Sandrivierkonvensie
![](http://178.128.105.246/content-http-upload.wikimedia.org/wikipedia/commons/thumb/3/37/Sandrivierkonvensie%2C_paneel_27%2C_Voortrekkermonument%2C_a.jpg/220px-Sandrivierkonvensie%2C_paneel_27%2C_Voortrekkermonument%2C_a.jpg)
Die Sandrivierkonvensie is 'n ooreenkoms wat deur die Britse regering en verteenwoordigers van die Boere op 17 Januarie 1852 aangegaan en onderteken is op 'n plek sowat 9 km noordwes van die hedendaagse nedersetting Aldam. Andries Pretorius was die leier van die Boereverteenwoordigers en William Hogge en Moslyn Owen het die Britse regering verteenwoordig.
Ooreenkoms
[wysig | wysig bron]![](http://178.128.105.246/content-http-upload.wikimedia.org/wikipedia/commons/thumb/4/40/Sand_River_Convention_Monument._Independance_of_Transvaal_Republic._21Km_from_Winburg_in_the_Freestate..jpg/220px-Sand_River_Convention_Monument._Independance_of_Transvaal_Republic._21Km_from_Winburg_in_the_Freestate..jpg)
In die ooreenkoms is die onafhanklikheid van die Boere noord van die Vaalrivier, dus Zuid-Afrikaansche Republiek, erken. Die onderhandelings het op die plaas Boskop suid van Ventersburg in die Vrystaat plaasgevind. 'n Klipstapel met 'n bronsplaat daarop dui die plek aan waar die onderhandelinge plaasgevind het en die traktaat onderteken is. Die verbreking van die ooreenkoms deur die Britse regering op 12 April 1877 het gelei tot die Eerste Vryheidsoorlog.