Tindareos
Tindareos | |
---|---|
Koning van Sparta | |
Opvolger | Menelaos |
Vrou | Leda |
Kinders | Kastor Klitemnestra Timandra Foibe Filonoë Helena (stiefdogter) Polluks (stiefseun) |
Vader | Oibalos of Perieres |
Moeder | Gorgofone |
Tindareos (Grieks: Τυνδάρεος) was in die Griekse mitologie ’n koning van Sparta. Hy was die seun van Oibalos (of Perieres) en Gorgofone.
Gesin
[wysig | wysig bron]Hy het getrou met prinses Leda, by wie hy die pa was van Kastor, Klitemnestra, Timandra,[1] Foibe en Filonoë. Hy was ook die stiefpa van Helena van Troje en Polluks.[2]
Mitologie
[wysig | wysig bron]Tindareos het ’n broer met die naam Hippokoön gehad wat die mag oorgeneem en Tindareos verban het. Hy is deur Herakles teruggeplaas op die troom nadat dié Hippokoön en sy seuns doodgemaak het. Tindareos se ander broer was Ikarios, die pa van Penelope.
Toe Tuestes beheer in Micene oorneem, het sy twee verbanne broerskinders, Agamemnon en Menelaos, na Sparta gekom waar hulle as gaste ontvang is en ’n paar jaar gewoon het. Die prinse het eindelik met twee van Tindareos se dogters, onderskeidelik Klitemnestra en Helena, getrou.
Vloek van die godin
[wysig | wysig bron]Terwyl Tindareos offerande aan die gode gemaak het, het hy van Afrodite vergeet. Die godin was woedend en het gesorg dat sy dogters twee en drie keer getrou en hulle mans verlaat het.[3]
Helena en die Trojaanse Oorlog
[wysig | wysig bron]![](http://178.128.105.246/content-http-upload.wikimedia.org/wikipedia/commons/thumb/8/8f/Antonio_Canova-Helen_of_Troy-Victoria_and_Albert_Museum.jpg/140px-Antonio_Canova-Helen_of_Troy-Victoria_and_Albert_Museum.jpg)
- Die hoofartikel vir hierdie afdeling is: Trojaanse Oorlog.
Tindareos se stiefdogter, Helena, was die beeldskoonste vrou in die wêreld en toe dit tyd word dat sy trou, het konings en prinse om haar hand meegeding. Onder die mededingers was Odusseus, Menesteus, Alias die Grote, Patroklos en Idomeneus. Tindareos wou nie ’n man vir Helena kies nie, omdat hy bang was hy kom die ander vryers te na. Odusseus het toe met ’n voorstel vorendag gekom in ruil vir ’n goeie woordjie van Tindareos in sy hofmakery van Penelope: Tindareos moes die vryers ’n eed laat aflê dat hulle Helena se huwelik sou verdedig, maak nie saak wie Tindareos as haar man kies nie. Menelaos het gewen,[4] die res van die vryers het die eed afgelê en Helena en Menelaos is getroud. Eindelik het Tindareos geabdikeer ten gunste van sy skoonseun, en Menelaos het koning geword.
’n Paar jaar later het Afrodite Helena aan Paris van Troje belowe nadat hy haar ’n kompetisie laat wen het teen Hera en Atena. Paris het haar toe uit die Spartaanse paleis gaan steel en na Troje geneem. Menelaos het die eed aan Tindareos gebruik om al die Grieke sover te kry om na Troje op te ruk om Helena terug te kry, en dit het aanleiding tot die Trojaanse Oorlog gegee.
Verwysings
[wysig | wysig bron]- ↑ Hesiodos, Katalogus van Vroue fr. 23(a)7–9; Apollodorus, Bibliotheca 3. 10. 6
- ↑ Apollodorus, 3.10.6.
- ↑ Scholiast oor Euripides, Orestes 249; Hesiodos, Katalogus van Vroue Fragment 67. Vertaal deur Evelyn-White, H.G. Loeb Classical Library Volume 57. Londen: William Heinemann, 1914.
- ↑ "Archived copy". Geargiveer vanaf die oorspronklike op 1 Oktober 2011. Besoek op 5 Oktober 2011.
{{cite web}}
: CS1 maint: archived copy as title (link)
Skakels
[wysig | wysig bron]Hierdie artikel is in sy geheel of gedeeltelik uit die Engelse Wikipedia vertaal.