Locomotion No 1
![](http://178.128.105.246/content-http-upload.wikimedia.org/wikipedia/commons/thumb/2/2f/Locomotion_No._1..jpg/300px-Locomotion_No._1..jpg)
Locomotion No. 1 (aanvanklik Active genoem) is 'n eertydse Britse stoomlokomotief wat vir die Stockton and Darlington Railway gebou is. Die stoomlokomotief is in 1825 deur George en Robert Stephenson se maatskappy, Robert Stephenson and Company vervaardig. Dit is op 27 September tydens die opening van Stockton & Darlington Railway gebruik, en was derhalwe die eerste stoomlokomotief wat 'n passasierstrein op 'n spoor getrek het.
Op 1 Julie 1828 het die lokomotief se ketel by Aycliffe Lane-stasie ontplof, waartydens die bestuurder gesterf het.[1] Soos die tegnologie gevorder het, het die ontwerp gou verouderd geraak. Locomotion No. 1 is herbou en was tot 1841 in diens, waarna dit deur 'n lokomotief met 'n stilstaande enjin vervang is.
Die lokomotief word tans in Darlington se Railway Centre and Museum uitgestal. Die Beamish Museum het 'n werkende replika van die lokomotief.[2]
Fotogalery
[wysig | wysig bron]-
Die no. 1 lokomotief, genaamd 'Locomotion', vir die Stockton & Darlington Railway.
-
Locomotion No. 1 word in Darlington tentoongestel, vanuit 'n vakansie-sketsboek, 1892.
-
Replika van die lokomotief.
Verwysings
[wysig | wysig bron]- ↑ Hewison, Christian H. (1983). Locomotive Boiler Explosions. Newton Abbot: David & Charles. p. 26. ISBN 0 7153 8305 1.
- ↑ Satow, F.; Satow, M.G.; Wilson, L.S. (1976). Locomotion — concept to creation: the story of the reproduction 1973-1975. Beamish: Locomotion Trust.
Eksterne skakels
[wysig | wysig bron]- Darlington Railway Centre & Museum
Wikimedia Commons het meer media in die kategorie Locomotion No 1.
- 'n Werkende replika van die lokomotief in aksie op YouTube