Night | Speuder Winn | |
2008 | RocknRolla | Mumbles | |
2008 | The Human Contract | Larry | |
2009 | The Unborn | Arthur Wyndham | |
2009 | Obsessed | Derek Charles | |
2010 | Takers | Gordon Cozier | |
2010 | Legacy | Malcolm Gray | Uitvoerende vervaardiger |
2010 | The Losers | Roque | |
2011 | Thor | Heimdall | |
2012 | Ghost Rider: Spirit of Vengeance | Moreau | |
2012 | Prometheus | Kaptein Janek | |
2013 | Pacific Rim | Stacker Pentecost | |
2013 | Thor: The Dark World | Heimdall | |
2013 | Mandela: Long Walk to Freedom | Nelson Mandela | |
2014 | No Good Deed | Colin Evans | Uitvoerende vervaardiger |
2015 | The Gunman | DuPont | |
2015 | Second Coming | Mark | |
2015 | Avengers: Age of Ultron | Heimdall | |
2015 | Beasts of No Nation | Kommandant | |
2016 | The Jungle Book | Shere Khan (stem) | Besig met verfilming |
2016 | Bastille Day | TBA | Naproduksie |
2016 | Finding Dory | TBA (stem) | Besig met verfilming |
2016 | Star Trek Beyond | Krall | Besig met verfilming |
2016 | Zootopia | Chief Bogo (stem) | Besig met verfilming |
Televisie
[wysig | wysig bron]Jaar | Titel | Rol | Notas |
---|---|---|---|
1994 | 2point4 Children | Valskerminstrukteur | Episode: "Fortuosity" |
1994 | Space Precinct | Pizza-afleweringsman | Episode: "Double Duty" |
1995 | Absolutely Fabulous | Hilton | Episode: "Sex" |
1996 | Crocodile Shoes II | Jo-Jo | Episode: "Troubled Man" |
1997 | Family Affairs | Tim Webster | |
1997 | Silent Witness | Charlie | Episode: "Blood, Sweat & Tears" |
1998 | Ultraviolet | Vaughan Rice | 6 episodes |
1999 | Dangerfield | Matt Gregory | 12 episodes |
2000 | In Defence | Paul Fraser | 1 episode |
2001 | Law & Order | Lonnie Liston | Episode: "3 Dawg Night" |
2002 | The Inspector Lynley Mysteries | Robert Gabriel | Episode: "Payment in Blood" |
2003 | CSI: Miami | Angelo Sedaris | Episode: "The Best Defense" |
2002–2004 | The Wire | Russell "Stringer" Bell | 37 episodes |
2005 | Girlfriends | Paul | Episode: "All in a Panic" |
2005 | Sometimes in April | Augustin Muganza | |
2008 | The No. 1 Ladies' Detective Agency | Charles Gotso | Episode: "The No. 1 Ladies' Detective Agency" |
2009 | The Office | Charles Miner | 7 episodes |
2010 | The Big C | Lenny | 4 episodes |
2010 | Walk Like a Panther | Uitvoerende vervaardiger | |
2011 | Aqua Teen Hunger Force | Polisie-offisier | Stem Episode: "Intervention" |
2010–2015 | Luther | John Luther | Vervaardiger 16 episodes |
2011 | How Hip Hop Changed the World | Uitvoerende vervaardiger | |
2011 | Demons Never Die | Uitvoerende vervaardiger | |
2012 | Idris Elba's How Clubbing Changed the World | Homself | Gasheer |
2013 | Idris Elba: King of Speed | Homself | Gasheer |
2015 | Idris Elba: No Limits | Homself | Gasheer |
Pryse en benoemings
[wysig | wysig bron]- Gewen
- 2010
- The Losers
- BET-prys vir beste akteur
- The Losers
- 2011
- Takers en Luther
- BET-prys vir beste akteur
- Luther
- NAACP Image Award vir uitmuntende akteur in ’n TV-fliek, minireeks of dramaprogram
- Golden Globe vir beste akteur in ’n minireeks of TV-prent
- Takers en Luther
- 2012
- Luther
- Black Reel Award vir beste akteur: TV-fliek/kabel
- Luther
- 2014
- Luther
- NAACP Image Award vir uitmuntende akteur in ’n TV-fliek, minireeks of dramaprogram
- Luther
- 2015
- Beasts of No Nation
- Washington D.C. Area Film Critics Association Award vir beste manlike byspeler
- Beasts of No Nation
- Benoem, uitslag uitstaande
- 2015
- Beasts of No Nation
- Bafta vir beste manlike byspeler
- Independent Spirit Award vir beste manlike byspeler
- Screen Actors Guild Award vir uitmuntende spel deur ’n manlike byspeler
- Screen Actors Guild Award vir uitmuntende spel deur ’n groep in ’n rolprent
- Luther
- Critics' Choice Television Award vir beste akteur in ’n rolprent/minireeks
- Screen Actors Guild Award vir uitmuntende spel deur ’n akteur in ’n minireeks of TV-prent
- Beasts of No Nation
Verwysings
[wysig | wysig bron]- ↑ "Why black British directors and actors leave the UK for Hollywood". The Guardian (in Engels). 29 Augustus 2013. Geargiveer vanaf die oorspronklike op 24 Augustus 2019. Besoek op 14 Oktober 2013.
