Riokan
Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
![](http://178.128.105.246/content-http-upload.wikimedia.org/wikipedia/commons/thumb/0/05/Arima_Onsen_Gosho-bessho02s5s4272.jpg/250px-Arima_Onsen_Gosho-bessho02s5s4272.jpg)
![](http://178.128.105.246/content-http-upload.wikimedia.org/wikipedia/commons/thumb/2/27/Tamatsukuri_onsen_yado02s3648.jpg/250px-Tamatsukuri_onsen_yado02s3648.jpg)
![](http://178.128.105.246/content-http-upload.wikimedia.org/wikipedia/commons/thumb/0/03/Ryokan-hakone-en-4.jpg/250px-Ryokan-hakone-en-4.jpg)
'n Riokan (旅館) is 'n Japannese vorm van familiehotel of blyplek. Die tradisionele Japannese riokans dateer uit die Edo-tydperk (1603-1868). Hulle bied aan reisigers 'n kamer met tatami-matte, 'n gemeenskaplike bad en andere openbare vertrekke, waar besoekers kan ontspannen in hul joekata, 'n soort badjas wat aan die kimono verwant is.
Die kamers se matte mag nie met skoeisel betree word nie. Skoene word buite die hotel uitgetrek en in spesiale kassies gebere. Daar staan pantoffels vir die gaste gereed, maar in die kamers moet dit ook uitgetrek word.
In so 'n kamer is daar 'n lae tafeltje en dun matrasse - die sogenaamde futon - om op te slaap. Deesdae is daar dikwels 'n televisietoestel en lugreeling aanwesig, maar verder min gemak.
Die Japannese bad voor hulle in die aand aansit vir ete. Voordat hul in 'n openbare bad gaan, was hul hulself, terwyl hul op 'n bankie langs die bad sit. Daarna word ál die seep sorgvuldig afgespoel. Heeltemaal skoon, besoek die mense dan die groot, warm bad. Daar bly hul 'n tydjie lank vir totale ontspanning.
In die riokan word ontbyt bedien. Gaste kan kies uit die tradisionele Japannese ontbyt, bestaande uit rys, vissop ensovoorts. Buitelandse gaste verkies meestal 'n Westerse ontbyt met roosterbrood en tee of koffie.
Hierdie artikel is in sy geheel of gedeeltelik vanuit die Nederlandse Wikipedia vertaal. |