Mercury Sewe
![](http://178.128.105.246/content-http-upload.wikimedia.org/wikipedia/commons/thumb/5/5a/Project_Mercury_Astronauts_-_GPN-2000-000651.jpg/240px-Project_Mercury_Astronauts_-_GPN-2000-000651.jpg)
Die Mercury Sewe was 'n groep van sewe ruimtemanne wat aan die Mercury-program deelgeneem het en op 9 April 1959 deur Nasa aangekondig is. Daar word ook na hulle verwys as die Oorspronklike Sewe of Ruimtevaardergroep 1. Hulle het al die bemande Mercury-vlugte gevlieg van Mei 1961 tot Mei 1963. Die sewe ruimtemanne is Scott Carpenter, Gordon Cooper, John Glenn, Gus Grissom, Wally Schirra, Alan Shepard en Deke Slayton.
Lede van die groep het op alle klasse van bemande Nasa-ruimtetuie van die 20ste eeu gevlieg: Mercury, Gemini, Apollo en die pendeltuie. Gus Grissom het in 1967 in Apollo 1 in 'n vuur gesterf. Die ander het almal geleef tot nadat hulle uit diens getree het. John Glenn het 'n senator geword en het 36 jaar later in die ruimtependeltuig Discovery gevlieg om die oudste persoon te word om in die ruimte te vlieg. Hy was die langslewende persoon van die groep en het in 2016 gesterf.