- ↑ Lisa Respers France, "Idris Elba 'too street' to play James Bond, writer says", CNN, 2 September 2015.
- ↑ "The Wire Cast and Crew: Idris Elba, Russell "Stringer" Bell" (in Engels). HBO.com. Geargiveer vanaf die oorspronklike op 19 September 2018. Besoek op 11 April 2009.
- ↑ Lowry, Brian (10 Julie 2014). "Emmy Nominations 2014 — Full List: 66th Primetime Emmys Nominees". Variety. Besoek op 28 Januarie 2015.
- ↑ 5,0 5,1 5,2 "Wire actor Elba joins BBC drama" (in Engels). BBC News. 4 September 2009. Geargiveer vanaf die oorspronklike op 10 Mei 2019. Besoek op 7 September 2009.
- ↑ French, Philip (13 Julie 2013). "Pacific Rim – review". The Observer (in Engels). London. Geargiveer vanaf die oorspronklike op 18 Julie 2013. Besoek op 17 Julie 2013.
- ↑ Hornaday, Ann (11 Julie 2013). "'Pacific Rim' review: A rock 'em, sock 'em sci-fi spectacle with heart". The Washington Post. Besoek op 17 Julie 2013.
- ↑ Canada, Danielle (13 September 2011). "Idris Elba (Driis) Releases New Music Video "Secret Garden"" (in Engels). hiphopwired.com. Geargiveer vanaf die oorspronklike op 26 Mei 2016.
- ↑ "Idrissa Akuna Elba" by Family Search.
- ↑ Fitzherbert, Henry (24 Mei 2012). "Idris Elba: Obama loves him and now he's playing Mandela". Daily Express (in Engels). Geargiveer vanaf die oorspronklike op 5 Mei 2015. Besoek op 28 Januarie 2015.
- ↑ Sawyer, Miranda (24 Januarie 2010). "Idris Elba: life after 'Stringer' Bell". The Observer (in Engels). Geargiveer vanaf die oorspronklike op 9 Junie 2019. Besoek op 28 Januarie 2015.
- ↑ 12,0 12,1 Jeffries, Stuart (9 Mei 2009). "The Midas Touch". The Guardian (in Engels). Londen. Geargiveer vanaf die oorspronklike op 23 Junie 2012. Besoek op 29 Julie 2009.
- ↑ 13,0 13,1 13,2 Addley, Esther (20 Maart 2008). "He often has fewer lines than anyone else but you still feel as though he has the bigger part, because he is luminous". The Guardian (in Engels). Geargiveer vanaf die oorspronklike op 6 Oktober 2019. Besoek op 23 Augustus 2013.
- ↑ Wilde, Jon (24 April 2010). "'I've been called the black George Clooney - they don't call Daniel Craig the blond will Smith': Idris Elba speaks out". Mail Online (in Engels). Geargiveer vanaf die oorspronklike op 27 April 2016. Besoek op 4 Desember 2015.
- ↑ "Idris Elba - Biography" (in Engels). Yahoo! Movies. Geargiveer vanaf die oorspronklike op 13 Maart 2016. Besoek op 17 Julie 2013.
- ↑ "Idris Elba". askmen.com (in Engels). Geargiveer vanaf die oorspronklike op 3 Mei 2016. Besoek op 17 Julie 2013.
- ↑ 17,0 17,1 "Idris Elba and Columbus Short Interview, This Christmas". Moviesonline.ca. Geargiveer vanaf die oorspronklike op 14 Januarie 2015. Besoek op 11 April 2009.
- ↑ "This Christmas" (in Engels). Thenumbers.com. Geargiveer vanaf die oorspronklike op 28 Desember 2013. Besoek op 11 April 2009.
- ↑ "Idris Elba And Beyonce To Play Married Couple In 'Obsessed'". Blackvoices.com. Besoek op 11 April 2009.
