Phyllis Latour
Phyllis Latour | |
---|---|
Gebore | |
Nasionaliteit | ![]() |
Beroep | Agent vir die Special Operations Executive |
Ouer(s) | Phillipe Latour en Louise Latour |
Phyllis "Pippa" Latour MBE (gebore op 8 April 1921) is 'n Suid-Afrikaans-gebore voormalige agent van die Verenigde Koninkryk se klandestiene Special Operations Executive (SOE) wat tydens die Tweede Wêreldoorlog in Frankryk aktief was.
Vroeë lewe
[wysig | wysig bron]Latour se vader Philippe was 'n Franse dokter wat getroud was met Louise, 'n Britse burger wat in Suid-Afrika woonagtig was, waar Phyllis in April 1921 gebore is. Haar pa is drie maande later in Frans-Ekwatoriaal-Afrika oorlede. Haar moeder het drie jaar later weer in die huwelik getree. Haar stiefpa was 'n renjaer en sou ook sy nuwe vrou aanmoedig om met sy motors te jaag. Tydens een so 'n wedren het haar ma se motor onklaar geraak en sterf sy toe die motor teen 'n versperring vasry. Latour het daarna by haar vader se neef in Frans-Ekwatoriaal-Afrika gaan woon. Sy het later teruggekeer na Suid-Afrika.[1]
WAAF en Special Operations Executive
[wysig | wysig bron]Sy het van Suid-Afrika na Engeland verhuis en in November 1941 by die Women's Auxiliary Air Force (WAAF) diens begin doen (diensnommer 718483) as 'n vliegtuigwerktuigkundige vir lugraamwerke. Vanweë haar begaafdheid in Frans is sy egter onmiddellik deur SOE gevra om 'n agent te word en het sy gevolglik uitdagende geestelike en liggaamlike opleiding ondergaan. Die doel van SOE was om spioenasie, sabotasie en verkenning te doen in lande wat deur die Spilmoondhede beset is, veral Nazi-Duitsland. SOE-agente het met versetgroepe saamgewerk en wapens en toerusting wat uit Engeland per valskerm bekom is voorsien. Sy wou wraak neem vir die skietdood van die vader van haar peetma deur die Duitsers en vir die selfmoord van haar peetma nadat sy in die tronk gegooi is en het daarom by die SOE aangesluit. Sy het amptelik op 1 November 1943 aangesluit en is aangestel as 'n ere-afdeling offisier.
Sy het op 1 Mei 1944 met 'n valskerm in Orne, Normandië geland om as deel van die "Wetenskap-kring" te funksioneer, en gebruikgemaak van die kodenaam "Genevieve" terwyl sy as radio-operateur saam met die organiseerder Claude de Baissac en sy suster Lise, sy koerier en assistent, gewerk het.[2]
Latour was skraal gebou, en omdat sy Frans magtig was, het sy haar voorgedoen as 'n tienermeisie wie se gesin na die streek verhuis het om van die geallieerde bombardement te ontsnap. Sy het fietgesry in die omgewing, seep verkoop en met Duitse soldate gesels. Nadat sy militêre intelligensie bekom het, het sy dit gekodeer met behulp van eenmalige kodes wat op 'n stuk sy versteek was wat sy gebruik het om haar hare mee vas te bind. Sy het die berigte met Morse-kodetoerusting versend. Op 'n stadium is sy deur die Duitsers ondervra, maar die Duitse owerheid het nie haar haarstrik ondersoek nie en sy is gevolglik vrygelaat.[1]
Na die Tweede Wêreldoorlog
[wysig | wysig bron]Na die Tweede Wêreldoorlog trou Latour met 'n ingenieur met die van Doyle, en gaan woon in Kenia (Oos-Afrika),[3] Fidji en Australië. Sy woon nou in Auckland, Nieu-Seeland.[4] Sy word nege-en-negentig jaar oud in April 2020 was op daardie tydstip die laaste lewende vroulike SOE-agent van die veertig wat tydens die Tweede Wêreldoorlog in Frankryk gewerk het.
Sy het haar oorlogstydse aktiwiteite nie met haar gesin bespreek nie voordat haar kinders daarvan in 2000 op die internet gelees het.[1]
Latour het in April 2021 100 jaar oud geword.[5]
Medaljes en Toekennings
[wysig | wysig bron]Latour is op 29 November 2014 tydens die 70ste herdenking van die slag van Normandië deur die Franse regering vereer met die Erelegioen.[6]
![]() |
Orde van die Britse Ryk (MBE)[1] |
![]() |
1939–1945 Ster |
![]() |
Franse en Duitse Ster |
![]() |
Verdedigingsmedalje (Verenigde Koninkryk) |
![]() |
Oorlogsmedalje 1939–1945 |
![]() |
Croix de guerre 1939–1945 (Frankryk)[1] |
![]() |
Erelegioen (Frankryk)[1] |
Verwysings
[wysig | wysig bron]- ↑ 1,0 1,1 1,2 1,3 1,4 1,5 Field, Michael (25 November 2014). "Pippa's astonishing story recognised". Stuff. Besoek op 15 Junie 2017.
- ↑ Squadron Leader Beryl E. Escott, Mission Improbable: A salute to the RAF women of SOE in wartime France, Londen, Patrick Stevens Limited, 1991, bl. 191. ISBN 9780752487298
- ↑ Liane Jones, A Quiet Courage: Women Agents in the French Resistance, London, Transworld Publishers Ltd, 1990. ISBN 0-593-01663-7
- ↑ Field, Michael (23 November 2014). "World War II top spy living in Auckland". Stuff. Besoek op 28 November 2014.
- ↑ The Last Surviving Woman to have Served as a World War II British Spy Turns 100
- ↑ "WWII heroine Pippa Doyle receives France's highest honour – WAR HISTORY ONLINE". WAR HISTORY ONLINE. Geargiveer vanaf die oorspronklike op 30 Maart 2015. Besoek op 8 Desember 2014.
Eksterne skakels
[wysig | wysig bron]- A South African Girl in the Special Operations Executive (artikel deur Ross Dix-Peek)