Pretoria Boys High School
![]() |
Hierdie artikel bevat nie ’n bronnelys nie, wat beteken dat die inhoud nie geverifieer kan word nie. Enige bevraagtekende inligting mag dus ook mettertyd verwyder word. Help Wikipedia deur betroubare bronne tot die artikel by te voeg. |
Pretoria Boys High School | |
Leuse | Virtute et Labore (Latyn: "Deur Moed en Arbeid") |
---|---|
Gestig | 1901 |
Tipe | Openbare skool |
Hoof | Antony Reeler |
Stigter | Lord Milner |
Personeel | +/- 100 voltydse personeel |
Leerlinge | +/- 1500 leerders |
Stad | Pretoria |
Provinsie | Gauteng |
Land | Suid-Afrika |
Kleure | Rooi, wit en groen |
Webblad | http://www.boyshigh.com/ |
![](http://178.128.105.246/content-http-upload.wikimedia.org/wikipedia/commons/thumb/8/86/PBHS-facade.jpg/220px-PBHS-facade.jpg)
Pretoria Boys High School, ook bekend as Boys High of PBHS, is 'n openbare Engels-medium skool vir seuns in Brooklyn, Pretoria in die Gautengprovinsie van Suid-Afrika.
Die skool se kenmerkende rooi baksteengeboue is as 'n nasionale monument verklaar. Die geboue is in die neoklassieke styl gebou en dateer uit 1909. Die hoofgebou van die skool, geleë op Waterkloofkop, sit in die verte reg teenoor die Uniegebou op Meintjieskop.
Die skool het tans sowat 1500 leerders, insluitende 300 koshuisgangers. Daar is drie koshuise op die skoolterrein: Rissik House en Salomo House is in 1909 saam met die oorspronklike skoolkompleks voltooi, terwyl School House eers 'n paar jaar later gebou is.
Sportgeriewe sluit in rugby-, krieket- en hokkievelde, 'n gimnasium, twee swembaddens (een vir waterpolo), Olimpiese standaard atletiekgronde, verskeie tennis- en muurbalbane, 'n paar basketbalbane, 'n AstroTurf-baan, en 'n muur vir rotsklim. Die skoolterrein sluit ook 'n tweede kampus (Pollock kampus) in met 'n aangeplante dennebos, 'n skietbaan wat nou vir boogskiet gebruik word, 'n amfiteater en 'n kunsmatige meer (Loch Armstrong). Die gronde vorm 'n beskermde voëlreservaat en is die tuiste van verskeie voëlspesies.
Die skool het 'n goed gevestigde musikale tradisie en beskik oor 'n formele simfonie-orkes, jazz-ensemble, Dixie-orkes, koor, pyporkes en folkgroep.