- ↑ "Idris Elba joins Marvel Studios' 'Thor'". The Hollywood Reporter (in Engels). 20 November 2009. Geargiveer vanaf die oorspronklike op 10 Maart 2010. Besoek op 20 November 2009.
- ↑ Jefferson, Lucette (22 Februarie 2012). "Confirmed! Idris Elba set to play Nelson Mandela in Biopic". Huffington Post. Besoek op 23 Februarie 2012.
- ↑ "Idris Elba Describes Chilling Night In Nelson Mandela's Prison (VIDEO)". Huffington Post. 7 Desember 2013. Besoek op 28 Januarie 2015.
- ↑ Fat Joe – All I Need op YouTube
- ↑ Angie Stone – I Wanna Thank Ya op YouTube
- ↑ Giggs – Hustle on official video op YouTube
- ↑ "He often has fewer lines than anyone else but you still feel as though he has the bigger part, because he is luminous". Movietome.com. Besoek op 11 April 2009.
- ↑ McMurtrie, John (11 Februarie 2007). "Ties to 'Wire' cut – but new work calls". San Francisco Chronicle. Besoek op 11 April 2009.
- ↑ "Keri Hilson, The Dream and Idris Elba party with BET". S2Smagazine.com. 29 Julie 2009. Geargiveer vanaf die oorspronklike op 2 Januarie 2013. Besoek op 29 Julie 2009.
- ↑ Morris, Davina (5 Julie 2009). "Man of many talents – Actor Idris Elba returns to his first love, music, with the release of his new single". Jamaica Gleaner (in Engels). Geargiveer vanaf die oorspronklike op 17 Oktober 2013. Besoek op 29 Julie 2009.
- ↑ Amber, Jeannine (13 Julie 2009). "ESSENCE August Issue: Sexy Talk With Idris Elba". Essence (in Engels). Geargiveer vanaf die oorspronklike op 8 Maart 2011. Besoek op 14 Augustus 2009.
- ↑ "High Class Problems - Available Today!!!" (in Engels). driis. 8 Februarie 2010. Geargiveer vanaf die oorspronklike op 2 April 2016. Besoek op 28 Desember 2011.
- ↑ MTVGeargiveer 16 Januarie 2014 op Wayback Machine
- ↑ "K. Michelle To Star In Idris Elba Directed Musical" (in Engels). The Urban Daily. 3 Februarie 2014. Geargiveer vanaf die oorspronklike op 4 Maart 2016. Besoek op 28 Januarie 2015.
- ↑ "Idris Elba Presents Mi Mandela"
- ↑ Andy Gill, "Idris Elba Presents mi Mandela, album review: A marvellous alliance of ancient and modern styles", The Independent, 21 November 2014.
- ↑ Webber, Stephanie (18 April 2014). "Idris Elba Welcomes Baby Boy Winston With Naiyana Garth: First Picture". Us Weekly (in Engels). Geargiveer vanaf die oorspronklike op 2 April 2019. Besoek op 28 Januarie 2015.
- ↑ "People Magazine's 'Most Beautiful People' issue" (PDF). CBS News. Besoek op 11 April 2009.
- ↑ Penn, Charli (2013). "ESSENCE's 2013 Sexiest Man of the Year: 50 Reasons to Love Idris Elba". Essence.com (in Engels). Geargiveer vanaf die oorspronklike op 4 Oktober 2015. Besoek op 28 Januarie 2015.
- ↑ "Sexiest Man Alive 2013: Adam Levine, David Beckham, Brad Pitt, Idris Elba". People.com (in Engels). 2013. Geargiveer vanaf die oorspronklike op 19 September 2018. Besoek op 28 Januarie 2015.
- ↑ "Mobo Awards 2014: Idris Elba receives inspiration award". The Daily Telegraph (in Engels). 23 September 2014. Geargiveer vanaf die oorspronklike op 2 April 2019. Besoek op 22 Februarie 2015.
- ↑ Robert Johnston (5 Januarie 2015). "50 Best Dressed Men in Britain 2015". GQ (in Engels). Geargiveer vanaf die oorspronklike op 15 Januarie 2016.
- ↑ Mendick, Robert; Swinford, Steven (31 Desember 2015). "New Year's Honours: Idris Elba, Barbara Windsor, Damon Albarn and Ronnie O'Sullivan named in 2016 lis". The Daily Telegraph (in Engels). Geargiveer vanaf die oorspronklike op 20 Oktober 2019. Besoek op 31 Desember 2015.
Eksterne skakels
[wysig | wysig bron]- Idris Elba in die Internet-rolprentdatabasis
Wikimedia Commons het meer media in die kategorie Idris Elba.
Hierdie artikel is vertaal uit die Engelse Wikipedia