Kruietee
![](http://178.128.105.246/content-http-upload.wikimedia.org/wikipedia/commons/thumb/5/56/Hibiscus_Delight_tisane.jpg/180px-Hibiscus_Delight_tisane.jpg)
![](http://178.128.105.246/content-http-upload.wikimedia.org/wikipedia/commons/thumb/6/62/Karkady_-_Dried_Hibiscus_in_Aswan_souk.jpg/180px-Karkady_-_Dried_Hibiscus_in_Aswan_souk.jpg)
![](http://178.128.105.246/content-http-upload.wikimedia.org/wikipedia/commons/thumb/0/03/Zingiber_Ginger_Coconut_Rooibos_-_Teavana_tisane.jpg/180px-Zingiber_Ginger_Coconut_Rooibos_-_Teavana_tisane.jpg)
Kruietee is ’n drankie wat gemaak word deur kruie, speserye of ander plantmateriaal in warm water te laat trek en bevat gewoonlik nie kafeïen nie.[1] Dit word onderskei van ware tee (swart-, groen-, wit-, geel-, woeloengtee ens.) wat berei word van die teeplant, Camellia sinensis, sowel as van kafeïenvrye tee, waarvan die kafeïen verwyder is.
Soos gewone tee kan kruietee warm of koud voorgesit word. Kruietee word van die begin van die geskiedenis af genuttig, soos in Antieke Egipte en China.
Gesondheidsrisiko
[wysig | wysig bron]Omdat kruietee van enige plant gemaak kan word, ook plante wat as giftig beskou word, moet seker gemaak word van die bestanddele voordat dit gedrink word. Die meeste kruietees wat in winkels verkoop word, is veilig, maar medisinale tees kan kruie bevat wat onveilig is. Die spesifieke plante kan ook verskillende uitwerkings op verskillende mense hê.
Van die tees waaroor kommer bestaan, is van:
- Smeerwortel, wat alkaloïede bevat wat lewerskade kan veroorsaak met langdurige gebruik;
- Lobelia, wat gifstowwe soortgelyk aan nikotien bevat.
Gewildheid
[wysig | wysig bron]In Egipte is kruietees soos hibiskustee (karkade) baie gewild. Hulle word in teewinkels (ahwas) voorgesit. In China is hulle gewild vir hul medisinale waarde. In Sri Lanka het kruietee ’n lang geskiedenis in die plaaslike tradisie van inheemse medisyne en word dit gebruik vir ’n verskeidenheid kwale. "Paspanguwa" is ’n bekende kuur vir verkoue en koors.
Kruietee kan gemaak word van vars of droë blomme, blare, saad of wortels – gewoonlik deur kookwater oor die plantdele te gooi en dit ’n paar minute te laat trek. Die tee word dan deur ’n sif gegooi, versoet indien verkies en voorgesit.
Van die soorte kruietee wat algemeen beskikbaar is, is van rooibos (’n gewilde Suid-Afrikaanse tee), anys, dagga, kattekruid, kaneel, sitrus, dille, vlierbessies, vinkel, ginseng, hibiskus, heuningbos, krismisrose (die meeste spesies van dié plant is effens giftig), suurlemoene, lemmetjiebloeisels, ment, roosbottels, roosmaryn, tiemie ens.
Verwysings
[wysig | wysig bron]- ↑ "Herbal tea at Dictionary.com" (in Engels). Dictionary.reference.com. Geargiveer vanaf die oorspronklike op 18 Mei 2015. Besoek op 4 Mei 2014.
Eksterne skakels
[wysig | wysig bron]Wikimedia Commons het meer media in die kategorie Kruietee.
Hierdie artikel is vertaal uit die Engelse Wikipedia